týsdagur 21. mars 2000síða 6

11 tíðindablaðið sosialurin Nr. 56 - 21. mars 2000 10 tíðindablaðið sosialurin Nr. 56 - 21. mars 2000 JÁKUP MØRK Sum liður í eini avkláring av skuldarspurninginum hjá føroysku kommunum, hev- ur Føroya løgmaður heitt á J. S. S. Consult um at ar- beiða við eini møguligari umlegging føroysku komm- unuskuldini. Eftir hesum leisti, hevur J. S. S. Consult í longri tíð arbeitt saman við hol- lendska bankarisanum ABN-AMRO. Í februar 1999 varð eitt fullfíggjað uppskot lagt fyri Landsstýr- ið, samstundis sum umboð fyri bankan høvdu fund við føroyskar fíggjarstovnar og Føroya Kommuufelag. Kommunurnar í kommun- usamskipanini sendu avboð til fundin. Tá lóggávan á økinum og heimildirnar í hesum sam- bandi ikki vóru fullfíggjaðar um tað mundi, fekst eingin skipan í lag um hetta í 1999, men í januar mánaði í ár, heitti løgmaður aftur á J. S. S. Consult um at fáa eitt dagført uppskot. Nýtt uppskot er tískil sent øllum kommunum í landi- num, og skulu vit niðanfyri umrøða hetta í høvuðsheit- um. Kommunalt kredittfelag Sambært uppskotinum frá J.S.S. Consult, er ætlanin at seta á stovn Føroya Komm- unukreditt, sum skal standa sum einasti lánveitari hjá føroysku kommununum. Stovnsfæi í nýstovnaða felagnum skal eftir ætlan vera einar 80 mió.kr., sum skulu takast úr Kommunala Kreppulánsgrunninum. Kommunurnar skulu sostatt eiga part í felagnum í mun til tær upphæddir, sum eru goldnar grunninum. Kommunala kredittfelag- ið skal síðani taka lán frá ABN-AMRO, uml. 1,3 mia. kr., sum so aftur verða lænt- ar kommunum. Til tess at tryggja eitt framhaldandi lágt rentustøði á hesum láni, skal rentan tryggjast í ávíst áramál. Rentan, sum kommunur- nar so rinda til Kommunu- kredit, verður so nakað hægri enn rentan, sum Kommunukredit rindar ABN-AMRO, soleiðis at peningur er til rindan av umsiting og provisiónum. Um so er, at gjaldið til Kommunukreditt fær ov nógvan pening burtur úr hesum, verður hetta aftur- borið kommununum í kraft av, at tað verða tær, sum fáa ágóðan av einum møgu- ligum yvirskoti. Afturgjaldstíðin verður ætlandi 15 ár, og verða lán- ini veitt sum annuitetslán. Eins og við núverandi skip- an, skal Kommunukredit hava transport í skattainn- Nýtt uppskot um kommun- uskuldarspurningin Sp/f J.S.S. Consult við Jógvan Sundstein hevur í samstarvi við hollendskan banka latið føroysku kommununum uppskot um skipan av »Føroya Kommun- ukreditt« tøkunum hjá kommununi, og hava kommunurnar framhaldandi møguleika at rinda eyka avdráttir. Samhaldsfesti Tá Landsbankin fyri stutt- um, saman við danska Uni- Bank, legði fram uppskot um eina samlaða umlegging av kommunuskuldini, fekk hetta uppskot heldur kald- liga móttøku frá stóru kommununum. Ta ferðina førdu býráðs- formenninir í bæði Klaks- vík og Havn fram, at teir ikki kundu ganga við til, at kommunurnar fóru inn í eina solidariska skipan, har kommunurnar hefta fyri hvørjari aðrari. Í uppskotinum frá J.S.S. Consult, verður júst samá- byrgd nevnd sum ein partur av trygdargrundarlagnum hjá einum møguligum kommunalum kredittfelag. Mett út frá hesum, tykjast sannlíkindini fyri, at ein slíkur stovnur verður settur á stovn, ikki serliga stór, men hetta verður so ein spurningur, sum einstøku kommunurnar skulu taka støðu til. Í øllum førum tykist vera vist, at stendur tað upp til Løgmann, verður okkurt slag av solidariskari skipan gjøgnumførd. Tey bæði uppskotini frá ávíkavist Landsbankanum og J.S.S. Consult eru bæði gjørd eftir áheitan frá Løgmanni, og harumframt tykjast tey vera rættuliga lík hvørjum øðr- um, so enn er seinasta orðið helst ikki sagt í hesum sam- bandi. DAGFINN OLSEN Nógv hevur verið prátað um at koma út um landodd- arnar við føroyskum tón- leiki. Mong hava kanska ikki lagt so nógv í prátið og