mikudagur 8. september 2010síða 33

33 Mikudagur 8. september 2010 · Nr. 130 Sosialurin Vilmund Jacobsen Havrannsóknarskipið Magn­ us Heinason hevur nú gjørt seinnu yvirlitstrolingarnar í ár, og fyribilsúrslitini eru nú tøk. Tað er Jákup Rein ert, sum var toktleiðari á túr­ inum, ið hevur skrivað frá­ greiðing um úrslitini. Í stuttum er niðurstøðan hon, at toskurin á land grunn­ inum er í vøkstri, batar eru at hóma fyri hýsu, og væl av makreli og rossamakreli hevur verið í føroyskum sjógvi seinastu tvey árini. – Flestu fiskasløgini eru væl í holdum, sigur Jákup Reinert, fiskifrøðingur. Høvuðsendamálið við hes um túrum hjá Magnusi Heinasyni er at fáa til vega tilfar, ið skal nýtast í stovns­ metingunum av toski, hýsu og upsa. – Hetta var annar túrurin við yvirlitstrolingum á sumri í ár, og hetta er soleiðis 12. árið, har gjørdir verða tveir túrar á tvær vikur og við 200 trolstøðum tilsamans. Hesar støðir liggja spjaddar kring allan landgrunnin, og tóvað verður í ein tíma so vítt møguligt á sama tóvi ár undan ári. Jákup Reinert vísir á, at 138 trolstøðir vórðu tiknar á tí fyrra túrinum, og til seinna túrin vóru tískil 62 trolstøðir eftir at taka, sum serliga lógu vestanfyri og sunnanfyri. – Mest varð fingið av hvít ingsbróður, og síðani komu upsi, hýsa, toskur, gullaksur og lítli kongafiskur. Tilsamans 47 fiskasløg vórðu veidd umframt høgguslokk, hummara, rækjur, jákupsskel og ymiskt annað, ið er bólkað sum skrambul. Hann vísir á, at títtleikin av ymisku fiskasløgunum var ymiskur undir yvir lits ­ trolingunum, men lítli konga­ fiskur varð fingin á 90% av teimum 62 støðunum. Síðani komu eitt nú toskur (89%), upsi (87%), hvítingsbróðir (84%), longa (79%) og hýsa (77%). – Verða báðir túrarnir á sumri lagdir saman, vórðu 60 fiskasløg veidd tilsamans. Mest varð fingið av hýsu, og síðani koma hvítingsbróðir, upsi, toskur, lítli kongafiskur og gullaksur. Upsi varð so leiðis fingin á 90% av støðunum, toskur og hvít­ ings bróðir á 87%, lítli konga­ fiskur á 82%, hýsa á 76% og longa á 72% av støðunum. Ein góð mynd Jákup Reinert sigur, at tá samanburður verður gjørdur við stovnsmetingarnar, ið verða gjørdar á hvørjum ári og við veiðitøl hjá fiski­ flotanum, er greitt, at yvir­ litstrolingarnar geva eina góða mynd av, hvussu stórir stovnarnir av toski og hýsu eru. Eisini geva tær ábendingar um, hvussu aðrir stovnar eru fyri. Hann sigur, at tá hugt verður at toski, hevur lítið verið at fingið síðani 2003, og serliga árini 2006­2008 var lítið at fáa. – Men í fjør bragdaði aft­ ur, og úrslitið í ár var upp­ aftur betri. Hetta stuðlar upp undir framskrivingar, gjørdar í apríl­mai í ár, sum vístu, at toskastovnurin er í góðum vøkstri vegna betri fiskavøkstur og tilgongd. Tó var sera lítið fingið av 0­ og 1­ára gomlum toski. Úrslitini fyri hýsu hava verið støðugt minkandi síðani 2002, og úrslitið í fjør var tað minsta síðani 1991. Tað kvinkaðist nakað uppeftir í ár, men er enn á sera lítlum støði. Men eisini her eru batar at hóma, tí fiskavøksturin er batnaður og tilgongdin, ið hevur verið sera lítil seinastu árini, tykist nú at vera betri aftur. Tað er serliga 2009­árgangurin sum tykist góður, men lítið var av 2010 árganginum. Tilgongdin avgerandi Fiskifrøðingurin sigur, at hóast úrslit viðvíkjandi upsa frá tílíkum yvirlitstrolingum skulu takast við fyrivarni, benda tølini á, at stovnurin hesi seinastu 4 árini er nakað minni enn árini framm an­ undan. – Stovnsmetingarnar í apríl­mai vístu, at upsa­ stovnurin, hóast hann er í minking, enn var væl fyri í 2009, og úrslitini frá yvir­ litstrolingunum í summ­ ar benda á sama borðið. Avgerandi fyri gongdina næstu árini verður, hvussu tilgongdin fer at verða, sigur Jákup Reinert, sum altso var toktleiðari á túrunum hjá Magnusi Heinasyni. vilmund@sosialurin.fo Batnandi útlit á landgrunninum GRANSKING Nú Havstovan er liðug við sínar yvirlitstrolingar í ár, er líkt til, at umstøðurnar hjá høvuðsfiskasløgunum á landgrunninum eru rímiliga góð, og flestu fiskasløg eru væl í holdum Yvirlitstrolingarnar hjá Magnusi Heinasyni í ár benda á, at fiskurin á landgrunninum hevur nóg mikið av føði og er væl fyri. Avgerandi fyri gongdina frameftir verður tilgongdin av fiski – og sjálvandi royndin eftir ymisku fiskasløgunum Mynd: Rógvi K. Mouritsen