mánadagur 6. september 2010síða 20

Mánadagur 6. september · Nr. 129 20 Sosialurin Ítróttarblaðið Gianfranco Zola: Prandelli fær lands­ liðið aftur á beint Fótbóltur Gianfranco Zola, fyrrverandi italskur stórspælari, væntar, at Cesare Prandelli er rætta venjaraloysnin fyri italska fótbóltslandsliðið Uni Holm Johannesen Cesare Prandelli. Tað er ikki ein stjørna á italska venjarahválvinum. Hann stóð á odda fyri liðnum hjá Verona, sum flutti upp í bestu italsku deildina í 99. Hann stjórnaði somuleiðis Venezia, sum vann uppflyting í bestu deildina í 2001. Annars einki. Prandelli hevur fingið seg royndan í venjarastarvinum í Parma, Roma og Fiorentina, men hann hevur ongantíð vunnið staðið ovast, tá gullheiðursmerkini eru hand aði. Í morgin stendur Cesare Prandelli á odda fyri italska fót­ bólts landsliðnum, sum fær vitjan av Brian Kerr og hansara før oy­ ingum. Og tað hevur fyrrverandi stór­ spælarin, Gianfranco Zola, ongar trupulleikar við. Fer at roynast væl Prandelli fekk sín elddóp fríggja­ dagin, tá Italia vann við bit og slit á útivølli móti Estlandi. Úrslitið var 2­1. Avrikið var lítið sannførandi. Gianfranco Zola sigur við heima síðuna hjá UEFA, at italska fót bóltssambandið valdi røttu loysnina, tá Prandelli fekk boðið venjarastarvið. – Eg havi álit á honum. Hann hevur roynst væl sum venjari higar til, hóast hann ongantíð hevur vunnið nakað stórvegis. Prandelli dugir væl við ungum spælarum, og tað gevur okkum møguleikan at arbeiða við einum øðrvísi og ágrýtnum hugburði á liðnum, metir Zola. Prandelli var settur í starv undan HM­endaspælinum í summar. Tað var greitt, at Marcello Lippi helt ikki fram aftaná HM. Prandelli fær hjálp frá Gianni Rivera og Roberto Baggio, sum hava átikið sær leiklutin sum hjálpar­ venjarar. Trýstur Aftaná eitt sera vónbrotið HM­ enda spæl hevur italska landsliðið av álv ara nakað at prógva. Tí er Cesare Prandelli undir trýsti sum venjari. Fjølmiðlarnir ræðast ikki at leggja eftir landsliðnum, sum hevur verið lítið sannførandi seinasta ári. Italia tapti fyrsta skrásetta lands­ dystin undir leiðslu av Prandelli. Fílabeinsstrondin vann 1­0 á Italia í venjingardysti í august. Fríggjakvøldið vann Italia á úti­ vølli móti Estlandi, men italsku fjøl miðlarnir eru ikki bergtiknir higartil. Ein sannførandi stórsigur er kravið, um Prandelli skal draga andan lættliga aftaná landsdystin móti Føroyum. Zola er bjartskygdur. – Tað er ein torførur bólkur, tá tú hugsar um støðuna, sum italska landsliðið stríðist við í løtuni. Men Prandelli fær landsliðið aftur á beint. Tað vendir ikki eftir einum degi, men við tíðini fer liðið at menna seg støðugt undir hansara leiðslu, sigur Gianfranco Zola. Gianfranco Zola var uppsagdur sum venjari hjá West Ham í summar. Hann hevur áður verið hjálpar­ venjari á italska U21­landsliðnum. FAKTA UM PRANDELLI Navn: Cesare Claudio Prandelli Føðingardagur: 19. august, 1957 Aldur: 53 Føðistaður: Orzinuovi, Italia Yrkisleið sum fótbóltsspælari: 1974-1978: Cremones, 88 dystir og 7 mál 1978-1979: Atalanta, 27 dystir og 3 mál 1979-1985: Juventus, 129 dystir og 8 mál 1985-1990: Atalanta, 119 dystir og 7 mál Yrkisleið sum venjari: 1990-1993: Atalanta (ungdómsvenjari) 1993-1994: Atalanta 1994-1997: Atalanta (ungdómsvenjari) 1997-1998: Lecce 1998-2000: Verona 2000-2001: Venezia 2002-2004: Parma 2004: Roma 2005-2010: Fiorentina 2010: Italia Italski hópurin Málverjar: Antonio Mirante, Parma Salvatore Sirigu, Palermo Emiliano Viviano, Bologna Verjuleikarar: Luca Antonelli, Parma Leonardo Bonucci, Juventus Cesare Bovo, Palermo Mattia Cassani, Palermo Giorgio Chiellini, Juventus Lorenzo De Silvestri, Fiorentina Daniele Gastaldello, Sampdoria Cristian Molinari, Stuttgart Miðvallarar: Daniele De Rossi, Roma Andrea Lazzari, Cagliari Claudio Marchisio, Juventus Riccardo Montolivo, Fiorentina Angelo Palombo, Sampdoria Andrea Pirlo, AC Milan Framherjar: Antonio Cassano, Sampdoria Alberto Gilardino, Fiorentina Giampaolo Pazzini, Sampdoria Simone Pepe, Juventus Fabio Quagliarella, Juventus Giuseppe Rossi, Villarreal Føroyski hópurin Málverjar: Gunnar Nielsen, Tranmere Tórður Thomsen, HB Verjuleikarar: Jónas Tór Næs, B36 Bartal Eliasen, ÍF Atli Gregersen, Ross County Egil á Bø, EB/Streymur Johan Troest Davidsen, NSÍ Einar T. Hansen, NSÍ Hendrik Rubeksen, HB Pól Jóhannus Justinussen, B68 Miðvallarar: Bogi Løkin, NSÍ Christian Lamhauge Holst, Silkeborg Jann Ingi Petersen, NSÍ Jústinus R. Hansen, NSÍ Fróði Benjaminsen, HB Daniel Udsen, EB/Streymur Christian R. Mouritsen, B36 Símun Samulesen, HB Framherjar: Jóan Símun Edmundsson, Newcastle Arnbjørn T. Hansen, EB/Streymur Mouritsen er ivasamur Christian Mouritsen er ivasamur til landsdystin í annað kvøld. Tað er niðurstøðan hjá Dimmalætting og Kringvarpi Føroya, sum vóru til venjing í Firenze í gjármorgunin. Miðvallarin úr B36 meiddi sær fótin undir venjingini. Hann traðkaði onkurvegna skeivt og legði seg á vøllin og venaði seg. Dimmalætting skrivar, at tað er hjálparfólkini vóru skjót hjá honum, men tað var greitt, at hann kundi ikki halda fram í venjingini. Tað er ikki til at siga, hvussu álvarsamur skaðin er, men Mouritsen er í øllum førum ivasamur. Kerr harmast um avboðini Brian Kerr, landsliðsvenjari, er harmur um, at hann hevur ikki allar leikararnar tøkar til landsliðið. Christian Høgni Jacobsen hevur givið avboð hesaferð vegna skaða. Jákup á Borg og Atli Danielsen hava boðað frá, at teir verða ikki tøkir á landsliðnum komandi tíðina. – Tað eru leikarar, sum hava drúgvar royndir sum landsliðsleikarar. Tað merkist væl, at teir eru burtur, og tað er sjálvsagt einki at frøast um, sigur Brian Kerr, landsliðsvenjari. Italski landsliðs venjarin fær stuðul frá fyrrverandi stórspælaranum, Gianfranco Zola