fríggjadagur 19. november 2010síða 14

Fríggjadagur 19. november 2010 · Nr. 161 14 Sosialurin Framleiðsla/søla Lýsingartilfar Føroysk framleiðsla tá hon er best SNældaN er eitt keNt braNd á FøroySka markNaðiNum. FamiljuFyritøkaN á StroNdum virkar alla SíNa FramleiðSlu Frá ull til tógv og klædNapløgg í Føroyum Magnus Gunnarsson Snældan er ein familjufyritøka, sum hevur yvir 60 ár á baki og verður í dag rikin av triðja ættarliði. Tað var Karl Jóhan Olsen, sum legði lunnar undir Snælduna í 1949 við at spinna tógv úr ull, sum fólk komu við. Snældan verður í dag rikin av abbasoninum, sum eisini eitur Karl Jóhan Olsen. Hóast Snældan alla tíðina hevur verið á somu adressu á Strondum eru fleiri um- og útbyggingar farnar fram hesi meira enn 60 ár- ini. Maskinur eru skiftar út, og framleiðslan er alla tíðina tillagað marknaðin og eftirspurningin. Virksemið hjá Snælduni á Strondum kann býtast upp í tvey: fram leiðslu av tógvi og framleiðslu av bundnum pløggum. Rávøran hjá Snælduni er ullin, sum verður virkað til á virkinum. Talan er um tveir virkisbygningar. Í framleiðsluhøllini verður ullin gjørd til tógv í ymiskum litum og í einum øðrum bygningi eru bindi- maskinur har ein partur av tógv- inum verður bundin til troyggjur, jakkar og húgvur. Stjórin á Snælduni, Karl Jóhan Olsen, sigur, at Snældan er einasta virki av sínum slagi í Føroyum, og alt sum tey selja er framleitt á virkinum. Snældan framleiðir tógv, sum verður nýtt til bæði einlittar troyggjur og troyggjur við mynstri. Umframt troyggjurnar framleiðir Snældan eisini tøvdar jakkar og húgvur í ymiskum litum og sniðum. Ein partur av framleiðsluni er karðað ull, sum t.d. verður nýtt til evning í skúlum og barnagørðum. Umframt virkið á Strondum hevur Snældan eisini ein handil í Niels Finsengøtu í Havn, ið hevur eitt stórt úrval av tí, sum Snældan framleiðir. Lidnu vørurnar hjá Snælduni eru eisini at fáa á Vága Floghavn, hjá Andreas í Vágsbotni og Skipshandlinum í Havn, meðan tógvið er at fáa í nógvum handlum kring landið. Seks fólk eru í starvi hjá Snælduni á Strondum umframt eitt starvs fólk í handlinum í Havn. maggi@sosialurin.fo Fremst f.v.: Kirstin Olsen, Mary Berg, Hilda Johansen og Magdalena Nielsen. Aftast f.v. Karl Jóhan Olsen og Odmar Olsen Myndir: Jens Kristian Vang