mikudagur 20. oktober 2010síða 28

Mikudagur 20. oktober 2010 · Nr. 148 28 Sosialurin FAROEXPO 2010 Edith Mørkøre í Býráðssalinum Sunnudagin kl. 15 verður listaframsýning við Edith Mørkøre (myndin) í Býráðssalinum við heitinum »SINNIÐ sum NÁTTÚRAN«. Á framsýn­ ingini verður abstrakt/ekspresionistiskt list at síggja. Íblásturin til málningarnar hevur hon út frá viðurskiftum, sum rørast í tí dagliga lívinum og hendingum sum hon ella onnur rundan um hana koma út fyri. Náttúran og vøkstur er ein stór inspiratiónskelda hjá Edith og hon heldur at sinni og náttúran hava nógv til felags og renna saman í eina størri eind. Edith arbeiðir við listini sum sítt høvuðsstarv. Hon hevur málað síðan hon var tannáringur og hevur verið við á nógvum ymiskum framsýningum í Føroyum og Danmark. Drotningarvitjan í Runavík Framsýning frá drotningarvitjanini í Runavíkar kommunu verður í Løkshøll. Fyrireikingarnar av eini drotningavitjan eru sera spennandi fyri tey, sum vara av samskipanini og tað ynskja fyrireikararnir at vísa fram: Býurin skal fríðkast, og nógvir borgarar luttaka í arbeiðinum fyri at kunna vísa býin fram á besta hátt. Á framsýningini verður ein myndafrásøgn av vitjanini í Runavík frá byrjan til enda. Víst verður eisini, hvussu nógv varð gjørt burturúr móttøkuni á kajini og á skúlanum, har døgurðin var. Tað er blómuhandilin Orkis á Glyvrum og Navia á Toftum, ið skipa fyri framsýningini. Runavíkar kommuna samstarvar vanliga við vinarbýir tá serlig til­ tøk eru. Hesa ferð vitjar Krist ín Scheving sum umboð frá Eigil­ støðum í Íslandi. Kristín Scheving arbeiðir innan film, og hevur ferðast víða um við síni framsýning. Fyrstu ferð hon skipaði fyri filmsfestivali var í 2006. Víða kend Týskvøldið 26. oktober bjóðar Krist ín Scheving til altjóða films­ festivalin 700IS Reindeerland, har hon m.a. vísir útvald filmsklipp frá 2010 Filmfestivalinum. Kristín fer at greiða frá um ar beiðið í fyritøkuni 700IS Reindeer land, sum er einasta altjóða fyri tøka í Íslandi, sum arbeiðir við eksperimenterandi filmi og video. Tey flestu, sum lesa list á universitetum, arbeiða eisini við hesum hátti at gera film. Fyri Kristín er eingin ivi um, at filmfestivalurin hevur gjørt Egilstaðir kendar víða um úti í heimi. Tað vísir seg, at fyrispurningar við víkjandi festivalinum koma úr øllum heiminum. Í 2010 komu 600 við merkingar frá 47 londum um festivalin. Í 2009 gjørdist 700IS Reindee rland eisini partur av eini Europeiskari verkætlan, sum verður nevnd: “Alternativar rutir” og sum er ES fíggjað. Her er ætlanin, at fáa nýggjastu listina og filmarnar í økinum at blíva sjónlig. Les meira um filmsfestivalin á: www.700.is, Facebook og Twitter. Nær og hvar: Týskvøldið 26. oktober kl. 20.00 í Løkshøll. Sjó svimj ­ arar leypa á bláman Sunnudagin 31 oktober kl. 14 er ætlanin at sjósvimjarar úr øllum landinum skulu hittast á Glyvrum. At svimja á sjónum er nakað føroyingar altíð hava gjørt, tað vit vita um. Tað eru fleiri sum gera tað enn, men nú er tað allarmest fyri vælveru, og fyri fólk ið søkja sær heilsubót. Nú er ætlanin at taka táttin upp aftur á Mentanarvikuni í Runavík. Tiltakið byrjar kl. 14, við at Torbjørn Jacobsen bjóðar vælkomin. Einki verð­ ur kortini sagt, um hann eisini ætlar at leypa á bláman. Aldurin einki at siga Tiltakið er serliga ætla teim­ um, sum vanliga svimja á sjó­ num, men øll eru vælkomin. Aldur hevur einki at siga, men heilsan má verða góð, tí tað eru serliga fólk við høgum blóðtrýsti og hjartasjúkum sum skulu ansa sær við ein­ um ísakøldum sjokki. Tey, sum koma við bili, verða biðin um at seta bilin niðan fyri koyriskúlan á Glyvr um. Øll, ið ynskja eitt brúsu bað aftaná svimjingina kunnu nýta brúsurnar hjá kapp­ róðrar felagnum á Glyvrum. Nær og hvar: Sunnudagin 31. oktober kl. 14 á Glyvrum. Kristín Scheving fer at geva av síni vitan um altjóða filmsheimin Ein ferð inn í altjóða filmsheimin Kristín Scheving, stjóri á 700IS Reindeerland, er íslendsk og kemur til Runavíkar í sambandi við Mentanarvikuna.