mánadagur 7. juni 2010síða 23

23 Mánadagur 7. juni · Nr. 91 Sosialurin Ítróttarblaðið Málleyst í Luxembourg a-landsliðið Fríggjakvøldið spældi føroyska A-landsliðið venjingardyst ímóti Luxembourg og endaði dysturin við málleysum javnleiki í nógva hitanum á Stade Alphonse Theis í Luxembourg. Hetta er annar dysturin á ferðini hjá landsliðnum og staðfestast kann, at einki mál kom ígjøgnum teir 170 minuttirnar, ið spælt var tilsamans Tróndur Arge – Føroyingar byrja dystin væl og royna at leypa á, men teir skapa ongar vandamiklar møguleikar. Eftir eitt korter tók Luxembourg yvir, men heldur ikki teir megnaðu at skapa nakað serligt. Tað vóru bara tveir vandamiklir møguleikar í øllum dystinum. Í fyrra hálvleiki bjarga føroyingarnir á strikuni og í seinna hálvleiki bjargaði Gunnar Nielsen væl. Annars var dyst urin einki at skriva heim um, sigur Ivan Eginsson, ið var á áskoðarar­ plássinum til dystin. Dysturin var leiktur á leik­ vøllinum Stade Alphonse Theis í býnum Hesperange, sum er ein for­ staður til Luxembourg. Tað er pláss fyri umleið 3.000 áskoðarum. – Leikvøllurin er serstakur og minnir faktist eitt sindur Savnga­ sgarð, við tað at hann liggur á ein um fjalli. Tað vóru umleið 700 áskoð arar til dystin, men hóast um­ støðurnar greitt bendu á, at hetta var ein venjingardystur, so góvu liðini alt hvat tey áttu, sigur Ivan Eginsson. Føroyski landsliðsvenjarin, Brian Kerr, hevði valt at byrja við Christian R. Mouritsen á álops­ kenda miðvøllinum og eisini Rógvi Poulsen fekk høvi at royna seg frá byrjan. – Sum so stóð ongin føroyingur sterkari í myndini enn nakar annar, men bæði Christian R. Mouritsen og Rógvi Poulsen vóru millum teir betru, sigur Ivan Eginsson. Hetta er fyrstu ferð, at Christian R. Mouritsen byrjar inni á føroyska landsliðnum. – Eg haldi ikki, at Luxembourg er eitt betri lið enn Føroyar og hevði dysturin verið spældur í Føroyum, so trúgvi eg at Føroyar høvdu vunni. Nógvi hitin gjørdi tað tor ført hjá føroysku leikarunum og orkan var um at vera uppi hjá onkrum av teimum í seinna hálv leiki, sigur Ivan Eginsson. Fyrsta føroyska uppgávan í undan kappingini til EM12 verður longu 11. august ímóti Estlandi á úti vølli. Kærkomin landsliðs­ savning a-landsliðið Tað sigur Gunnar Nielsen, ið stóð í føroyska málinum, um lítlu venjingarleguna, sum føroyska landsliðið akkurát hevur verið ígjøgnum Tróndur Arge – Vit eru sjálvdan savnaðir og sum oftast møtast vit bara tveir ella tríggjar dagar undan einum dysti. Her fingu vit møguleika at venja saman og koma at kenna hvønn annan. Høvi var eisini at møta nýggja hjálparvenjaranum, John McDonnel, samstundis sum vit ar beiddu við ymiskum, ið vit ikki vanliga kunnu, sigur Gunnar Nielsen. Gunnar Nielsen stóð í mál­ inum ímóti bæði B1908 og ímóti Luxembourg. Føroyar vunnu 1­0 á B1908 og einki mál kom í Luxembourg. Sostatt kom einki mál ígjøgnum hjá før oy ingum. – Eg havi spælt saman við teimum flestu, ið vóru í verjuni hesar báðar dystirnar, men tað er sjálvandi deiligt at vit fáa spælt nakrar dystir saman og koma at kenna hvønn ann an betur. Fyri okkum í verju part­ inum var tað gleðiligt, at vit megnaðu at halda málið reint í hesum báðum dystinum, sigur Gunnar Nielsen. Føroyar og Luxembourg eru í sama styrkibólki og hava fyrr spælt javnar dystir. Í undan­ kappingini til HM 2002 vóru vit í bólki saman við teimum og vunnu báðar dystirnar. – Úrslitið var kanska ikki tað týdningarmiklasta í hesum dystinum, men vit vildu vinna hann og løgdu nógv fyri. Eg haldi ikki, Luxembourg er eitt betri lið enn vit og tað er eitt lið, vit eiga at kunna vinna á. Men tað var heitt og torført hjá okkum at spæla, so alt í alt, so eri eg ókey nøgdur við 0­0 á úti vølli ímóti Luxembourg, sigur Gunnar Nielsen. Føroyska landsliðið kom aftur til Føroyar leygar morg­ unin. Komandi uppgávan hjá lands liðnum er í undan­ kapp ingini til EM2012 tann 11. august, tá leiðin gongur til Estland. trondur@sosialurin.fo gunnAr ATli jóhAn jónAs einAr súni fróði chrisTiAn chrisTiAn h rógvi símun Luxembourg - Føroyar 0-0 Føroyar: Gunnar Nielsen - Jónas T. Næs, Atli Gregersen, Jóhan T. Davidsen og Einar T. Hansen - Christian L. Holst(Christian Høgni Jacobsen 79.min), Súni Olsen, Fróði Benjaminsen (L) og Rógvi Poulsen(Bogi Løkin 68.min) - Christian R. Mouritsen(Jóan Símun Edmindsson 74.min) - Símun Samuelsen. Á bonkinum uttan at koma inn: Tórður Thomsen, Egil á Bø, Viljormur Davidsen, Atli Danielsen, Pól Jóhannus Justinussen og Jann Ingi Petersen. Mynd: Karl Vidtfeldt/FSF Tróndur Arge – Tað kom óvæntað á meg, at eg skuldi byrja inni. Eg roknaði bara við, at teir sum plaga at byrja inni skuldu byrja inni, men tað var deiligt at sleppa at royna seg á lands liðnum frá byrjan, sigur Christian R. Mouritsen. Christian R. Mouritsen byrjaði á miðvøllinum saman við Fróða Benja minsen og Súna Olsen. – Eg spældi á álopskenda mið­ vøll inum og tað er eisini har, mær dámar best at spæla. Tá eg fekk bóltin, skuldi eg fyri tað mesta royna at halda uppá hann og so sjálvandi royna at skapa sum mest. Í verjustøðu var uppgávan hjá mær at leggja teirra verjukenda mið­ vallara undir trýst, sigur Christian R. Mouritsen um leiklutin, hann hevði í dystinum. Eftir føroyskum mátistokki, so var tað ógvuliga heitt í veðrinum, meðan dysturin var. – Tað var sum at renna í einum hitarúmi í fyrra hálvleiki. Hitin hevði stóra ávirkan á spælið hjá okkum og menn vóru øguliga troytt­ ir, sigur Christian R. Mouritsen. Tað vóru ikki nógvir málmøgu­ leikar í dystinum og liðini høvdu torført við at skapa nakað. – Tað er ilt at siga, hví vit skapa so lítið, men bæði liðini stóðu væl á vøllinum og tað var ein javnur dyst­ ur. Eg eri sum so ikki nøgdur við at spæla javnt ímóti Luxembourg, men tá vit hugsa um umstøðurnar, ser liga nógva hitan, so var tað í lagi at spæla javnt. Christian R. Mouritsen varð út­ skiftur tá eitt korter var eftir av dyst inum, umframt at hann spældi allan seinna hálvleik í Sundby Idræts park ímóti 1908 og skoraði før oyska málið. – Vit hava nú verið saman sum eitt lið í nakrar dagar og nú kenna vit allir hvønn annan betur. Tað er ikki so ofta, at landsliðið kann savnast, so hesin túrurin kom væl við, sigur Christian R. Mouritsen at enda. Christian skal longu í eldin aft­ ur týskvøldið, tá B36 í seinnu hálv­ finaluni vitjar í Streymnesi. trondur@sosialurin.fo a-landsliðið Tá A-landsliðið fríggjakvøldið fór inn á vøllin í Luxembourg var B36 leikarin, Christian R. Mouritsen, millum teir ellivu, ið byrjaðu dystin. Tað er fyrstu ferð, at hann byrjar ein A-landsdyst fyri Føroyar Sum at renna í hitarúmi Mynd: Karl Vidtfeldt/FSF