mánadagur 12. juli 2010síða 20

Mánadagur 12. juli · Nr. 106 20 Sosialurin Ítróttarblaðið Tróndur Arge Klaksvíkingar tryggjaðu sær leyg­ ardagin eitt FM heiti í kappróðri fyri menn. Tað er ikki á hvørjum ári, at menninir hjá Klaksvíkar Róðrar­ felag vinna meistaraheiti, og tað er ongantíð áður komið fyri, at teir hava vunnið kappingina millum 6­mannafør. Nú kunnu meistaraheitini fyri mannfólk hjá klaksvíkingum ikki teljast á aðrari hondini, men tey eru framvegis ikki mong: Fípan Fagra (2005), Nevið Reyða (2001 og 2005), Klaksvíkingur (2006 og 2009) og so nú Páll Fangi. Tað vil við øðr­ um orðum siga, at tað í FM kapp­ ingunum, sum tær eru nú, ongan tíð eydnaðist mannfólkunum í Klaks­ vík at vinna FM frá tí, at farið varð undir kappróður eftir galdandi skip an í 1973, fyrrenn í hesi øldini. Frá 1964 og fram til 1972 varð kappast um FM í einum róðri eftir Ólavsøku, og tá vunnu dreingirnir á Fípuni Føgru í 1964. Seinastu fýra árini eru trý av FM heitunum í kappingini millum 6­mannafør við monnum vunnin av norðoyingum. Sundabáturin vann bæði í 2007 og 2008, og eftir at FM steypið í fjør endaði á Tvøroyri, verð ur tað á Ólavsøku handað klaks víking um. Hóast Páll Fangi hevur vunnið allar róðrarnar higartil í ár, so hevur tað hvørja ferð verið sera spenn­ andi, og í fimm teimum fyrstu kapp ing unum var munurin frá Páll Fanga og aftur til tann næsta ongan tíð meiri enn eitt sekund. Í dýrdarveðrinum í Sørvági var tað eisini spennandi, men tá ið teir fóru um málið, var als eingin ivi. Í endaspurtinum vant Páll Fangi burtur úr øllum hinum, og hesa ferð var fjarstøðan aftur til tann næsta tað mesta av einari bátslongd. Kappingin var annars skiftandi og tøtt og harvið spennandi. Páll Fangi fekk besta startin, og hann var fremstur mesta partin av teininum. Men á síðsta triðinginum av 1500 metra málinum var tað tætt og skiftandi. Eina løtu tóktist Fríggjarin at vera á odda, og eina løtu seinni var stavnurin á Tvøra­ bátinum frammanfyri. Í endaspurtinum vóru tað tó tøk ini hjá klaksvíkingum, sum mun aðu mest, og Páll Fangi fór um mál strik una soleiðis, sum tað er ein um meistara verdugt. FM vinnarin frá í fjør, Tvøra­ báturin, var drúgvasti kappingar­ neytin hjá sigursharrunum. Hann vann við einari bátslongd á Fríggjar­ anum, sum var meiri enn tvær báts longdir frammanfyri Smyril, ið fyrsta partin av teininum hevði ver­ ið við í kappingini í oddinum. Skúgvur endaði á fimta plássi og Hósvíkingur á sætta plássi, og í tøttu kappingini um at sleppa undan aftasta plássi var Jarnbardur nummar sjey, Sølmundur nummar átta og Kollfirðingur nummar níggju. Strálan fekk ikki høvi at vera við í róðrinum. Hon var kolldømd, tí ein av manningini hevði verið við í øðrum róðri ídag. trondur@sosialurin.fo 1 Páll Fangi . . . . . . . . . . . . . 07:12.24 2 Tvørabáturin. . . . . . . . . . . 07:15.13 3 Riddarin . . . . . . . . . . . . . . 07:18.22 4 Smyril . . . . . . . . . . . . . . . . 07:26.22 5 Skúgvur. . . . . . . . . . . . . . . 07:30.20 6 Hósvíkingur . . . . . . . . . . . 07:42.17 7 Jarnbardur. . . . . . . . . . . . . 07:46.14 8 Sølmundur . . . . . . . . . . . . 07:47.22 9 Kollfirðingur. . . . . . . . . . . 