hava ikki hildið nakað ítøkiligt verið í hesum. Men hol tykist vera kom- ið á. Setir ein seg við teld- una og trýstir seg inn á h e i m a s í ð u n a www.theochard.com, so er hópur av føroyskum tón- leiki til keyps. The Ochard, sum liggur í New York, er sølufelag á netinum, ið eisini selur víð- ari til 150 aðrar útbjóðarar. Tutl hevur samband við The Ochard og Amazon. Stuttligt er at leita mill- um allan møguligan tónleik úr øllum heiminum og finna føroyskan tónleik, ið Tutl hevur givið út. Ragnar nummar eitt Hetta sølusamstarv hevur givið úrslit. Tutl má nú end- urprenta fleiri útgávur, sum ikki selja so nógv her heima longur, tí heimligi marknaðurin er mettaður, men sum nú selja úti í heimi. Tey, ið hava selt mest úti í heimi, eru Ragnar í Vík, sum hevur selt yvir 200 fløgur, Spælimenninir hava selt 200, Klaki 110 fløgur, Aria 120 fløgur, Plastnoist 100 og Gluggamynd 90 fløgur. Tutl hevur síðani desem- ber sent einar 1500 fløgur avstað. Fyrst fóru umleið 10 stk. av umelið 50 yms- um fløgum. Síðani hevur The Ochard bílagt, og hetta gera teir, tí fløgurnar eru eftirspurdar. MP3 og psykisk søla Framtíðin kemur áðrenn vit vita av. Hetta má ásannast. Óvíst er, hvussu nógvir før- oyingar kenna til MP3 fílar. Hetta er teldumál og hevur við ljóð og tónleik á telduni at gera. Tað er nevniliga so, at fløgan, sum vit kenna hana, brátt tykist fara í søguna. Brátt verður tað so, at ein kann fara inn á heimasíður ella handlar og seta sær saman sína egnu fløgu, sum ein síðani kann gjalda fyri. Tað, tey rópa fyri tann fysiska sølan minkar, með- an tað, ið verður rópt psyk- isk og digital søla byrjar at gera um seg. Og her er tað, at MP3 fílar koma inn í myndina. Ein skal rætt og slætt hugsa sær eina sølubúð, á netinum ella á gøtuni, har ein setur sær saman eina fløgu, júst sum ein hevur hug. Tað kann vera Ragnar í Vík, Kári p, Sting og Grieg. Hvørt um annað. Um fáar vikur verður tutltónleikur seldur víða um í heiminum sum MP3 fílar. Sostatt kann hesin tónleikur takast niður av netinum fyri ávíst gjald. Framtíðin er komin til Føroya og føroyskur tón- leikur er komin útum land- oddarnar og er sjónligur hjá teimum stóru útbjóðaru- Føroyskur tónleikur tøkur úti í heimi Plátufelagið Tutl má nú endurprenta fleri fløgur, tí gongd er komin á handil á netinum, hóast heimiligi marknaðurin er mettaður. The Ochard er útbjóðari, ið selur víðari til 150 aðrar útbjóðarar. Brátt verður føroyskur tónleikur eisini tøkur sum MP3 fílar num á netinum. Hevur ein áhuga, so er at hyggja hjá Orchard og trýsta seg inn á www.theorchard.com Ragnar í Vík er milum teirra, ið er til sølu hjá stóra netútbjóðaranum The Ochard. Hópur av føroyskum tónleiki er til sølu her ÓLAVUR Í BEITI Tað kemur meiri og meiri fram í donsku fjølmiðlunum um samráðingarnar millum Føroyar og Danmark og sipað verður serliga til før- oyska uppleggið, og hetta er helst ein av orsøkunum til, at landsstýrið nú hevur avgjørt at uppleggið verður almannakunngjørt. Internet Sosialurin ringdi til løgmann beint eftir mid- dag leygardagin. Løgmaður var tá staddur í Keypmann- ahavn, og váttaði hann fyri Internet-Sosialinum, at samráðingaruppleggið verður latið almenninginum Uppleggið almannakunngjørt í dag – Vit hava ikki tikið støðu til, hvønn dag uppleggið verður almannakunngjørt, men antin mánadagin ella týsdagin í komandi viku, segði Anfinn Kallsberg, løgmaður, við Internet Sosialin beint eftir middag leygardagin. til kunningar. Sosialurin skilir, at sam- ráðingaruppleggið verður almannakunngjørt eftir fundin í uttanlandsnevndini, sum verður í dag klokkan 10, um ikki annað fyriliggur tá. Jógvan Sundstein hevur í samstarvi við hollenskan banka latið føroysku kommunumum uppskot um skipan av »føroya Realkreditt« Tingmaður: Aftur