fríggjadagur 14. januar 2011síða 14

nr. 6 · 14. januar 2011 14 VIKUSKIFTI Foreldrini hjá Janu Ejdesgaard Thomsen eru úr Oyndarfirði, men sjálv hevur hon ongantíð búð í bygdini, har hennara røtur eru. Hennara lív og gerandisdagur hevur verið í høvuðsstaðarøkinum, har hon hevur fingist við fitness í meiri enn eina fjórðingsøld. Í dag eru hon og beiggi hennara, Hákun Thomsen, sum er sjómaður, eigarar av nú­ tímans fitness­sentrinum, Faroe Fitness í Djóna í Geilsgøtu 5 í Havn, har tey leiga hølini hjá pápanum, Joen Paula Ejdesgaard. – Vit hava stovnað eitt nýtt partafelag og lótu hølini uppaftur hin 1. september í 2010. Gólv eru skift, og hølini eru málað og sett í stand. Gomlu venjingaramboðini eru seld. Vit hava gjørt íløgur í nýggj amboð og til ístandseting fyri tilsamans tvær miljónir krónur. Jana Ejdesgaard Thomsen sigur, at allar maskinurnar eru italskar og av merkinum, TechnoGym. – Hetta eru sterk, góð, ljóðleys og sera væl egnaði amboð til allar hugsandi venjingar. Fragd & Fimi, sum virkaði í hesum hølum í mong ár, hevði eisini italsk amboð frá somu fyritøku. Hetta vóru dygdargóð amboð, samstundis sum TechnoGym hevur eina góða tænastu. Tí valdu vit at keypa venjingaramboð frá somu fyritøku aftur, sigur hon. Tá Sosialurin vitjaði Faroe Fitness mikudagin, kom onkur nýggjur kundi á gátt. Fyrsta stigið var at fara á eina vekt, sum umframt at máta tyngd, eisini ger aðrar mátingar av kroppinum, eitt nú, hvussu stórur partur er fiti, vøddar og væta. – Hetta er líka sum status, tá ein nýggjur kundi byrjar at venja, og síðan kunnu út skrift­ irnar fram eftir siga, hvørja ávirkan venj ing­ arnar hava. Jana sigur, at øll, sum hava hug at íðka hjá Faroe Fitness, fáa ein ókeypis royndartíma, og tá fólk síðan byrja at venja, eru feitttest og venjingarskrá við í prísinum fyrstu ferð. – Vit siga, at øll, sum ikki hava vant hjá okkum áður, skulu hava ein royndartíma, har vit læra fólk at innstilla amboðini rætt, bæði fyri teirra egna besta – og fyri, at fólk skulu læra at brúka amboðini rætt. Hon leggur aftrat, at um fólk hava hug at tekna hald eftir royndartíman, verður spurt, hvat tey ynskja sær, og síðan verður ein venjingarskrá løgd, sum svarar til teirra ynskir. Góðar umstøður Meðan vit vitjaðu Faroe Fitness, vísti Jana okkum øll tey nýggju og lekru venjingaramboðini, har ikki færri enn níggju ymiskar súklur, skíð­ maskinur, krossarar og stepparar og renni­ maskinur hava stórar skíggjar. Her kanst tú síggja fleiri sjónvarpskanalir ella lurta eftir útvarpsstøðum, meðan vant verður. – Um ikki so langa tíð verður eisini høvi hjá okk ara viðskiftafólkum at fara út á netið, eitt nú á Facebook, Portalin, lesa teldupost ­ ella hvør áhugin nú einaferð kann vera, sigur hon. Jana, sum í dag er 48 ára gomul, byrjaði blaðung at fáast við fitness, og hetta hevur at kalla øll árini síðan verið hennara lív. Nú hon og Hákun eiga Faroe Fitness saman, eru dagarnir hjá henni í Djóna í Geilsgøtu mangan langir. – Hetta er ein nýggj fyritøka, og vit hava gjørt stórar íløgur. Tí vistu vit eisini frammanundan, at dúgliga skal arbeiðast. Tá vit byrjaðu, settu vit okkum nøkur mál, sum eru rokkin. Vit eru nøgd við undirtøkuna higartil, og vit vóna, at enn fleiri koma á gátt, sum tíðin gongur og fólk gerast varug við, at okkara umstøður eru so góðar sum ongantíð áður. Faroe Fitness hevur opið frá mánadegi til fríggjadag frá klokkan 06.30 til 21 á kvøldi. Leygar dag er opið frá klokkan 09­18 – og sunnu dag frá klokkan 14­18. – Eg eri altíð til arbeiðis, men vikuskiftis­ dag arnir eru ikki so langir sum dagarnir frá mánadegi til fríggjadag. Umframt at vera teimum, sum koma at venja, til vegleiðingar og tænastu, geri eg eisini hølini rein sjálv. Hetta merkir, at ein stórur partur av samdøgninum hjá mær gongur fyri seg í Faroe Fitness – og onkuntíð havi eg eisini sovið her yviri, leggur hon