mánadagur 18. oktober 2010síða 18

Mánadagur 18. oktober · Nr. 147 18 Sosialurin Ítróttarblaðið HB ræðist ongan Vodafonedeildin Hallur Danielsen, annar av venjarunum hjá HB, staðfestir, at føroyameistararnir ræðast ongan Uni Holm Johannesen Hallur Danielsen er greiður. – Vit ræðast ongan. Men vit vita, at tað er ein torførur dystur, sum bíðar okkum, og vit skulu geva alt, sum vit eiga, sigur hann. Tað var væntað undan dystinum í gjár, at HB kom í hesa støðuna. HB kann endurvinna føroya­ meist araheitið leygardagin. Men tað er nær mast eitt krav, at reyðu og svørtu havnarmenninir fáa stig í granna dystinum móti B36. Um EB/ Streymur snávar á heimavølli móti B68, so hevur úrslitið í Gundadali ongan týdning. Seinast HB vann á B36 var 19. oktober í 2008. Tað eru hagtøl, sum Hallur Danielsen ikki hugsar stórvegis um. – Í HB hugsa vit bara um at vinna, og vit ætla okkum at stað­ festa gull merkini við einum sigri, sig ur hann. Óneyðuga tætt HB vann í Fuglafirði í gjár. Verandi føroyameistararnir hava ofta havt trupulleikar á Fløtugerði, men HB hóraði undan hesaferð. Heima liðið hjálpi væl. Høgni Zachariasen, ÍF, legði gest­ irnar á odda, tá lítil løta restaði í av fyrra hálvleiki. Zachariasen, sum spældi í miðverjuni, stýrdi bóltinum í máli, sum hann hevði hildið gest­ unum frá løtuna áðrenn. Rókur av Fløtum Jespersen slapp framvið Jákupi Mikkelsen, og úr spískum sendi hann bóltin móti málinum. Fleiri mettu, at leðurkúlan hevði kós framvið málinum, tá Høgni Zachariasen sendi í netið. Fróði Benjaminsen økti við brots sparki í seinna hálvleiki. Hallur Danielsen hevur verið hjálparvenjari hjá Juliani Hansen, síð an Kristján Guðmundsson varð sendur til hús í september. – Vit vilja spælt bólt, og tað er um ráðandi, at vit eru omaná leik­ liga í hvørjum dysti. Tað hevur eydn aðist væl higartil, men vit vóru lítið sannførandi í dag. Vit greiddu hinvegin okkara fremsta skyldu og fingu stigini, sigur Hallur Danielsen. ÍF svaraði aftur beinanvegin, at HB hevði økt um leiðsluna. Áki Petersen royndi seg við skoti úr 20 metrum, og umvegis Øssur Dalbúð, fór bólturin fram við Marcin Dawid. – Vit hava tamarhald á støðuni, og málið kemur nærmast burtur úr ongum. Vit verða settir undir óneyð ugt trýst seinastu løtuna. Tað er ikki fyrstu ferð í hesum kapp­ ingarárinum, at HB fær óneyðugt mál ígjøgnum og má stríða seg til sigurin seinastu løtuna. Tað er avgjørt nakað, sum liðið skal hugsa meira um til næsta kappingarár, sigur Hallur Danielsen. Gingið sera væl Julian Hansen og Hallur Danielsen tóku um endan, tá HB skuldi spæla torførastu dystirnar. Tað hevur gingið væl. Nú kann mest vinnandi fel agið í landinum avgera føroya meist ara­ heitið. Tað er ein støða, sum venjararnir ikki hugsaðu stórvegis um tann 13. september í ár, tá leiðslan heitti á teir at loysa Kristján Guðmundsson av. – Vit vildu fremst av øllum verða meira støðugir í avrikunum og fáa eyð kenda og álopssinnaða HB­ spælið framaftur. Tað hevur rigg að væl, og nú eru vit komnir so mikið langt, at vit kunnu vinna meistara­ heitið, greiðir Hallur Danielsen frá. HB kann leygardagin vinna sítt føroyameistaraheitið nummar 21. uni@sosialurin.fo 13 stig í fimm dystum Tað hevur gingið væl hjá HB, síðan Julian Hansen og Hallur Danielsen tóku við sum venjarar. Her er yvirlit yvir dystirnar, har teir hava staðið á odda fyri liðnum. 19. sep: Víkingur - HB 0-1 22. sep: HB - AB 3-0 27. sep: EB/Str. - HB 1-1 2. okt: HB - NSÍ 3-2 17. okt: ÍF - HB 1-2 Í HB hugsa vit bara um at vinna, og vit ætla okkum at stað festa gull merkini við einum sigri leygardagin ÍF 1 HB 2 HB leikarar frøast í Fuglafirði. Føroyameistararnir vunnu trupla dystin við tveimum málum móti einum Mynd: Álvur Haraldsen