mikudagur 22. desember 2010síða 30

nr. 175 · jólini 2010 30 blaðið SoleiðiS koma vit í jólahýr Hjá summum er tað stýrt at kalendaranum, hjá øðrum er tað kavin, og hjá nógvum er tað angin av onkrum jólaligum, ið fær tey at koma í jólaHýr. vit hevur spurt tríggjar kendar føroyingar um, hvat fær tey at koma í jólaHýr, og hvørjum tey hava Hug at geva eina jólagávu í ár lagt til rættis: inna tørnroos myndir: sosialurin Selma Ellingsgaard, forkvinna í Starvsmannafelagnum Hvat fær teg at koma í jólahýr? ‒ At nýta tíð saman við dóttrini at tilevna og pynta heima og angin av granni og Ingrid Mariu súreplum er avgjørt nakað, ið vekir mínar sansir og fær sinnið ótilvitað at leita jólahýrin fram. ‒ Deiligi jólatónleikurin, bæði heimiligi og útlendski, skapa sjálvsagt eisini serliga stemningin. ‒ Eg havi eitt serligt barnaminni, og tað er eitt vakurt jólaorógv við myndum av og um Øskufíu, ið altíð varð hongt upp, tá jólini nærkaðust. Hvør persónur hevur uppiborið eina jólagávu í ár? - Eg haldi, fleiri hava uppiborið eina jólagávu. Tað eru mong, ið gera eitt stórt arbeiði at gleða og vera nakað fyri onnur, og tey vænta sær onki afturfyri. Hesi fólk hava stórt rós og tøkk uppibornað, og torført er at taka dagar ímillum. – Um eg skal finna onkran ávísan at peika á, so meti eg avgjørt, at Absalon Matras eigur at fáa eina jólagávu. Hann og fleiri við honum hava í áravís verið í Rumenia við hjálp til teirra, ið treingja, og teirra arbeiði er avgjørt eina stóra jólagávu vert. Sigrún Brend, sjónvarpsvertur Hvat fær teg at koma í jólahýr? Eg eri eitt sindur kalendarastýrd, tá tað snýr seg um jólini. Fyrsta sunnudag í advent pynta vit til jóla, og jólatónleikurin verður tikin fram. Men treyðugt so, - nú ein dagin kavaði av møkum, og tá stóð nógv á, tí eg fekk slíkan hug at gera tað jólaligt heima.. So, tað er sindur ilt at siga, nær eg komi í jólahýri. Hvør persónur hevur uppiborið eina jólagávu í ár? Haldi, at jólaaftanstiltakið fyri einlig, sum KFUK skipar fyri á hvørjum ári, hevur uppborið ein stóra jólagávu. Tað eru Sonja Klein og maður hennara, Holger Arnbjerg, sum samskipa tiltakið. Summi ár hava verið upp í 30 fólk til jólahugnan. ‒ Hetta er so hjartanemandi tiltak, og tey ofra hetta familju kvøldið til frama fyri einlig. Sonja og Holger keypa jóla gávur, persónligar jólagávur, til hvønn einstakan, sum hevur teknað seg til at koma. So tað eru nógvir handlar at fara í, áðr enn tey hava funnið jólagávurnar til gestirnar. Flott, flott og takk fyri tað Sonja, Holger og KFUK. Atli Gregersen, fólbóltsspælari Hvat fær teg at koma í jólahyr? ‒ Eg komi í jólahýr, tá sonurin opnar sín sjokulátajólakalendara og kalendarin frá deyvafelagnum. Seinni sama dag fara vit altíð í føðingardag hjá babba, har síggja vit tvær fittar nissur hanga á vegginum, sum mamma altíð hevur hangandi á jólum. Hvør persónur hevur uppiborið eina jólagávu í ár? – Eg haldi avgjørt, at komandi konan hjá mær, Jenny, hevur uppiborið heimsins størstu jólagávu. At oyrini hjá henni halda til alt mítt prát er heilt ótrúligt!! – Haldi eisini at øll, sum hava mist pengar í Eik, burdu fingið ein fittan jólapakka.