brosandi aftrat. Ung í skúla Jana Ejdesgaard Thomsen fór sum 18 ára gomul niður til Danmarkar í skúla, og tað gingu sjey ár, áðrenn hon vendi heimaftur til Føroya. – Í Danmark lærdi eg til køksassistent og síðan til økonomu. Eftir at eg var vorðin útbúgvin, var eg við til at lata eitt pleygaheim upp, og har arbeiddi eg í eini tvey ár. Ein av mínum vinkonum í Danmark hevði saman við manninum eitt fitness­sentur, og her fekk eg longu í byrjanini av tíðini í Danmark áhuga fyri hesum og hjálpti teimum í vikuskiftinum. Tá Jana sum 24 ára gomul kom heimaftur til Føroya í byrjanini av 1986, hevði Tummas Ørv Form & Figur í Djóna í Geilsgøtu í Havn. – Eg fór beint til Tummas og spurdi um arbeiði. Um kvøldið ringdi hann aftur og spurdi, um eg kundi byrja beinanvegin – og so var leyst og liðugt, og eg fór at arbeiða í Form & Figur. Hon sigur, at Tummas Ørv skjótt broytti navnið á venjingarstøðini til Fragd & Fimi, tí tað var so dýrt bara at brúka navnið Form & Figur, ið var eitt danskt ketunavn. – Miðskeiðis í nítiárunum keypti pápi mín, Joen Pauli, Fragd & Fimi, og tað er framvegis hann, sum eigur bygningin, har Faroe Fitness er. Jana sigur, at tá pápi hennara keypti venj­ ing ar miðstøðina, helt alt fram, sum framm­ an undan, og viðskiftafólkini merktu einki til eigara skiftið. – Eg havi soleiðis arbeitt í hesum hølunum heilt síðan 1986. Tey nógvu fyrstu árini vóru tað mest mannfólk, sum komu at venja styrki­ venjingar. Eg trúgvi, at eini 95% av viðskifta­ fólkunum vóru mannfólk. Tá var ikki so vanligt, at konufólk vandu, og hættaði tú tær at venja, spurdu fólk kanska, um tú ætlaði tær at fáa mann fólkakropp. Men hóast Jana hevur fingist við fitness tað mesta av 30 árum, og sjálv hevur vant nógv, hevur hon ongan mannfólkakropp, men at síggja til ein snøggan kvinnukropp. Tá Jana hyggur aftur yvir og hugsar um prísstøðið, ið var tá og tað støði, sum er í dag, kostaði tað næstan líka nógv í krónum og oyrum at venja fyri 20 árum síðan, sum tað kostar í dag. – Í dag eru umstøðurnar nógv betri, og venjingaramboðini kunnu slett ikki saman­ berast. Uppi í prísinum í dag er eisini møguleiki til brúsubað. Tí fáa fólk so nógv meiri fyri peningin í dag, enn tey gjørdu tá, leggur hon aftrat. Lítil steðgur Stutt fyri ólavsøku í 2007 læt Fragd & Fimi aftur, og í tíðarskeiðnum fram til 1. september í 2010, tá hon og beiggi hennara lótu Faroe Fitness upp, arbeiddi Jana eitt nú í klædnahandli í SMS, eins og hon hevur selt vørur fyri LR í fleiri ár. Í dag hevur hon LR vørurnar í hølunum, har hon kortini er meginpartin av degnum – og til langt út á kvøldarnar. – Eg elski mítt arbeiði, og hóast dagarnir í vikuni viðhvørt gerast einar 15­16 tímar langir, føli eg ikki, at mítt arbeiði er stressandi. Í viku­ skiftinum eru arbeiðstímarnir nakrir færri, sigur hon. Aftrat sær til hjálpar í Faroe Fitness hevur hon útbúnan instruktør til fitness og instruktør at taka sær av sumba, ið er vorðið so aktuelt í dag. – Sjálv havi eg verið á óteljandi skeiðum um fitness, eins og eg havi lisið ein hóp um fysiologi og anatomi. Aftrat hesum eri eg útbúgvin økonoma og kann hjálpa fólki við vegleiðing um kost og leggja kostætlanir, sigur Jana Ejdesgaard Thomsen. Tá hon byrjaði, var hon blaðung. nú er hon 48 og hevur saman við bróðuri sínum gjørt íløgur á 2 miljónir krónur í Faroe Fitness. – eg elski míTT arbeiði, og hóasT dagarnir viðhvørT gerasT einar 15-16 tímar langir, føli eg ikki, aT míTT arbeiði er stressandi, sigur jana ejdesgaard thomsen Fitness er hennara lív tIl arbeIðIs lagt tIl rættIs: Vilmund jacobsen Fakta Navn: Jana Ejdesgaard Thomsen Starv: Fitnesinstruktør Besta við starvinum: At møta nøgdum kundum Ringasta við starvinum: Mær dámar tað bara… Starvstíð: September 2010 Starvsfólk: Eg, pluss hjálparfólk Staður: Djóna í Geilsgøta 5 Leiðari: Jana Ejdesgaard Thomsen mynd: jens krisTian vang