mikudagur 15. september 2010síða 33

33 Mikudagur 15. september 2010 · Nr. 133 Sosialurin Oyggjablaðið Vilmund Jacobsen Nú er eitt lítið ár síðan, at Brandur Sandoy gjørdist borgarstjóri í Sands komm unu. Hetta er fyrsta skeiðið hjá honum í kommunalpolitikki, og hann heldur, at hesir 11 mánaðirnir, sum farnir eru av tíðini hjá honum í borgarstjórasessinum, kanska hava verið eitt sindur buldrasligir. Kortini heldur hann, at hetta hevur verið ein spennandi og áhugaverd tíð. Borgarstjórastarvið í Sands kommunu er hálvtíðar starv, men Brandur Sandoy er eisini seyðabóndi. Hagin, har seyðurin hjá honum gongur, liggur á eystursíðuni á oynni, norður móti Skopun. – Eg havi umleið 200 seyðir. Hetta tekur ikki so nógv av mínari tíð til dagligt, undantikið tá farið verður á fjall, og tá slaktið er fyri um heystarnar. Brandur sigur, at Sands komm­ una kundi havt borgarstjóra í full­ tíðarstarvi, men hevur valt at hava hetta sum hálvtíðarstarv. – Eg veit heldur ikki, um grundarlag veruliga er fyri fulltíðarstarvi sum borgarstjóri í kommununi, leggur hann aftrat. Fólk flyta til Fólkatalið á Sandi liggur millum 550­560, og bygdin er eins og aðrar bygdir í Sandoynni vorðin fámentari við árunum. Borgarstjórin kann tó fegn­ ast um, at tríggjar ungar barna­ familjur júst eru fluttar til Sands at búgva. – Onkur hevur keypt sær hús, meðan onnur eru farin at leiga og vilja ivaleyst hyggja seg um, áðrenn avgerð verður tikin. Hetta eru fólk, har í minsta lagi annar parturin hevur røtur í oynni. Brandur Sandoy kann so leiðis eisini fegnast um, at barnatalið á Sandi við hesum tilflytingum fær eitt skump í rætta endan. Avtala um skúla Sands kommuna og Húsa víkar kommuna, sum eisini fevnir um Dal og Skarvanes, hava nú gjørt eina avtalu um samstarv, sum bæði fevnir um barnagarð og skúla á Sandi. – Samstarvið merkir, at børn í Húsavíkar kommunu nú bæði kunnu koma í okk ara barnagarð og nýggja barnaskúlan við frítíðarskúla, har næmingar í 1. flokki og til og við 5. flokki ganga. Brandur Sandoy vísir á, at Sandoyar Skúlasamband, sum hevur umboð úr komm ununum í oynni, umsitir samstarvið um meginskúlan, har næmingar ganga í 6. flokki og upp í 10. flokk. – Hetta samstarvið, sum vit nú hava gjørt við Húsa víkar kommunu, fevnir soleiðis um børnini, sum ikki hava aldur til 6. flokk, leggur borgarstjórin aftrat. vilmund@sosialurin.fo Tríggjar nýggjar barnafamiljur á Sandi SANDUR Meðan fólkatalið í Sandoynni hevur verið minkandi í fleiri ár, gleðir tað borgarstjóran í Sands kommunu, Brand Sandoy, at tríggjar barnafamiljur júst eru fluttar til Sands at búgva ... eg fegnist um, at barna­ talið á Sandi við hesum tilflytingum fær eitt skump í rætta endan... BRANDUR SANDOY Samstarvsavtala er nú gjørd millum Sands kommunu og Húsavíkar kommunu, har børnini í Húsavíkar kommunu, sum eisini fevnir um Dal og Skarvanes, kunnu koma í barnagarð og nýggja barnaskúlan á Sandi, sum eisini hýsir frítíðarskúlanum Mynd: Álvur Haraldsen