hósdagur 24. januar 2002síða 3

4 Nr. 16 - 24. januar 2002 Nr. 16 - 24. januar 2002 5 Kórsamband Føroya hevði um vikuskiftið fimta skeiðið í eini røð av skeiðum, sum Kórsambandið hevur skipað fyri. Skeiðini eru løgd til rættis av Kórsambandinum, og er endamálið at stimbra føroyskan kórsang og styrkja sambandið millum kórleiðarar í Føroyum KÓRSANGUR Ingrid Bjarnastein Av tí, at játtanin til kórsam- bandið ikki hevur verið so stór, hevur ikki verið møgu- ligt at skipa fyri so nógvum tiltøkum. Tað, sum kórsam- bandið fyrst og fremst hevur tikið sær av er árliga kórstevnan, og síðani eisini kórsangurin á ólavsøku. Játtanin hevur ikki rokkið til meira, men tá kórið í fjør fekk játtað meira pening, varð avgjørt at skipa fyri skeiðum fyri kórleiðarum, til tess at menna førleika teirra í kórleiðslu. Í hesum sambandi hevur Kórsamband Føroya fingið Mogens Dahl til Føroya at undirvísa í kórleiðarunum í Føroyum. Mogens Dahl er rektari á universitetinum í Ålborg, har hann undirvísir í kórleiðslu, og harumframt er hann eisini dagligur leiðari fyri operakórið í Århus, har hann eisini um- situr orkesturleiðslu. Danski rektarin hevur verið við til tey fimm skeiðini kórsambandið hevur skipað fyri, og røðin av skeiðum endar í fyrst í majmánaða. Tá er ætlanin, at teir kór- leiðarar, ið hava hug, kunnu fara upp til eina roynd, og harvið fáa skjal uppá, hvat teir duga. Endamálið við skeiðunum er at leggja lag á kórleiðararnar og læra teir at dirigera. Sum ein endi á hesum eina skeiðnum var skipað fyri konsert í Kommunu- skúlanum um vikuskiftið. Har vóru teir 11 kórleiðar- arnir umframt kvinnurøddir frá Tórshavnar Kamarkóri og Havnarkórinum á pall- inum og framførdu nakrar sangir. Framtíðin Hvat Kórsamband Føroya fer at skipa fyri í næstu framtíð er ilt at siga. – Tað veldst um játtanina, sigur Ólavur Hátún. – Kór- sambandið hevur millum annað ætlanir um at gera eitt kórnótabókasavn í sam- starvi við Landsmiðstøðina í undirvísingartólum. Her er ætlanin, at Landsmið- støðin skal umsita bóka- savnið, meðan Kórsam- bandið fær tilfar til vega. Hetta verður gjørt fyri at royna at fáa enda á at margfalda. Fyri tað fyrsta er tað ikki lógligt, og fyri tað næsta er tað ópraktiskt. Ætlanin er eisini at halda fram við kórleiðaraskeið- um, soleiðis at sjónarring- urin hjá føroyskum kórleið- arum víðkast. Eisini liggja onkrar ætlanir frammi um at gera eina nýggja før- oyska kórbók við nýggjari sangum, sum kanska eru eitt sindur popp-merktir, men vísa seg at vera slit- góð. – Avmarkað er, hvat vit kunnu gera. Við kórleiðara- skeiðum og slíkum er tað um reppið at vit klára okkum fíggjarliga, sigur Ólavur Hátún at enda. Kórleiðarar høvdu konsert 11 kórleiðarar umframt røddir frá Kamarkórinum og Havnarkórinum høvdu um vikuskiftið konsert í Kommunuskúlanum Mynd: Jens Kr. Vang Fyrsta royndin hjá løgmanni og Óla Holm at koma upp í trætuna um skúlan á Trøllanesi fekk kalda móttøku í Mikladali, men løgmaður sigur, at tilboðið um sem- ingsroynd stendur við TRØLLANES-TRÆTAN Eyðun Klakstein Kalsoy: Løgmaður fekk onga góða móttøku, tá hann bjóðaði sær at koma upp í at loysa trætuna um skúlan á Trøllanesi. Ein av limunum í bygda- ráðnum í Mikladali segði í gjár við Sosialin, at tað nyttar einki, at løgmaður ella landsstýrismaðurin við skúlamálum komu norður, tí um foreldrini á Trøllanesi halda fast um síni krav, so er eingin loysn í málinum. Tað vil siga tað sama, sum at bygdaráðið stendur fast við sína støðu um, at skúlin á Trøllanesi verður ikki tikin í nýtslu aftur, so- leiðis sum foreldrini á Trøllanesi vilja. Løgmaður hevur verið í sambandi við bygdaráðið í Mikladali, men hann fekk somu boðini, sum Sosialur- in endurgav í gjár. – Fáa vit ikki ein dialog í lag, er tað avmarkað, hvat vit kunnu gera. Tað er byg- daráðið og skúlanevndin, sum hevur avgerðarrættin, sigur Anfinn Kallsberg. Tilboðið stendur við Løgmaður hevur tó ikki givið upp enn, hóast fyrsta royndin miseydnaðist, áðr- enn hon kom í gongd. – Tilboðið um, at eg og Óli Holm kunnu gera eina ítøkiliga roynd at loysa málið, stendur við, og eg havi ikki mist mótið um, at vit kunnu gera okkurt fyri at finna eina loysn, sigur Anfinn Kallsberg. – Men skalt tú loysa eitt stríð, mást tú verða til reið- ar at tosa um, hvussu hetta stríð kann loysast. Tí er tað trupult at gera nakað, um bygdaráðið í Mikladali ikki vil vera við til at tosa um eina møguliga loysn. Foreldrini á Trøllanesi, sum ikki vilja senda børn