07:48.10 Støðan 1 Páll Fangi . . . . . . . . . . . . . . . . . . . 42 2 Tvørabáturin. . . . . . . . . . . . . . . . . 34 3 Riddarin . . . . . . . . . . . . . . . . . . . . 29 4 Smyril . . . . . . . . . . . . . . . . . . . . . . 26 5 Strálan . . . . . . . . . . . . . . . . . . . . . 15 6 Skúgvur. . . . . . . . . . . . . . . . . . . . . 14 7 Hósvíkingur . . . . . . . . . . . . . . . . . . 6 8 Jarnbardur. . . . . . . . . . . . . . . . . . . . 1 9 Lómur . . . . . . . . . . . . . . . . . . . . . . . 1 Tróndur Arge Erla Kongsdóttir tryggjaði sær leygardagin FM heitið í kvinnu­ kappingini umborð á 5­manna­ førum. Gamaní er fjarstøðan aftur til Drekan, sum er næstfremst, ikki meiri enn sjey stig, men tá ið tað bara eru fimm bátar í hesi kappingini, so vil tað siga, at Erla Kongsdóttir fær í minsta lagið trý stig á Ólavsøku, um hon bara damlar teir 900 metr­ arnar av Argjahøvda og inn á málið. Sjálvsagt ætlar Erla Kongs­ dóttir at enda róðrarárið við maner, og avrikið á Sørvági leygar dagin bendi ikki á ann­ að, enn at Erla Kongsdóttir er favorittur at vinna á Ólav­ søku. Bara eina ferð hevur tað kiksað hjá fuglfirðingum í ár. Tað var á Sundalagsstevnu í Hvalvík, tá ið Drekin vann. Drekin hevur verið í tætt­ ari kapping við Firvald um næstfremsta plássið. Leygar­ dagin vóru tað tær á Tvøroyri, sum vunnu ta kappingina, og Blikur av Argjum var ikki so langt aftanfyri. Tað verður roknað við, at Erla Kongsdóttir fer at koma á mál á Ólavsøku, og at Erla Kongsdóttir harvið vinnur FM. Hetta verður fyrsta FM heitið yvirhøvur, sum fuglfirðingar hava vunnið, síðani tað í 1973 varð farið undir FM kapping í tí líki, sum tað framvegis verð­ ur kappast. Og so eigur sjálvsagt at verða lagt aftrat, at tá ið tað fyrstu ferð yvirhøvur varð kapp ast um FM í 1964, tá vann 5­manna farið í Fuglafirði, Erla Kongsdóttir, fyrsta FM heitið yvirhøvur. Tá var tað soleiðis, at tað aftan á Ólavsøku í einum róðri ein sunnudag seinnapart varð kappast um FM. Fyrsti róð urin í 1964 var millum 5­mannafør við kvinnum, og Erla Konsdóttir vann. Nú hevur Erla Kongsdóttir rokkið so høgt stigatal, at hon verður ikki tikin. Fir valdur, Drekin og Blikur fara ólav­ søkuaftan at gera eina nýggja roynd at fanga Erlu. Sannlíkið fyri at tað skal eydnast er ikki stórt, tí vesturi í Vágum vóru fuglfirðingar flúgvandi! 1 Erla Kongsdóttir . . .05:17.09 2 Firvaldur . . . . . . . . . .05:23.22 3 Drekin . . . . . . . . . . . .05:24.09 4 Blikur. . . . . . . . . . . . .05:25.11 5 Havfrúgvin . . . . . . . .05:35.19 Støðan 1 Erla Kongsdóttir . . . . . . . . .41 2 Drekin . . . . . . . . . . . . . . . . . .34 3 Firvaldur . . . . . . . . . . . . . . . .32 4 Blikur. . . . . . . . . . . . . . . . . . .24 5 Havfrúgvin . . . . . . . . . . . . . .19 Fuglfirðingar flúgvandi vesturi í Vágum 6-mannafør menn Fyri triðju ferð í fýra ár endaði meistaraheitið í Norðoyggjum og hesa ferð í Klaksvík, sum ongantíð áður hevur vunnið hesa kappingina 5-mannafør kvinnur Við sannførandi sigri syrgdi Erla Kongsdóttir leygardagin fyri, at fuglfirðingar fyri fyrstu ferð nakrantíð vinna FM í kappróðri Mynd: Álvur Haraldsen Páll Fanga er greiður føroyameistari Mynd: Álvur Haraldsen Páll Fangi FM fyri fyrstu ferð