týsdagur 19. februar 2002síða 8

15 Nevndin hjá FSF hevur til aðalfundin lagt uppskot fram um liðugtgerð av húsin- um við Tórsvøll. Samlaði kostnaðurin verður mettur til knappar 17 milliónir FÓTBÓLTUR Jákup Mørk Hóast føroyingar nú í tveimum undankappingum hava leikt nakrar av lands- dystum sínum á Tórsvølli, so restar enn nógv í, áðrenn vøllurin kann fáa eina endaliga altjóða góðkenn- ing. Í løtuni er talan um eina fyribils góðkenning frá UEFA, og er hendan latin, treytað av at arbeiðið við liðugtgerðini av vøllinum heldur fram. Nakað sum fráfarandi formaðurin í FSF, Torleif Sigurðsson, hevur lagt stóran dent á í orðaskiftinum, sum hevur verið seinastu tíðina. Á seinasta aðalfundi samtykti aðalfundurin hjá FSF, at sambandið skuldi fáa heimild at inniloka bygningin, og er hetta ar- beiðið gjørt í 2001. Tann parturin av arbeiðinum kostaði áleið hálva trijðu millión, soleiðis at samlaða íløgan hjá FSF í løtuni er 6,5 mió.kr. Framman undan hevði FSF nevnliga nýtt 4 mió.kr. til fundamentir, gólv, loft og útveggir. Í ætlaðu samtyktini ligg- ur eisini, at FSF skal keypa bygningin við Tórsvøll. Tað er nevnliga so í løtuni, at hóast 6,5 mió.kr eru nýttar, so er tað framvegis Tórs- vallargrunnurin, sum er eigari av bygninginum. Fyri at FSF kann fáa neyð- uga stuðulin frá FIFA og UEFA til ætlanina, er neyðugt, at formligu ognar- viðurskiftini koma í rætt- lag, soleiðis at tað er Fót- bóltssambandið sjálvt, sum er eigari av bygninginum. Hetta merkir eisini, at tað illa ber til hjá nevndini í FSF at gera annað enn at samtykkja uppskotið. Í øll- um førum í longdini. Sum er, hevur FSF goldið 5,15 mió kr., men framvegis er tað grunnurin Tórsvøllur, sum stendur sum eigari av bygninginum. Tað er illa hugsandi, at seinastu góðu 10 milliónirnar kunnu fíggjast uttan stuðul frá bæði FIFA og UEFA, og treytin fyri at veita hendan stuðul er altso, at tað er FSF, sum stendur sum eigari av bygninginum. Tyngsti parturin eftir Tað, sum nú restar í at gera, er øll liðugtgerðin av bygn- inginum innanveggja. Skiftirúm til leikarar og dómarar skulu gerast í niðastu hæddini, eins og neyðturvuligar umstøður til læknar, fysioterapeutar o.l. skulu gerast. Fótbólts- sambandi sjálvt skal eisini hava egin skrivstovuhøli í bygninginum, um UEFA og FIFA skulu lata stuðul, og enn er einki gjørt viðvíkj- andi innrættan av hesum, og so skulu fjølmiðararnir og sonevndur VIP’ararnir eisini hava sítt. Til samans er talan um eina íløgu, sum eftir kostn- aðarmetingini, ið verður løgd fyri aðalfundin, upp á 10,4 mió.kr., har av gott og væl ein millión skal nýtast til innbúgv og skrivstovu- útbúna. Fíggingin Alt hetta ljóðar sum ein íløga av teimum heilt stóru, og tað er tað sum so kanska eisini. Tað skal tó leggjast aftur- at, at tað so langt ífrá er so- leiðis, at Fótbóltssamband- ið sjálvt skal bera kostnaðin av allari verkætlanini. FIFA og UEFA lata íalt nærum 7 mió.kr. í stuðuli til bygg- ingina. Føroya Landsstýrið skal sambært kostnaðar- metingini rinda 1,35 mió. kr. meðan restin, 7,3 mió. kr. so verður