mánadagur 16. august 2010síða 36

Mánadagur 16. august · Nr. 120 36 Sosialurin Bilar Magnus Gunnarsson maggi@sosialurin.fo Copenhagen Historic Grand Prix 2010 Leygardagin 7. og sunnudagin 8. august var Copenhagen Historic Grand Prix 2010 í Fælledparken í Keypmannahavn Tekstur og myndir: Magnus Gunnarsson Talan var um eitt stórt tiltak í miðbýnum í Keypmanna­ havn við bæði kappkoyring við gomlum bilum og fram­ sýning av gomlum og nýggj­ um bilum. Í sambandi við at 100 ár eru liðin síðan italska Alfa Romeo bilverksmiðjan varð stovnað var ein stór fram­ sýning av bæði nýggjum og gomlum Alfa Romeo bilum. Umframt Alfa Romeo vóru eisini framsýningar av bil­ merkjum sum t.d. Porsche, Ferrari, Mercedes­Benz og Saab. Millum luttakararnar í Grand Prix koyringini vóru kend nøvn sum t.d. Tom Kristensen, sum er ambassa­ dør fyri tiltakið, og Joachim prinsur sum eisini er pro­ tektor fyri tiltakið. Umframt kappkoyringar­ nar varð eisini skipað fyri tiltakinum “Race for Riget”, har allur peningurin fór óskerdur til krabbameinssjúk børn og ung á Ríkissjúkra­ húsinum. Við at gjalda eina ávísa upphædd høvdu tey vitjandi møguleika fyri at sita í einum av kappkoyr­ ingarbilunum við einum kendum rasarakoyrara við rattið, meðan koyrt varð á kappkoyringarbreytini. Pen­ ingurin sum kom inn, næstan 100.000 krónur, fór óskerdur til deildina fyri krabbameins­ sjúk børn og ung á Ríkis­ sjúkrahúsinum. Nógv fólk vóru til Copen­ hagen Historic Grand Prix, sum eisini varð skipað sum eitt tiltak fyri alla familju­ na. maggi@sosialurin.fo Nógv fólk vitjaðu Copenhagen Historic Grand Prix Ein gamal Saab 96 og nýggjasti Saab 9-5 Alfa Romeo hátíðarhildu sítt 100 ára jubileum Le Mans vinnarin Tom Kristensen í práti við ein drong í koyristóli Arbeitt varð eisini upp á bilarnar