mánadagur 15. november 2010síða 19

19 Mánadagur 15. november · Nr. 159 Sosialurin Ítróttarblaðið Av persónligum ávum noyddist Brian Kerr at flúgva heim til Dublin í Írlandi í gjár. John McDonald, hjálparvenjari á føroyska fótbóltslandsliðnum, hevur ábygdina av venjingunum hjá landsliðnum í dag. Eftir at vera komnir til Skotlands og hava vant sunnudagin, noyddist Brian Kerr av persónligum ávum at fara aftur til Dublin í Írlandi. Brian Kerr vónar, at hann fær verið aftur í Skotlandi í morginárini, soleiðis at hann fær leitt venjingina undan sjálvum dystinum. Men inn til ta tíð er tað John McDonald, sum hevur høvuðsábyrgdina og skipar fyri. rolant@sosialurin.fo McDonald tekur sær av venjingini Rólant Waag Dam Atli Gregersen sær av sonnum ein stóran møguleika í landsdystinum í móti Skotlandi. Ikki er tað einans ein kærkomin møguleiki at fáa nakað av tiltrongdari dystarvenjing, men tað er eisini ein av hansara eftir hondini rættiliga fáu møguleikum at vísa, hvør dugur er í honum. Venjingdardysturin hjá fótbólts­ landsliðnum í móti Skotlandi er eis ini av sera stórum týdningi hjá Atla Gregersen, tí hann hevur fingið nýggjan venjara, eftir at gamli høvuðsvenjarin, Derek Adams, er vorðin hjálparvenjari hjá Hibernians. Nýggi venjarin, sum enn bara er ein fyribilsloysn, er fyrrverandi hjálparvenjarin í felagnum, Craig Brwester. Hann og Atli Gregersen hava alla tíðina funnið væl útav tí, so við venjaraskiftinum sær Atli Gregersen brádliga fleiri møgu­ leikar í landsdystinum í móti Skotlandi. – Ein próvtøka verður tað hjá mær, eingin ivi um tað. Við venj­ araskiftinum opnast allir møgu­ leikar aftur, og næsta tíðin verður sera spennandi, tí hetta kann broyta heilt nógv, sigur Atli Gregersen úr Skotlandi. Venjaraskiftið er so mikið nýtt, at Craig Brewster valdi at nýta somu leikararnar sum Derek Adams gjørdi, tá Ross County spældi í gjár. Við øðrum orðum spældi Atli Gregersen heldur ikki í gjár. – Men eg havi tosað við venj ara­ num, sum kemur at hyggja í morgin. Hann hevur sagt við meg, at spæli eg gott við landsliðnum nú, so spæli eg fyri Ross County um vikuskiftið. Sjálvandi skal tað eisini takast við einum fyrivarni, men eg síggi heilt víst ein møguleika í hesum, sigur Atli Gregersen bjartskygdur. Landsdysturin er møguleikin hjá øllum Eins og Brian Kerr vísir á, so heldur Atli Gregersen eisini, at lands­ dysturin ein fínur møguleiki hjá leikarunum at vísa seg fram í. – Hetta er ikki bara mín møgu­ leiki at sannføra mín venjara, men hetta er ein sýnisgluggi hjá øllum leikarunum. Dysturin verður eisini vístur á Sky, so tað eru sera nógv fólk, sum koma at síggja okkum spæla, greiðir Atli Gregersen frá. Tí, sigur hann eisini, at lands­ dysturin er nógv meira enn bara ein venjingardystur. – Nú er ein lands dystur ongantíð bara ein lands dystur, men undir venjingini í gjár merkti eg væl, at tað stendur nógv upp á spæl og leikararnir eru spentir, sigur Atli Gregersen. Nógv fokus á Atla Av tí, at Atli Gregersen sum tann einasti føroyingurin spælir í skotskum fótbólti, hava fjøl miðl­ arnir í Skotlandi stóran áhuga í hon um um dagarnar. – Eg havi tosað við fleiri ymsar fjølmiðlar, so tað er nógv fokus kring mín persón nú. Teir spyrja nógv til Føroyar og hvat føroyskur fót bóltur er fyri nakað. Teir eru eisini ógvuliga áhugaðir í Brian Kerr, so hetta hava verið nakrir hek tiskir dagar, men tað passar mær fínt. Skotar eru eisini sum heild áhugaðir í Føroyum. Ikki minst tí, at vit hava spælt í móti hvørjum øðrum so ofta fyrr, og at Føroyar eisini hava fingið eitt gott úrslit í móti teimum, sigur Atli Gregersen. Atli Gregersen sigur somuleiðis, at skotar taka dystin í ógvuliga stórum álvara og síggja fram til í annaðkvøld. rolant@sosialurin.fo Atli skal til próvtøku Fótbóltur Atli Gregersen, sum spælir í Skotlandi, skal av álvara til próvtøku, tá landsliðið fer á vøllin í móti júst Skotlandi í Aberdeen í annaðkvøld. Gøtumaðurin hevur eisini alt at spæla fyri, tí hann hevur fingið nýggjan venjara, sum telist millum áskoðararnar til landsdystin Savnsmynd Átta útisetar á landsliðnum Høgri bakkurin, Jónas Tór Næs, er nú ein av útisetunum á landsliðnum Mynd: Álvur Haraldsen Útiseti Fótbóltur Tá tríggir ungir føroyingar eftir kappingarárið valdu at skifta føroysku feløg síni út við íslendskan fótbólt, øktist talið av útisetunum á landsliðnum munandi Rólant Waag Dam Ofta hevur verið ført fram, at talið av leikarum, sum spæla uttanfyri Føroyar, er alt ov lítið á landsliðnum. Men síðani lands liðið seinast spældi, eru tríggir leikarar, sum áður spældu í Føroyum, farnir út um land oddarnar at royna seg. Christian R. Mouritsen, Jónas Þór Næs og Pól Jóhannus Justinussen hava allir skift til íslendska Val, har Kristján Guðmundsson, ið stóð á odda fyri HB fyrr í ár, er venjari. Umframt teir tríggj ar í Íslandi, telur føroyska fótbólts­ landsliðið eisini leikarar í Onglandi, har Jóan Símun Edmundsson í Newcastle og Gunnar Nielsen í Tranmere Rovers spæla. Í Skotlandi hava vit Atla Gregersen í Ross County, í Noreg er Rógvi Bald­ vinsson í Ålgård og í Danmark spælir Christian Lamhauge Holst. rolant@sosialurin.fo Landsliðsleikararnir, sum spæla uttanfyri Føroyar: Jóan Símun Edmundsson, Newcastle Atli Gregersen, Ross County Christian L. Holst, Silkeborg Rógvi Baldvinsson Ålgård, Gunnar Nielsen, Tranmere Rovers Christian R. Mouritsen, Valur Jónas Þór Næs, Valur Pól Jóhannus Justinussen, Valur