mánadagur 3. januar 2011síða 18

Mánadagur 3. januar 2011 · Nr. 1 18 Sosialurin Ítróttur Uni Holm Johannesen Ákærurnar hava regnað av grimd oman yvir liðið, hann stendur á odda fyri. Stríðið um ábyrgdarmenninar av felagnum hevur givið honum kroystar arbeiðsumstøður. Sjógv­ urin er nú slætnaður, men tað eru framvegis úrslitini, sum tala søk ina hjá venjaranum. Liverpool er í miðbólkinum á stigatalvuni, og pláss ini, sum geva atgongd til Champions League, eru langt burt uri. Tað er rætt og slætt ikki nøktandi. Undir heimadystinum móti Wolver hampton, sum Liverpool tapti óvæntað í síðstu viku, sungu trú fastu áskoðararnir »Dalglish, Dalglish!« og sipaðu til Kenny Dalglish, sum hevur verið upp á tal at loysa verandi venjaran av. Roy Hogdson tykist hinvegin ikki stúra fyri sínum arbeiði. Hann segði í farnu viku, at hann hevur verið undir størri trýsti fyrr. Sum venjari hjá Fulham var kravið at vinna á Portsmouth í sein asta landskappingardysti í kappingar­ árinum í 2008, um hann og leik­ ararnir skuldu varðveita sætið í Premier League. – Eg havi ongatíð hugsað um at gevast í Liverpool. Eg gevi ikki skarvin yvir av fríum vija. Eg ætli mær at venda skútuni og vinna steypini, sum felagið vil vinna. Eg noyðist bara at biðja um tíð og tol fyri at røkka málinum, segði Roy Hodgson aftaná dystin móti Wolverhampton, sum framhaldandi er bjartskygdur. Cole var bjargingarmaðurin Tá stóra stadionurið á Anfield hevði rundað teir 90 minuttirnar seinna­ partin leygardagin, varð aftur líkt til, at reyðlittu áskoðararnir úr Liver pool fóru hugtugnir til hús. Undirtøkan kring vøllin var lítil hesaferð. 10.000 pláss vóru tóm á áskoðara plássinum. Hodgson hevði róð uppundir, at fyrsti heimadysturin í nýggja ár­ inum var snúningspunktið og byrj­ anin til bjartari tíðir á Anfield. Men hann fekk heldur ikki rætt hesaferð, noyddust tey flestu at ásanna. Liverpool hevði kós móti einum stigi á heimavølli móti Bolton. Men meðan surrið av vónbrotni legði seg tjúkt yvir leikvøllin, fekk Steven Gerrard bóltin fyri føturnar í høgra borði. Hann sendi kúluna skamt frá málinum hjá gestunum, har Fernando Torres og Johan Elmander stríddust um bóltin. Brádliga rullaði bólturin fyri høgra fótin á innskifta Joe Cole, sum skumpaði bóltin seinasta meturin um málstrikuna. – Eg eri errin og serstakliga fegin um, at vit fingu sigursmálið. Fjeppararnir hava gjørt vart við sína misnøgd. Tá liðið spælir illa er rímiligt, at venjarin er í and glett­ inum. Eg havi ábyrgd av liðnum, og eg eri harmur um, at áskoðararnir eru tungir í huga. Úrslitini hava ikki verið nøktandi, men fjeppararnir eru trúfastir og stuðla okkum. Tað eru vit ómetaliga glaðir fyri, sigur Roy Hodgson, sambært heima síð­ uni hjá Liverpool. Leikararnir stuðla venjaranum Sigursmálið hjá Joe Cole hevur við sær, at Hogdson fær ein feril av ar­ beiðsfriði næstu dagarnar. Tað var í tøkum tíma, at hann tryggjaði venj­ aranum og liðfeløgunum nøkur stig í skjáttuna. Joe Cole ger greitt, at leikara­ hópurin stuðlar Hogdson av fullum huga. – Vit vilja allir, at Liverpool vinn­ ur sær fastatøkur í oddinum aftur. Leikararnir eru á vøllinum fyri troyggjuna og venjaran. Eingin er størri enn felagið, sigur hann við heima síðuna hjá Liverpool. Kenny Daglish heldur, at tað er sera neyðugt, at øll standa sam­ an um felagið í løtuni, hóast mót­ burðin. – Tað snýr seg um Liverpool Football Club í løtuni, og ikki um einstakar persónar. Vit noyðast at standa saman, er hansara áheitan. Aftur á føtur Liverpool hevur mist fótafestið sein astu mánaðirnar. Úrslitini, sum er grundarlagið undir øllum fót­ bóltsfeløgunum, hava verið vánalig. Felagið tekur ikki lut í Champions League í hesum kappingarárinum, og liðið stríðist nú at sleppa í Europe League næsta kappingarár. Roy Hodgson væntar, at felagið kemur á føtur aftur skjótt. – Stríðshugurin í sigrinum á Bolton prógvaði, at leikararnir eru sinnaðir at geva tað, sum krevst. 2010 fer í søgubøkurnar sum eitt sera vánaligt ár fyri felagið. Vit skulu syrgja fyri, at 2011 verður so minni ríkt sum tilber, sigur Roy Hodgson, sum framvegis er undir stór um trýsti. uni@sosialurin.fo Bjartskygdi Hogdson Fótbóltur Liverpool hevur siglt um boðar og sker seinasta árið. Glæsliga fótbóltssøgan hevur ikki verið nøkur sjálvsøgd borgan fyri stórvegis úrslitum. Uppgávan hjá Roy Hodgson at stjórna liðnum er møtumikil. Hann roynir hinvegin framvegis at vera bjartskygdur, hóast drúgva mótburðin West Bromwich – Manchester United 1-2 Manchester City – Blackpool 1-0 West Ham – Wolverhampton 2-0 Tottenham – Fulham 1-0 Sunderland – Blackburn 3-0 Liverpool – Bolton 2-1 Birmingham – Arsenal 0-3 Chelsea – Aston Villa 3-3 Wigan – Newcastle 0-1 Úrslitini í Premier League um vikuskiftið: Enska Barclays Premier League nr. lið dystir vunni javnt tapt mál stig 1 Manchester United 19 11 8 0 41-18 41 2 Manchester City 21 12 5 4 33-16 41 3 Arsenal 20 12 3 5 42-22 39 4 Tottenham 20 10 6 4 30-23 36 5 Chelsea 20 10 5 5 36-18 35 6 Sunderland 21 7 9 5 24-22 30 7 Bolton 21 7 8 6 33-28 29 8 Stoke 20 8 3 9 25-24 27 9 Liverpool 19 7 4 8 23-24 25 10 Newcastle 20 7 4 9 29-31 25 11 Blackpool 18 7 4 7 26-30 25 12 Blackburn 21 7 4 10 26-34 25 13 Everton 20 4 10 6 21-24 22 14 West Bromwich 20 6 4 10 26-36 22 15 Aston Villa 20 5 6 9 23-37 21 16 West Ham 21 4 8 9 22-33 20 17 Wigan 20 4 8 8 17-32 20 18 Fulham 20 3 10 7 19-24 19 19 Birmingham 19 3 10 6 18-24 19 20 Wolverhampton 20 5 3 12 20-34 18 Liverpool venjarin, Roy Hodgson, og Joe Cole, ið skoraði sigurmálið væl inni í eykatíðini. Tað er heitt undir sessinum hjá Roy, men hann ætlar sær ikki at geva skarvin yvir Venjaratoymi hálsfevnast og fegnast um sigursmálið Eg havi ongatíð hugsað um at gevast í liverpool. Eg gevi ikki skarvin yvir av fríum vija