mánadagur 4. oktober 2010síða 18

Mánadagur 4. oktober · Nr. 141 18 Sosialurin Ítróttarblaðið Captain F Vodafonedeildin Fróði Benjaminsen prógvaði aftur leygardagin, at hann er tann føddi liðskiparin. Hann skeyt tvey mál og gekk undan á sínum liði Uni Holm Johannesen Fróði Benjaminsen er føroyska út­ gávan av »Captain Fantastic«, sum er eyknevnið hjá Steven Gerrard úr Liverpool. Tað er eingin í føroysku kapp­ ingini, sum stendur manninum við 10­talinum hjá HB kurl. Var tað ikki staðfest framman­ undan, so slóð hann tað rimmarfast við sjeytummaseymi í Gundadali. Hann líktist aftur hesa ferð burtur úr á vøllinum. Ein sann ur vinnari. Stríðshugaður og heil­ hjart aður á miðvøllinum. Djarvur og rann ongantíð undan mótstøðu­ monnunum. Krøkti bóltin frá teimum. Maskinmeistarin í maskin­ rúm inum. Øðrvísi enn hinir. Las flytingarmynstrini og renni tein ar­ nar hjá viðleikarunum. Tók ferðina úr spælinum, tá tørvur var á tí. Setti ferð á í umstillingsspælinum. Málsøkin. Tann føddi liðskiparin. Afturhaldin Fróði Benjaminsen er bersøgin í sínum spæli. Men tað er hann ikki í viðtalu við fjølmiðlarnar aftaná dystin. Hann sigur ikki nógv. Ger skjótt av og grundgevur ikki óneyðugt. Tað tykist ikki sum, at honum dámar at vera í andglettinum. Hann vil helst, at úrslitini tala sína søk. Tað riggar væl og virðiliga. Málini Fróði Benjaminsen, sum hevur fingið sína uppaling á Svanga skarði á Toftum, gekk undan hjá føroya­ meistarunum í odda dystinum leyg­ ar dagin. Miðvallarin tóktist ikki petti trýstur, tá hann sendi brotssparkið trygt framvið András Gango. Minuttin undan hvíldini lat hann seg aftur fagna av sínum við­ haldsfólkum. Hann setti rúkandi ferð á bóltin úr 25 metrum, sum fór framvið sakleysa málverjanum og í málið. Soleiðis snaraði hann úrslitinum á eftir lítlari løtu. Aftaná hvíldina fór hann í leik­ lutin sum bóltvinnari. Og aftur royndist hann væl. Stóra ávirkan Fróði Benjaminsen hevur átt høvuðs leiklutin á føroyska fót­ bólts pallinum í hesum kapp ingar­ árinum. Hann hevur verið betri enn hinir, og tað er ein av orsøkunum, at HB er nú á meistarakós. Tú veit so at siga altíð, hvat tú fær frá honum. Benjaminsen er sera støðugur í sínum avrikum, og tað er sjáldan, at hann spælir undir sítt støði. Tað merkist eisini ofta, at mót­ støðumenninir hava virðing fyri honum. Annað hvørt sæst tað, tí teir ofta skumpa meira undir hann fyri at steðga honum. Ella er virðingin so stór, at teir renna nærmast undan. Aftaná at vunnið nærdystirnar móti Jann Inga Petersen og Justinus R. Hansen, sum stríddust mannliga á miðvøllinum hjá NSÍ, fer hann nú við føroyska landsliðnum til Slovenia, har hann skal takast við enn sterkari mótstøðuleikarar. Men honum líkt, so ræðist hann neyvan heldur ikki tað upp­ gávuna. Avgerandi hendingar Tað var serliga aftaná tvær hend­ ingar í dystinum, at NSÍ hevði trupult við at reisa seg. Runavíkingar vóru á odda, tá Jens Joensen framdi eitt púra óneyðugt brotsspark í fyrra hálv­ leiki. Bólturin tók í hondina, tá hann  púra ótrýstur  skuldi sparka leðurkúlina burtur. HB 3 nsÍ 2 FAKTA Navn: Fróði Benjaminsen Føðingardagur: 14. desember í 1977 Aldur: 32 ár Pláss: Verja og miðvøllur Felag: HB Landsdystir: 62 dystir Mál á landsliðnum: 3 mál Yrkisleið: 1994: B68, 4 dystir 1995: B68, 10 dystir 1996: B68, 22 dystir / 3 mál, 1997: B68, 24 dystir / 3 mál 1998: B68, 22 dystir / 9 mál 1999: B68, 23 dystir / 4 mál 2000: B68, 18 dystir / 8 mál 2001: B68, 23 dystir / 15 mál 2002: B68, 24 dystir / 5 mál 2003: B68, 23 dystir / 6 mál 2004: Fram Reykjavík, 16 d. / 3 mál 2005: B36, 27 dystir / 7 mál 2006: B36, 23 dystir / 11 mál 2007: B36, 29 dystir / 9 mál 2008: HB, 23 dystir / 6 mál 2009: HB, 29 dystir / 11 mál 2010: HB, 27 dystir / 12 mál kelda: www.faroesoccer.com Viðmerkingar í 3. Hálvleiki: • Vespurnar gloymdu broddin aftur í reiðrinum. Gott, HB. • Frode den gode. Kampe afgør så ofte, han kommer jo fra Tofte. På Tofte kan vi nemlig ikke li’ klubben NSÍ. • Heðin Mortensen burdi sett Fróða í starv sum vesputýnari. • HB-liðið er bygt av útlendskum monnum og av bygdamonnum. Fúl skomm av HB at kalla seg havnalið. • Koyr á NSÍ! Tað er í mótgongd, teir sterku vísa karakter. Sterkir, dreingir! • Hann er sterkur í luftini. Hasin har LUFTHANSA. Tveir heimadystir munaðu hjá HB Tað fer altíð at verða eitt tjak, tá tvey lið møttast tríggjar ferðir í einari landskapping, har annað so hevur heimavøll í tveimum av trimum dystum, hvørt tað er rættvíst ella ikki, at annað liðið fær ein ítróttarligan fyrimun av at verða á heimavølli á tveimum sinnum. HB slapp at møta NSÍ tvær ferðir í Gundadali, og syrgdu HB´arnir fyri at fáa fult í báðum heimadystunum. Tá liðini møttust í fjórða umfari í Gundadali, var NSÍ á odda 1-0, tá 90 minuttir vóru farnir, men í yvirtíðini syrgdu Hendrik Rubeksen og Andrew av Fløtum fyri, at HB fekk øll stigini. 1.000 áskoðarar sóu NSÍ og HB spæla við Løkin í Runavík tann 19. juni. NSÍ sigraði 2-0 við tveimum málum, sum Christian Høgni Jacobsen setti í netið. Leygardagin var tað so aftur HB, sum dróg tað longra stráið við einum 3-2 heimasigri. Captain fantastic, Fróði Benjaminsen Mynd: Álvur Haraldsen