fíggjað av Fót- bóltssambandinum. Sum er hevur FSF fíggjað 3,1 mió. kr. yvir raksturin hjá fe- lagsskapinum, meðan 2 mió.kr. eru læntar frá UEFA. Roknað verður við, at neyðugt verður við lán- tøku til at fíggja seinastu 2,2 milliónirnar, og sum skilst hevur FSF sent fyri- spurning hesum viðvíkj- andi til fíggingarstovnar. Nr. 34 • týsdagur • 19. februar 2002 • 76. árgangur • www.sosialurin.fo Fakta um Tórsvøll Hvat er nýtt, hvat er ætlanin at nýta og hvussu verður liðugtgerðin av bygninginum við Tórsvøll fíggjað: FSF hevur higartil nýtt: Veitt lán til fundamentirútvigg, v.m 4.000.000 Liðugtgerð av bygningi, uttan 2.182.112 Nýtt higartil 6.182.112 Ætlað uppskot til samtyktar: Liðugtgerð av bygningi 8.987.112 Innbúgv v.m. 770.000 teldu- & skrivstovuútbúnaður 650.000 At nýta til liðugtgerð 10.407.112 Fígging: Stuðul frá FIFA 6.225.000 Stuðul frá UEFA 650.000 Stuðul frá Føroya Landsstýri 2.700.000 Lán frá UEFA 2.009.720 Eginfígging 3.100.026 Neyðug lántøka 2.182.112 16.866.858 Gera Tórsvøll lidnan 14 Nr. 34 - 19. februar 2002 Tað spælir væl av, tá trý norðurlendsk mál finna saman á palli á gamla Meiarínum, í sterka leikinum, Macbeth UMMÆLI Heri á Rógvi Tað er altíð hugaligt at fara til sjónleik á gamla Meiar- ínum. Serligu umstøðurnar har fjálgað um sjóneikin í Føroyum. Hóast hølini ikki eru millum tey størstu í sjónleikaheiminum, so er eitt ávíst heilt serligt huglag at finna har. Soleiðis er tað eisini hesi kvøldini, tá Macbeth verð- ur spælt – kanska meira enn nakrantíð. Ein samanrenn- ing millum eina døkka pall- mynd, einklir, men ikki lítið stórbærir búnar, góð sjón- leikaraevni og ikki minst ein ógvulig forkunnug og spennandi nýtsla av ljóði. Tað verður sagt um Shakespeare: »Not for any age, but for all time«, og hetta kanst tú væl knýta at heldur sermerktu sýningini, sum hesar dagarnar vitjar í Føroyum, áðrenn farið verður til onnur Norðan- lond. Klassiski leikurin um Macbeth er latin í nýggjan ham, men talan er ikki um keisarans nýggju klæði. Leikurin megnar rættiliga væl at finna sína egnu »linju«, so at siga. Pallurin er ótrúliga einkul, soleiðis at alt verður latið til sjón- leikarar. Búnarnir eiga eina heilt serliga rós. Symbol- ikkurin í búnunum og pall- mynd sum heild er kanska ikki altíð til at skilja bein- anvegin, men myndin verð- ur livandi. Leikurin av uppruna messum ein reinur sorgar- leikur, og tað verður eisini dúgliga spælt upp á hetta hesaferð. Leikurin leggur mestu orkuna í at lýsa per- sónarnar og sambondini millum persónarnar, og tað stingur eisini rættiliga djúpt. Uppgerðin við ónd- skapin og atliti til ein svinnandi moral reika runt á pallinum teir 130 minutt- irnar, ið leikurin varðar. Tað er fyri so vítt ikki nøkur serlig traditión fyri at spæla Shakespeare í Føroy- um, og áskoðarnir fáa eisini eina serstaka sýning at síggja. Tað skaðar so av- gjørt ikki, um tú hevur lisið eitt sindur upp á, áðrenn tú kemur oman í Meiaríið, tí søgugongdin er ógvuliga fløkjaslig fyri ein, ið einki kennir til leikin um Mac- beth. Tey ymsu málini gera