síni í skúla í Mikladali, fyrr enn skúlin á Trøllanesi eis- ini verður partur av undir- vísingini, vilja fegin hava umboð fyri landsstýrið at koma uppí málið. Bygdaráðið heldur seg hinvegin hava tikið ta av- gerð, sum tað heldur vera best fyri kommununa, og hendan avgerð er endalig. Løgmaður fekk kalda móttøku - Tilboðið um, at eg og Óli Holm kunnu gera eina ítøkiliga roynd at loysa málið, stendur við, og eg havi ikki mist mótið um, at vit kunnu gera okkurt fyri at finna eina loysn, sigur Anfinn Kallsberg – Verða føroysku rækjuskipini løgd, so mugu vit eisini gevast við okkara fram- leiðslu, tí so hava vit onga rávøru, sigur stjórin á Rækjuvirk- inum á Oyri. Fram- leiðslan hjá virkinum er bundin at føroysk- um rækjufiskiskapi RÆKJUKREPPA Eyðun Klakstein Tað fær álvarsamar avleið- ingar fyri Rækjuvirkið á Oyri, um føroysk rækjuskip verða løgd. – Vit keypa alla okkara rávøru frá føroyskum rækjuskipum, og tað er tað einasta, sum vit kunnu gera, tá vit flyta út til ES. Verða føroysku rækjuskip- ini løgd, ja, so mugu vit eis- ini gevast við okkara fram- leiðslu, sigur Sofus Poul- sen, stjóri á virkinum. Høvuðsframleiðslan hjá Rækjuvirkinum eru pilkað- ar rækjur, sum verða seldar til Bretlands. Rávøran kemur frá føroyskum skip- um, og tá slepst undan ser- ligum tolli á vøruni. Skal Rækjuvirki keypa rávøru úr útlandinum, so verður ein tollur upp á 20 prosent lagdur á tí lidnu vøruna, og tá hevur ongan kjans at kappast á bretska marknað- inum. – Tí er framleiðslan hjá teimum 80 fólkunum her á virkinum bundin at før- oysku rækjuskipunum, sig- ur Sofus Poulsen. Vánalig útlit Prísurin á øllum sløgum av rækjum er lágur, og tá tað snýr seg um útflutningin hjá Rækjuvirkinum á Oyri, hava tey ongantíð áður fingið so lítið fyri vøruna. Hetta merkir, at virkið kann lata nógv minni fyri rávøruna frá skipunum. – Prísurin á okkara vøru fór niður í februar mánaði í fjør, og hann er ongantíð komin uppaftur. Talan er um eina niðurgongd upp á 15 prosent. Vit hava tó framleitt sum vanligt síð- ani, men tað er púra greit, at verða føroysku rækju- skipini løgd, so hava vit ongan møguleika at halda fram, sigur Sofus Poulsen. – Vit høvdu vónað at prísurin fór at koma upp aftur um ársskiftið, men tað hevur ikki verið so, og útlit eru ikki fyri, at prísurin fer at hækka komandi mánað- irnar, sigur hann. Tað arbeiða um 80 fólk á Rækjuvirkinum á Oyri. – Tað er vandi fyri, at almennur stuðul til rækjuflotan bara útsetir pínuna eitt sindur, sigur Heini O. Heinesen, formaður í Vinnunevndini hjá løgtinginum RÆKJUKREPPA Eyðun Klakstein – Er støðan á rækjumarkn- aðinum seinastu tíðina varðandi, so nyttar tað einki at lata rækjuflotanum stuðul, tí so snýr tað seg bara um at útseta pínuna hjá teimum eitt sindur. Tað sigur formaðurin í Vinnunevndini hjá løgting- inum, Heini O. Heinesen. – Tað er ikki gott tekin, at rækjuskip, sum fyri kortum vóru sanerað fyri nógvar milliónir, nú koma aftur til landið at biða um pengar. Trupul støða Heini O. Heinesen heldur, at um talan er um prísfall í eina avmarkað tíð, so er støðan onnur, enn um talan er um eina varðandi støðu. – Hetta málið er sera trupult at viðgera politiskt. Um vit skulu stuðla rækju- flotanum, hvat hendir so, tá alivinnan fær trupulleikar, skulu vit so aftur at stuðla tá. – Vit hava havt ringar royndir av kreppuloysnum áður, tí tað hevur víst seg, at almennur stuðul bara hevur útsett pínuna. Alt fór á heysin fyri tað. Og tá tað verður sagt, at brent barn ræðist eld, so er tað trupult at fara lata stuðul rækju- flotan, sigur Heini O. Hein- esen. Hann sigur seg ikki hava neyðugu upplýsingarnar í málinum til at hava eina av- gjørda støðu, men hann heldur, at tað er ivasamt, um tað er rætt við almenn- um stuðli til rækjuflotan. Formaðurin í Vinnunevndini: Torført at stuðla rækjuflotanum Rækjuvirkið á Oyri í somu vandastøðu Framleiðslan hjá teimum 80 fólkunum á Rækjuvirkin- um á Oyri er bundin tætt at føroysku rækjuskipini. Um hesi skip verða løgd, so missir virkið sína rávøru og má gevast – Vit hava havt ringar royndir av kreppuloysnum áður, tí tað hevur víst seg, at almennur stuðul bara hevur útsett pínuna, sigur Heini O. Heinesen, formaður í Vinnu- nevndini C M Y K 5 4 BARNAÚTGERÐ N. Finsensgøta 18 • 100 Tórshavn • Tlf. 315101 Klaksvíksvegur 63 • 700 Klaksvík • Tlf. 456530 BARNAÚTGERÐ Stóra vetrarútsølan er byrjað Hesa vikuna -20% í avsláttri Frá mánadegnum 28. januar kl. 10.00 -50% Kom og ger kvettið