mikudagur 25. august 2010síða 23

23 Mikudagur 25. august 2010 · Nr. 124 Sosialurin Oyggjablaðið Vilmund Jacobsen Seinastu átta árini er næm inga­ talið í Stranda skúla minkað við sløk um 80 næmingum, men hóast hetta, er tørvurin á nýggjum skúla bygn ingi stórur. Skúlastjórin seinasta hálvt triðja árið, Hans Petur Jacobsen, ásann ar, at talið av næmingum hev ur verið í fríum falli, síðan hann byrjaði í Stranda skúla fyri átta árum síðan. ­ Hetta er níggjunda árið hjá mær í Stranda skúla. Tá eg byrj­ aði, var næmingatalið 256, men í dag eru umleið 180 næm ing ar í skúlanum, úr 1. flokki upp í 10. flokk. Hans Petur Jacobsen held ur kortini ikki, at minkaða næm­ inga talið hevur sína frágreiðing í, at fólkatalið í kommununi er mink andi. Heldur er tað so, at færri børn í miðal eru í hvørjari familju. Ótíðarhóskandi Vit spurdu skúlastjóran, um tað ikki kann tykjast løgið at byggja uppí verandi skúla, nú talið av næm ingum er minkað so nógv seinnu árini. ­ Ein slíkur tanki kann sjálv­ sagt streyfa. Men soleiðis er tað bara ikki. Ein stórur partur av ver andi skúla er niðurslitin og ótíð ar hóskandi. Eg vil heldur siga tað soleiðis, at um skúlin einans hevði 100 næmingar heldur enn 180, sum hann hevur í dag, hevði kortini verið tørvur á nýggjum og tíðarhóskandi skúlabygningi, sum hevur heilt aðrar møguleikar enn hin verandi. Fyrsti partur av verandi Stran­ da skúla varð bygdur í 1969, og síðan varð bygt upp í skúlan aftur í 1984. Hetta merkir, at nýggjasti part ur in av verandi skúla hevur meiri enn eina fjórðingsøld á baki. Úr øðrum bygdum Skúlastjórin vísir á, at Stranda skúli hýsir ikki bara næmingum úr Sjóvar kommunu, men eisini av Skála, Skálafirði og Funn ings­ firði. ­ Næmingar úr Oynd a r firði hava eisini gingið fram halds­ deildina á Strondum, men hesir fara nú út til Runavíkar, tá næm­ ing ar í hesum aldursflokki aftur verða í Oyndarfirði. Í løtuni er tó eing in næmingur í Oynd ar firði, sum hevur aldur til fra m halds­ skúla. Skúlastjórin fegnast um, at skúlin við útbyggingini fær seks skúla stovur aftrat umframt eina tónleikastovu og bólkarúm. Har aftrat verður nýggj og stór lærara stova bygd og tikin í nýtslu seinni í heyst. Hendan verður bygd omaná forhøllina og millum svimji hylin og skúlabygningin, sum gongur eystur og vestur. ­ Sambært byggiætlanini verð­ ur nýggi parturin av skúlanum liðug ur við ársenda í ár, soleiðis at hann kann takast í nýtslu í byrjanini av 2011. Vit gleða okk um nógv til nýggju hølini og betraðu umstøðurnar, sum liggja fyri framman, sigur Hans Petur Jacob sen. Við Stranda skúla starvast til­ samans 20 lærarar. vilmund@sosialurin.fo Útbyggja skúlan hóast næmingar- nir fækkast í tali NÝGGJUR SKÚLI Tað er ikki bara í Sjóvar kommunu, at nýggjur skúli verður bygdur, tó at talið av næmingum er minkandi. Skúlastjórin, Hans Petur Jacobsen, sigur, at stórur partur av verandi skúla á Strondum er niðurslitin og ótíðarhóskandi, og tí er neyðugt við nýbygging Stranda skúli fær nýggjar skúlastovur og nógv betri umstøður, og lærararnir fáa eisini nýggja og stóra lærarastovu. Skúlastjóri í Stranda skúla er Hans Petur Jacobsen ... um skúlin einans hevði 100 næmingar, hevði kortini verið tørvur á nýggjum skúlabygningi... HANS PETUR JACOBSEN ... eg havi sjálvur verið ógvuliga heitur fyri hesi royndini... HANS PETUR JACOBSEN