til gomlu fólkaskúlalógina Jógvan á Lakjuni heldur, at einki samsvar er millum kostnaðin av nýggju fólkaskúlalógini og nyttuna, hon ger EYÐUN KLAKSTEIN Jógvan á Lakjuni, tingmað- ur fyri Fólkaflokkin, mælir nú landsstýrismanninum til at seta gomlu fólkaskúla- lógina í gildi aftur. – Løgtingið hevur sam- tykt eina nýggja fólkaskúla- lóg uttan at hava hóming av, hvat hon kostar. Nýggja lógin fer eftir øllum at døma bert at kosta meira pengar, uttan at næmingarnir fáa meira burtur úr, sigur Jógv- an á Lakjuni við Dagblaðið í gjár. Tí heldur tingmaðurin hjá Fólkaflokkinum, at skila- best hevði verið at setta gomlu fólkaskúlalógina í gildi aftur. Nýggja fólkaskúlalógin er kjarnin í stríðnum millum Lærarafelagið og Fíggjar- málastýrið, sum hevur við sær, at verkfall er í fólka- skúlanum. Virkar ikki eftir ætlan – Trupulleikin við nýggju fólkaskúlalógini er, at eing- in veit, hvat hon gongur út uppá. Hetta er ein donsk lóg, sum vit hava umsett og gjørt til føroyska lóg, ístaðin fyri at laga eina nýggja lóg til føroysk viðurskifti, sigur Jógvan á Lakjuni við Dag- blaðið. Jógvan á Lakjuni heldur, at næmingarnir eru verri fyri, heldur enn at vera betri fyri undir nýggju fólka- skúlalógini, og tí heldur hann, at tað eigur at verða viðurkent, at lógin ikki virk- ar eftir ætlan, og at ein heilt nýggj viðgerð skal fara fram um fólkaskúlalógina. – Ímeðan kunnu vit pass- andi seta gomlu fólkaskúla- lógina í gildi aftur, sigur Jógvan á Lakjuni við Dag- blaðið. Eldur í sethúsum á Viðareiði Fríggjadagin varð sløkki- liðið í Klaksvík boðsent til Viðareiðis – annan dagin á rað. Eldur varð komin í eini Viðingar og sløkkiliðið í Klaksvík hava fingið bilbukt við eldinum í sethúsunum á Viðareiði sethús, og tá sløkkiliðið kom á staðið var nógvur roykur, men eldurin var sløktur. Køkurin fór illa, men restin av húsunum brendi ikki. Hinvegin var nakað av vatn- og roykskaða. Sjúkrabilur fór eisini úr Klaksvík, men eingin fólka- skaði var av eldsbrunanum ek Góða kera Súsanna Eg minnist fyri bert fáum mánaðum síðan, tá ið tú spurdi meg, hvussu tú skuldi orða teg í tínum minn- ingarorðið til tín kæra vin, sum fórst í bilvanlukku eins og tú, góðasta Súsanna. Mær tóktist so synd í tær, at tú skuldi missa vin á so ungum ári. Eg vildi ikki trú, at eg skuldi missa teg so stutt eftir, góðasta. Vit hava verið so væl nú í 3 ár, meðan vit hava gingið í flokki saman og tann, ið mest av øllum hevði uppiborið eitt studentsprógv, var tú, góða, kera Súsanna. Tú vart altíð glað og altíð klár at hjálpa, tá ið ein ikki dugdi og vit hava so ótrúliga nógv at takka tær fyri, góðasta. Eg takki tær fyri 3 góð vinaár og eg fari aldri at gloyma teg og eg veit, at vit ein dag síggjast aftur í himli. Rakul Bilur stolin í Fuglafirði – funnin aftur í Havn Løgreglan heldur seg hava góð spor at ganga eftir í royndini at finna tann seka EYÐUN KLAKSTEIN Leygarkvøldið var ein bilur stolin í Fuglafirði, og sunnudagin fann løg- reglan bilin í Havn. Tá hevði bilurin fingið skaða. Løgreglan í Runavík sigur, at leygarkvøldið var innbrot í ein matvør- uhandil í Fuglafirðið, men einki varð stolið. Seinni var bilurin stolin, og løgreglan avvísir ikki, at samband er millum til- burðirnar. Leygarkvøldið fekk løgreglan í Havn fráboð- an um, at ein bilur hevði rent á Tórshøll, men bil- urin varð rýmdur á stað- num. Sunnudagin kom løgreglan fram á bilin, og talan var um tann bilin, sum var stolin í Fugla- firði leygarkvøldið. Bilurin hevði fingið skaða, og løgreglan sigur, at hon hevur góð spor at ganga eftir í royndini at finna tann seka. Løg- reglan í Runavík segði seg mánadagin vera komin so langt við máli- num, at tað væntaði eina skjóta uppkláring og at finna tann seka. Lesið eisini Sosialin á Internetinum www.sosialurin.fo