mikudagur 13. oktober 2010síða 12

Mikudagur 13. oktober 2010 · Nr. 145 12 Sosialurin Vilmund Jacobsen Tað er neyvan serliga vanligt, at arbeiðspláss liggja inni við hjartastartara. Onkur hevur slíkan útbúnað, og Sosialurin hevur skilt, at hjartastartarar eitt nú eru í SMS og í terminalinum á flogvøllinum. Helst eru aðrir eisini á onkrum av teimum størru arbeiðsplássunum kring landið. Fiskamarknaður Føroya á Toftum, sum húsast undir somu lon, sum Land­ ingarmiðstøð Føroya, hevur fyri fáum árum síðan útvegað sær bæði hjartastartara og iltfløsku við masku. Tveir tilburðir Eftir at tveir mans doyðu við ikki so longu millumbili fyri 3­4 árum síðan, ávikavist í starvi hjá Landingarmiðstøð Føroya og umborð á skipi, sum lá við bryggju á Toftum, gjørdi Fiskamarknaður Før­ oya av at keypa sær hjarta­ startara og iltfløsku við masku. Nevndu deyðsføll snúðu seg ikki um vanlukkutil­ burðir, men um aðrar orsøk­ ir til deyða. Eingin sigur, at hjartastartarin ella iltin høvdu kunnað bjargað nøkr­ um av monnunum, men kortini leiddu hesir tilburðir til, at útbúnaðurin varð keyptur, so hann nú er tøkur í húsinum – og tøkur hjá øðrum í økinum at brúka, um tørvur skuldi verið á hesum. Tá Sosialurin var á gátt á LMF og FMF fyrrapartin í gjár, sóu vit eitt nú hendan útbúnað og stjórin á Fiska­ marknaði Føroya, Jens Christian Olsen og Harry Benjaminsen, sum starvast hjá Landingarmiðstøð Før­ oya, vístu mær, hvussu hjarta­ startarin verður brúktur í neyðstøðu. Misti pápan Tað var nevniliga Harry Benjaminsen, sum misti pápan, Frede Benjaminsen, meðan hesin var í arbeiði hjá LMF. – Pápi mín small um, meðan hann stóð og arbeiddi, og hóast vit royndu at fáa lív í hann aftur, eydnaðist tað ikki, sigur Harry. Harry var sjálvur til arbeiðis á landingarmiðstøð­ ini saman við pápa sínum, tá hesin small um, og tað var Harry sjálvur, sum gav honum hjartamassagu, til læknin, Sverri Lamhauge, kom á staðið. – Pápi var júst komin aftur frá døgurða, tá hetta hendi. Um nakað hevði verið øðrvísi, um vit tá høvdu havt hjartastartaran er jú slett ikki vist. Tað veldst alt um, hvør orsøkin var til, at pápi small um og doyði so brádliga, sigur Harry Benjaminsen. Meðan vit vóru inni á gólvinum, segði Jens Christian Olsen, at hjarta­ startarin virkar soleiðis, at hann bara slær til, tá hjartað er steðgað. – Hetta merkir, at startarin ongantíð kann gera tað verri, sum hann tekur til. Kunnað aðrar Harry Benjaminsen sigur, at eini 16 fólk á ávikavist LMF og FMF hava verið á skeiði og soleiðis hava lært at brúka útbúnaðin. – Tað er undir øllum umstøðum ein ávísur trygg­ leiki í at hava slíkan útbúnað á arbeiðsplássinum, ásannar hann. Jens Christian Olsen sigur, at tá tey høvdu keypt útbúnaðin, sum tilsamans kostaði umleið 30.000 krón­ ur, lótu tey aðrar fyritøkur í økinum vita, at hjartastartari og iltfløska er tøk hjá teimum. Útbúnaðurin hevur fing­ ið fast pláss í trappuupp­ gongdini til skrivstovurnar á Fiskamarknaði Føroya. Við hesi grein skuldu so uppaftur fleiri í økinum vita, at hjartastartari og ilt eru tøk í hølunum hjá Fiskamarknaði Føroya á Toftum. Arbeiðspláss hevur hja TRYGD Eftir at tveir mans við ikki so longum millumbili doyðu í arbeiði á Landingarmiðstøð Føroya og umborð á skipi, sum lá við bryggju á Fiskamarknaði Føroya, keypti FMF sær ein hjartastartara og iltfløsku við masku. – Vit hava latið vinnuna í økinum vita, at vit hava hendan útbúnað hjá okkum, um brúk skuldi verið fyri honum, sigur stjórin á Fiskamarknaði Føroya, Jens Christian Olsen Tað var pápi Harry Benjaminsen, sum small um og doyði, meðan hann var til arbeiðis á landingarmiðstøðini. Nú sigur skeltið uttanfyri, at hjartastartari og ilt eru tøk í húsinum Mynd: Vilmund Jacobsen Stjórin á FMF vísir okkum hjartastartaran og iltfløskuna, sum er tøk á Toftum Mynd: Vilmund Jacobsen Jens Christian Olsen er stjóri á Fiskamarknaði Føroya. Hann var blíður og fyrikomandi, tá Sosialurin hitti hann í gjár Mynd: Vilmund Jacobsen