mánadagur 21. juni 2010síða 10

Mánadagur 21. juni · Nr. 97 10 Sosialurin Vilmund Jacobsen Landsstýrismaðurin í fiski­ vinnumálum, Jacob Vest er­ gaard, hevur nú havt fund­ ir við íslendska og norska fiskimálaráðharran um makrelspurningin. Enn vant­ ar at fáa í lag fund við fiski­ vinnumyndugleikarnar í ES. Á fundi við íslendska fiskimálaráðharran var makrelspurningurin tikin fram, men hetta var ikki ein formellur fundur um hetta einstaka málið í so máta. Hinvegin var fundurin, sum Jacob Vestergaard hevði seinasta hósdag við norska fiskimálaráðharran beinleiðis um makrel spurn­ ingin. – Nú verður so roynt at fáa fund í lag við fiski vinnu­ myndugleikarnar í ES, men ES er eitt størri apparat, og enn veit eg ikki, nær hetta fer at eydnast. Enn er eingin fundur avtalaður við ES, men eg vænti, at vit fáa eina avtalu um fund í hesi vikuni, sigur landsstýrismaðurin. Tó at tað eru tríggir partar, sum verða róptir strandalond í makrelhøpi, Føroyar, Noreg og ES, er Ísland, sum eisini fiskar makrel í egnum sjógvi, partur av áhugamálunum hjá Føroyum í so máta. Ymisk sjónarmið Jacob Vestergaard er ikki stórorðaður um fundin við norska fiskimálaráðharran, Lisbeth Berg­Hansen. Tað er tí trupult at siga, um hesin fundur fær nakra ávirkan støðuna sum er íkomin, nú Føroyar í London herfyri ikki vildu skriva undir strandalandaavtalu um býtið av felagskvotuni av makreli fyri 2010. Eftir fundin hevur Lisbeth Berg­Hansen sagt seg fegnast um, at makrelspurningurin er tikin upp á politiskum stigi, men hon ásannar sam­ stundis, at langt er millum sjónarmiðini hjá Noreg og Føroyum í hesum máli. Spurdur, hvussu stór­ ur okkara partur av felags­ kvotuni hevði verið, um Før oyar skrivaðu undir á nevnda fundi, sigur Jacob Vestergaard, at okkara part­ ur í 2009 var sløk 4,7%, og hann heldur ikki, at nøkur ábending hevur verið um, at føroyski parturin hevði verið – og verður ­ øðrvísi í eini møguligari avtalu fyri 2010. Dregur út ­ Teir næstu dagarnar hendir einki í makrelmálinum, og enn fari eg ikki at áseta Føroyum eginkvotu. Breið semja er um, at politiskar samráðingar skulu verða við partarnar, sum eru við í hesi avtalu, og fyrr enn komið er longri við hesum, hendir einki. Í løtuni veit eg sum nevnt ikki, nær vit sleppa á fund við ES um spurningin, sigur Jacob Vestergaard. Landsstýrismaðurin veit annars at siga, at norski fiski málaráðharrin skal hitta fiskivinnukommiserin í ES ein av fyrstu døgnum, og tá verður spurningurin um makrelin eisini tikin upp til umrøðu. Endamálið við fund ar ­ um farinum hjá lands stýris­ manninum við politisku fiskiveiðimyndugleikarnar í Ísland, Noreg og ES er at greiða hinum pørtunum frá føroysku sjónarmiðjunum í makrelspurninginum og annars at deila sjónarmið um henda spurning. vilmund@sosialurin.fo Vilmund Jacobsen Landsstýrismaðurin í fiski­ vinnumálum, Jacob Vester­ gaard, hevur áður sagt, at hann umhugsar at áseta Før oyum eina eginkvotu av makreli upp á 150.000 tons fyri 2010, umframt tað, sum útróðrarbátar kunnu veiða við dyrging. Siga vit, at hesi 150.000 tonsini kunnu seljast fyri í miðal 6 krónur fyri kilo, er talan um eina lítla miljard krónur í veiðivirði. Nú er óhugsandi, at allur fiskurin kann virkast til matna, tá talan er um so stórar nøgdir, men tað er ikki óhugsandi, at ein stórur partur kundi verið frystur til matna. Føroyar eiga bara eitt verksmiðjuskip, sum kann virka fiskin umborð, og tað er Norðborg hjá Kristian Martini Rasmussen og syn­ um hansara. Uppi á landi hava vit Faroe Pelagic í Kollafirði, um­ framt at vit hava nógv onnur fiskavirki, sum kanska kundu bjóðað seg fram í kappingini um fiskin. Í aðrar mátar hava vit fleiri frystigoymslur kring landið, sum tilsamans hava eina stóra frysti­ og goymsluorku. vilmund@sosialurin.fo Langt millum sjónarmiðini um makrelin MAKRELUR Jacob Vestergaard hevur nú havt fundir við fiskimálaráðharrarnar í Íslandi og Noregi um makrelspurningin, men enn er eingin fundur avtalaður við fiskivinnumyndugleikarnar í ES. – Nú mugu vit bíða, til hetta politiska fundarumfarið er av, sigur landsstýrismaðurin Í løtuni veit Jacob Vestergaard, landsstýrismaður í fiskivinnumálum ikki, nær Føroyar fara at taka endaligu avgerðina um makrelin STEÐGUR Ein miljard krónur í makreli Í løtuni veit eg ikki, nær vit sleppa á fund við ES um makrelin