leygardagur 26. januar 2002síða 5

8 Nr. 18 - 26. januar 2002 Nr. 18 - 26. januar 2002 9 Men tey sleppa tó at vera inni viðhvørt kortini. Og meðan tey eru úti, verða tey undir tryggum eftir- liti av teimum, sum fara at starvast í nýggja útibarnagarði- num í Leirvík, sum væntandi letur upp 1. mars KOMMUNUMÁL Edvard Joensen Leirvík:Nýggjur útibarna- garður verður latin upp í skótahúsinum í Leirvík 1. mars, um alt gongur, sum Leirvíkar Komuna ætlar. Avtala er gjørd við skót- arnar um leigu av húsinum, og onkrar smærri ábøtur skulu gerast, áðrenn latið verður upp, sigur Sjúrður Eliasen, borgarstjóri í Leir- vík. Hegnast skal rundan um húsini fyri at bøta um trygdina, tí húsini liggja beint oman fyri ferjulegu- na, har rættiliga nógv ferð- sla er allan dagin. Leiðari er settur, og lýst verður nú eftir starvsfólki til útibarnagarðin, har 24 børn í aldrinum seks til tíggju ár fara at ganga. Skipanin verður soleiðsi, at tey koma í barnagarðin, men fara síðan at halda til ymsastaðni í Leirvík, alt eftir umstøðunum. Tað ver- ið seg í fjøruni, bønum, ella hvat tey nú kunnu finna uppá. Fyri at tað skal vera lætt- ari hjá foreldrum at vita, hvar tey eru og kunnu heintast, fáa starvsfólkini fartelefon, sum ringjast kann til at vita, hvar barnið skal heintast. Tað verða tó ivaleyst dag- ar, tá tey fara t vera í skóta- húsinum. Treyðugt so. Leirvíkar Kommuna hev- ur framman undan dagrøkt- arskipan, sum umfatar 70 børn. Men tað hevur víst seg, sigur Sjúrður Eliasen, at tað hava viðhvørt verið ávísir trupulleikar at fáa dagrøktarmammur. Tí verður nú roynt við hesum møguleikanum, sum so tekur 24 av teimum størru børnunum burtur úr sjálvari dagrøktini. – Í Klaksvík hava tey royndir við slíkum barna- garði, sum vit hava verið og hugt at, sigur Sjúrður Elia- sen. Nógv bygging Tað er stórur áhugi fyri at seta búgv í Leirvík. Ein út- stykking við 15 grund- stykkingum er gjørd Uppi við Garð, og tey eru øll uttan eitt seld. Í løtuni eru 15 umsóknir um grund- stykki í Leirvík á bíðilista, sigur Sjúrður Eliasen, borg- arstjóri. Farið er tí undir eina út- stykking afturat við síðuna av teirri fyrru, greiðir hann frá. Hendan seinna útstykk- ingin verður eitt sindur øðr- vísi enn tann fyrra á tann hátt, at í hesari fara tey at royna at byggja raðhús. Umframt at fimm vanlig sethúsagrundstykki verða í nýggju útstykkingini, fer kommunan at royna at byggja tvær raðhúsalonir við sjey húsum í hvørjari. Tað er verður ikki ætlan- in, sigur Sjúrður Eliasen, at kommunan sjálv skal standa fyri bygginini, uttan bara bjóða hana út. Ætlanin er so at fáa eitthvørt byggi- felag at taka sær av sjálvum bygningunum og síðan selja lidnu húsini. Sjúrður Eliasen metir, at áhugi eigur at fara at vera fyri hesi ætlanini, millum annað tí, at raðhúsini vænt- andi verða bíligari enn van- lig sethús. Annað arbeiði Leirvíkar Kommuna hevur eisini aðrar ætlanir í kom- andi fíggjári. Eitt nú skúla, vatnverk og eldrasambýli. Skúlin er undir umfat- andi umvæling, sum verður gjørd í fleiri stigum. Í fjør varð til dømis partur av skúlanum taktur av nýggj- um. Fleiri skúlastovur eru umvældar frá grundini av og eru nú sum spildur- nýggjar, greiðir borgar- stjórin frá. Og í hesum fíggjarárinum eru settar 700.000,- krónur av til um- vælingar. Í fjør varð arbeitt fyri umleið eina millión. Vatnreinsiverkið skal út- byggjast, sigur Sjúrður Eliasen, og í ár verður eitt reinsiverk keypt afturat tí, sum frammanundan er. Tá tað er uppsett, fáa leir- víkingar altíð reint vatn. Tí hóast okkurt skuldi borist á við øðrum verkinum, er hitt altíð til at taka. Leirvík er einki serliga væl fyri við vatni soleiðis, sigur Sjúrður Eliasen. Neyðugt er, tá turt er, at pumpa vatn úr keldum, sum liggja niðan fyri goymsl- una. Til tað hevur kom- munan gjørt eina pumpu- støð. Oman fyri skúlan í Leir- vík er grivið út fyri einum bygningi. Tað er fyri eldra- sambýlinum, sum Leirvík- ar Kommuna er farin undir at byggja. Tað skal ætlandi hýsa 10 fólkum. Borgarstjórin greiðir frá, at tað verður bygt í stigum, og verður væntandi liðugt um eini tvey ár. Í fjør