fríggjadagur 18. juni 2010síða 15

nr. 96 · 18. juni 2010 15 VIKUSKIFTI HanUs tUlKar Hans Jacob Glerfoss Í sambandi við 60 ára føðingardagin hjá Hanusi G. JoHansen verður í daG givin út fløGa við fimm av Hansara løgum til yrkinGar hjá hans jacobi glerfoss. »eitt blað eG á kann skriva« kallast fløgan, sum jens l. thomsen hevur framleitt uni arge Tær fimm yrkingarnar hjá Hans Jacobi Glerfoss eru um náttúru og at skriva, og Hanus gjørdi løgini millum 1979 og 1990. Í fløguhúsanum skrivar dóttir yrkj aran, Hansa Marfríða Glerfoss, um pápa sín, ið doyði 17. januar í ár, at hann var ein droymari, ein romantikari og ein leitari. »Lív hansara var mangan ein reik an í einsemi og í toku. Til tíðir ein oyði­ mark ar gongd, leitandi í tosta eftir lívi og vætu, við einum anda bønandi um frið. Einari leitan bornari av longsli eftir onkrum, ið hann trúði var betri. Ein leitan, stundum í blindum, men altíð vendum móti ljósinum og hitanum og lív inum. Tó hendan lýsing kann tykjast heldur døpur, ja, beinleiðis melankolsk, bera yrk ingar hansara eyðkenni av ugga og vón.« Hon fegnast um tulkingarnar hjá Hanusi G. Johansen av teimum fimm yrk ing unum og heldur, at tær eru meist arligar. »Hann hevur blást lívsanda í og har við givið orðunum veingir við at smíða løg og leggja rødd til, soleiðis at hes ar burtur goymdu yrkingar annars fáa endur reisn í nýggjum hami," skrivar Hansa Marfríða Glerfoss. Tónleikarar á fløguni eru Hanus G. Johansen, Angelika Nielsen og Jens L. Thomsen, sum eisini hevur tikið upp og ljóðblandað tónleikin. Blýantstekningar og vatnlistmyndina í fløguhúsanum gjørdi Hans Jacob Glerfoss. Um Hans Jacob Glerfoss verður upp­ lýst í húsanum, at hann vaks upp í Kunoy hjá ommu og abba sínum, og sum 25 ára gamal gjørdi hann av at liva sum listamaður burturav. Hann gav út trý yrkingasøvn, »Til B« í 1966, »Fjalla­ fossar« í 1967 og »Kvirra í reyðum og bláum« í 1969. Fyri hesi yrkingasøvnini fekk hann í 1969 mentanarvirðisløn M.A. Jacobsens fyri fagrar bókmentir. »Eitt blað eg á kann skriva« verður løgd fram í Norðurlandahúsinum í dag millum kl. 16.00 og 18.00 í sambandi við, at føðingardagur verður hildin fyri Hanusi G. Johansen. Røður verða hildnar, og Hanus sjálvur fer at spæla. E i t t b l a ð e g á k a n n skr iva Hanus G. Johansen H a n us sy ngu r Gl e r f o ss Mylluáin orð: Hans J. Glerfoss • lag: Hanus G. Johansen Dregur stilt við strendur summaraldan blíð – hvílast troyttar hendur – lokið dagsins stríð. Summarlýðkan brosar blítt um Mikladal – Mylluáin tosar still um barnaspæl. Sorgardags og gleðis stillu vøkru ljóð – máttloysi og megis, yvir fedra slóð. Mylluá, tú kvøður, og eg skilji teg – – – einaferð tú kvøður eisini um meg . . . Ein yrking um lívsins yrking orð: Hans J. Glerfoss • lag: Hanus G. Johansen Eg veit eina yrking so vakra um lívið og álvara tess, at ongantíð finni eg nakra at seta í hennara sess. Hon kann ikki sigast í orðum og kann ikki festast á bløð, men stendur í reglum í skorum og uppslitnum lunnum á støð. Hon rópar í sjófuglaringi, har maður í bjørgunum fall, í áum, í rásum, í lyngi, av gjarvaksnum kletti í fjall. Hon rekur í rúmd yvir vinum og konum í kirkjugarðsgrøv og andum av sjólætnum synum um hválv yvir víðopin høv. Spurd, um eg vildi skriva nøkur orð um pápa, í sambandi við hesa fløguútgávu, svaraði eg játtandi. Tað vildi eg fegin. Høvuðspersónarnir handan hesa útgávu hava hvør á sín hátt havt ómetaliga stóra og góða ávirkan á mítt lív. Júst tí er tað mær ein gleði at skriva nøkur orð, við takksemisanda fyri hesa virðismiklu gávu, nú teir verða samansjóðaðir í tónleik- inum. Um pápa kann eg í stuttum siga, at hann var ein droymari, ein romantikari og ein leitari. Lív hansara var mangan ein reikan í einsemi og í toku. Til tíðir ein oyðimarkargongd, leitandi í tosta eftir lívi og vætu, við einum anda bønandi um frið. Einari leitan bornari av longsli eftir onkrum, ið hann trúði var betri. Ein leitan, stundum í blindum, men altíð vendum mót ljósinum og hitanum og lívinum. Tó hendan lýsing kann tykjast heldur døpur, ja beinleiðis melankolsk, bera yrkingar hansara eyðkenni av ugga og vón, heldur enn mótloysisanda og vónloysi. Hetta er júst eyðkenni fyri tær yrkingar, ið hann hevur lagt eftir seg. Tær eru lívsjáttandi, hálovandi lívinum, vakurleikanum, reinleikanum, kærleik- Einki minni enn ein gáva til lívið...