í fyrstuni ikki annað enn trupult at skilja. Broyting- arnar í søgugongdini passa sum heild væl inn, og eina løtu inn í leikin er betri við teimum nógvu tungumál- unum, uttan tó at hetta fær topkarakter. Leikararnir sleppa sum heild væl frá leikinum. Tað krevur nógv av samanspæl- inum, at spæla ein tílíkan leik, men bólkurin tykist at rigga ógvuliga væl saman. Spælið hjá finnanum, Jonte Ramsten, er framúrskar- andi ígjøgnum allan leikin. Samanspælið millum Hans Tórgarð og Katarinu Nolsøe er eisini gott. Tað er eitt stundum stutt- ligt og gott spæl við tí gamla leikinum, har nýggj- ar rútmur og tónar sleppa til sín rætt. Vit siga sera gott og klappa einaferð enn. Teirra egna Hans Tórgarð og Katarina Nolsøe vísa, at føroyskt riggar væl til Shakespeare Granskingarverk- ætlanin fyri økismenning hevur givið út bók, har hugt verður eftir, hvussu føroyski búskapurin aftur kom á føtur. Føroyska samfelagið er eingin fýrakantað mynd, ljóðar tað frá høvundunum ÚTGÁVA Heri á Rógvi myndir: Finnur Justinussen. Meðan kjakið um økis- menning enn livir í besta livimáta, er ein nýggj bók um júst sama evnið komin á gøtuna. Granskingarverk- ætlanin fyri økismenning hevur givið út bókina The Restructuaration of the Faroese Economy. Gransk- ingarverkætlanin hevur í góð tvey ár húsast í Klaks- vík, og hetta er eitt úrslitið av arbeiðinum. Framman- undan hesari útgávuni, hev- ur verkætlanin givið út tíð- arrit, eins og annað eisini er gjørt. Í hesari nýggju bókini verður, eins og heitið eisini sigur, hugt nærri at, hvussu føroyski búskapurin kom aftur á føtur eftir sváru bú- skaparligu kreppuna, fyrst í hálvfemsunum. Bókin er skrivað á ensk- um og hon vendir sær ser- liga til fakfólk innan sam- felagsvísindina, ljóðar tað frá Gesti Hovgaard, ið er ein av oddamonnunum aftanfyri verkætlanina og bókina. Við góðum hegni til enskt, so ber tað til at fáa nógv burturúr bókini. Tann einstaku kapitlarnir eru skrivaðir soleiðis, at teir kunnu lesast hvør sær. Bókin nýtir fyri tað nógva sokallað casestudies, har hugt verður eftir yms- um pørtum av Føroyum. Serliga Suðuroyggin fekk umrøðu á tíðindafundi, ið varð hildin mánamorgunin í sambandi við útgávuna. – Vit vilja eisini við hes- ari bókini avvísa nógvar av teimum mytum, sum eru um tað føroyska samfelag- ið. Vit hava lært við okkara kanningum, at tað føroyska samfelagið er ógvuliga egin og fjøllbroyt. Tað ber ikki til at gera eina einfalda svart/hvíta mynd, siga Gestur Hovgaard og Ólavur Waag Høgnesen, sum telj- ast millum høvundarnar av bókini. Bókin er ógvuliga sam- felagsvísindalig við serlig- um atliti at sosiologiini. Á tíðindafundinum greiddu teir frá, at teir hugdu serliga at tí sosiala og mentunar- liga, ið ger seg galdandi í einum samfelag. Víst verð- ur m.a. í bókini á tann týdn- ing, ið tann menniskjaligi kapitalurin hevur at siga. Hesin hevur verið ein virk- andi og stórur faktorur í tí, at føroyska samfelagið hev- ur reist seg. Menniskjaligi kapitalurin út í bók Gestur Hovgaard greiðir frá C M Y K 14 - fyri viðskiftafólk okkara