varð útgrevsturin gjørdur, og í ár eru kloakk- og stoypi- arbeiðini boðin út. Sett er 1,2 millión krónur av til hetta arbeiðið í ár. Talan verður um ein bygning í einari hædd, sum verður 550 fermetrar til víddar. Tó verður ein lítil kjallari undir øðrum enda- num, sum millum annað fer at hýsa fýrrumi. Í aðrar mátar er nokk at gera í Leirvík, letur Sjúrður Eliasen, borgarstjóri, at. Tvey fiskavirki eru á havn- arlagnum. Hjá IRF arbeiða fleiri leirvíkingar, eins og turkingarvirkið beint við síðuna av brennistøðini eis- ini hevur fleiri fólk til abeiðis. Umframt eru so út- róðrarmenn og aðrir sjó- menn. So alt í alt er arbeiði til allar hendur í Leirvík. Út við leirvíksbørnum Nýggi útibarnagarðurin í Leirvík fer at halda til í skótahúsinum, sum stendur beint oman fyri ferjuleguna Mynd: Edvard Joensen Sjúrður Eliasen, borgarstjóri í Leirvík, fegnast um, at arbeiði er til allar hendur í bygdini Mynd: Edvard Joensen Kósavirkið tók í fjør ímóti næstan einum helmingi meira av fiski enn árið fyri FISKIVINNA Eyðun Klakstein Klaksvík: Kósavirkið hevði eitt av sínum bestu árum nakrantíð í fjør, tá hugsað verður um nøgdina av fiski, sum virkið tók ímóti. Stóra fiskavirkið í Klaks- vík tók ímóti 11.000 tons- um av fiski, og tað vóru stívliga 40 prosent meira enn í 2000. Lokalblaðið í Norðoyggj- um, Norðlýsið skrivar í gjár, at hetta tonsatalið er eins høgt, sum tað var í teimum mest aktivu árun- um í sjeytitalinum. Kósavirkið hevur arbeitt um 4500 tons av upsa, og nakað tað sama av toski. Stjórin á Kósavirkinum, Adrian Dalsá, sigur við Norðlýsið, at Kósin roynir at finna ein betri marknaði til sínar upsavørur, tí í fjør fingu tey ikki so nógv fyri hesa vøru, sum tey vilja hava. Kósin arbeiddi nógv meira fisk Sjónvarp Føroya fer at senda beinleiðis frá danska Melodi Grand Prixnum, tá Pætur við Keldu verður millum finalistarnar TÓNLEIKUR Eyðun Klakstein Um ein tvær vikur fer Pætur við Keldu at royna seg í danska Melodi Grand Prixnum. Vanliga fylgir ein millióna stór donsk hyggj- arfjøld hesi kapping, sum verður send beinleiðis í Danmarks Radio, og føroy- ingar fáa eisini møguleikan hyggja. Sjónvarp Føroya ætlar at senda danska Grand Prixið, og tað kemst sjálvandi av, at hesaferð er ein føroy- ingur millum finalistarnar. Vanliga verður danska Grand Prixið ikki sent beinleiðis í føroyskum sjónvarpi, men hesaferð ætlar SvF at seta neyðugu tíðina av leygarkvøldið 9. februar. Grand Prix luttøkan hjá Pæturi verður helst stóra samrøðuevni hetta kvøldið, so tað er helst eingin orsøk hjá SvF at undirhalda við øðrum sendingum. SvF sendir danska Grand Prixið Føroyingar sleppa at síggja Grand Prix luttøkuna hjá Pæturi við Keldu beinleiðis í Sjónvarpi Føroya Mynd: Eyðun Klakstein Kósin hevði eitt av sínum bestu árum í fjør, tá tað snýr seg um nøgdina av virkaða fiskinum Klaksvík: Týskvøldið 29. januar kl. 19.30 verður fyrilestur um skaldið Heðin Brú á Klaksvíkar Bókasavni. Tað verður Bergljót av Skarði, ið heldur fyri- lesturin. Bergljót av Skarði hevur lagt endurútgáv- una av »Men lívið lær«, sum kom út í fjør, til rættis, og hevur hon stóran kunnleika til bæði skaldið Heðin Brú, skaldskap og samtíð hansara. Ì august mánaði í fjør vóru 100 ár síðani Heðin Brú varð føddur. Bøk- urnar hjá honum eru klassikarar í føroyskum bókmentahøpi og verða nógv lisnar bæði av ung- um sum eldri. Tað er gamla bygda- samfelagið, sum eyð- kennir meginpartin av skaldskapinum hjá Heð- in Brú har lesarin fær innlit í gerandislív, lívs- áskoðanir og hugburðin hjá tí gamla føroying- inum. Umframt fyrilesturin verður eisini ein fram- sýning á bókasavninum. Tað eru studentarnir á Tekniksa Skúla í Klaks- vík, ið sýna fram. Næm- ingarnir hava hesa sein- astu tíðina arbeitt við at lýsa føroysku tøknina fyri 200 árum síðani, út frá bókini hjá Heðin Brú »Men lívið lær«. Ì hes- um sambandi hava næmingarnir arbeitt við evnum sum byggisiðir, landbúnaðurin, fiski- skapur og amboð. Og úrslitið av hesum verður at síggja á bókasavnin- um týskvøldið og kom- andi 14 dagarnar. Framsýning og fyrilestur um Heðin Brú C M Y K 9 8