týsdagur 26. februar 2002síða 14

Nr. 39 - 26. februar 2002 27 Tvørágentur staðfestu føroyameistaraheitið við at vinna ein tryggan 3-0 sigur móti Fleyr í Gunda- dalshøllini leygardag- in. Mjølnir vinnur silvur, men spurning- urin um bronsuna stendur enn ósvar- aður FLOGBÓLTUR Emil Lisberg Jacobsen Í 1987 bleiv TB føroya- meistari í fótbólti. Tá mundi neyvan nakar gruna, at tað skuldu ganga heili 15 ár, áðrenn eitt lið av Tvør- oyri aftur skuldi gerast før- oyameistari. Og enn minni kundi nakar gita, at tað næsta føroyameistaraheitið skuldi koma í kvinnuflog- bólti. Men leygardagin hendi tað so, at kvinnurnar hjá TB – í 1987 vóru tær flestu av teimum enn ikki farnar at ganga í skúla – vunnu før- oyameistaraheitið, og tað er fyrstu ferð nakrantíð, at TB hevur verið føroyameistari í flogbólti. Hetta varð veruleiki, eftir at liðið vann 3-0 móti Fleyr í Gundadalshøllini. Mjølnir kann enn taka TB aftur í stigum, men tær fáa einki gjørt við settmunin, og tí er kappingin avgjørd, hóast bæði liðini enn hava tveir dystir eftir at leika. Fleyr hevur ligið niðast meginpartin av kappingini, og tað varð ikki roknað við, at tær fóru at gera nakað serligt við TB-liðið. Og Fleyr fekk eisini kærleikan at kenna frá nýklaktu steypavinnarunum. 25-13, 25-22 og 25-12 er ein sera tryggur 3-0 sigur, og tá seinasti bólturin varð vunn- in, kundu TB-kvinnurnar annað vikuskiftið á rað fegnast um gull. Fyrst var tað steypafinalan, og nú var tað so landskappingin. Málið er rokkið Tað sum hendi leygardagin, var bara staðfestingin av tí, sum leingi hevur ligið í luftini. Heilt frá byrjan setti TB seg á oddasessin, og tær sleptu honum ongantíð aftur. Tær snávaðu á heima- vølli móti Mjølni í grund- spælinum, men síðani tá hava tær bara hugt fram- eftir, og avgerðin fall í roynd og veru longu fyri einum mánaði síðani, tá tær vunnu heima móti Mjølni í endaspælinum. Venjarin Virgar Djurhuus sigur, at tað sjálvandi kenn- ist sera væl, nú liðið hevur vunnið bæði steypafinal- una og meistaradeildina. Hetta er tað, sum felagið setti sær fyri áðrenn kapp- ingin byrjaði, og sigast má, at tað hevur gingið uppá stás. –Vit fingu tveir góðar út- lendskar leikarar afturat okkum, og vit vóru ikki bil- sin av at fáa eina so góða byrjan uppá kappingina. Men eg má siga, at eg var eitt sindur meira ivasamur, eftir at vit mistu venjaran og annan leikaran stutt inni í kappingini, sigur Virgar, sum sjálvur yvirtók venj- ingina aftaná at italski venj- arin fór av landinum. Hann heldur, at útlend- sku leikararnir høvdu stór- an týdning í byrjanini av kappingini, men at teirra týdningur minkaði í seinnu helvt, tá hinir leikararnir tóku størri ábyrgd. –Tær eru sera ungar, men tær hava spælt saman síðani tær vóru um sjey ára aldur, og tað er ein av høvuðsor- søkunum til, at tað hevur gingið so væl sum tað hev- ur. Tær semjast væl, ikki bert á vøllinum, men eisini uttanfyri vøllin, og tað hev- ur týdning. Og tá vit so eis- ini fingu Gudrid Nolsøe við til teir seinastu dystirnar, var tað bara prikkurin yvir I´ið, sigur Virgar Djurhuus. Áhugin fyri liðnum hevur verið stórur á Tvøroyri, ser- liga í seinastuni, nú meist- araheitið er komið nærri og nærri. –Tað merkist, at fólk her eru sera glað um, at tað gongur so væl. Og tað er ikki bara á Tvøroyri, men í allari oynni, sigur Virgar, sum sjálvandi vónar, at hetta fer at økja enn meir um áhugan fyri flogbólti á staðnum. Í Suðuroynni er tað blivið til tað, at kvinnurnar á Tvøroyri leika flogbólt, meðan kvinnurnar í Vági leika hondbólt. Mansflog- bóltur er hinvegin eingin í Suðuroy, men TB hevur yngri lið í dreingjadeildu- num, sum um nøkur ár kanska fara at taka táttin upp eftir kvinnunum. Vit fara her at ynskja TB og suðuroyingum hjartaliga tillukku við meistaraheiti- num og við »greipuni«. Sjáldsamur sigur til Fleyr Áðrenn hetta vikuskiftið var Mjølnir einasta liðið, sum hevði nakran møgu- leika at køva meistaravónir- nar hjá TB, men tann møguleikin var ikki serliga stórur. Men mjølnirkvinn- urnar gjørdi sítt leygardag- in við at vinna 3-1 móti Drátti í Klaksvík. Tvey tey fyrstu settini vann Mjølnir rættiliga lætt 25-12 og 25- 17, men í triðja setti gjørdi Dráttur so ein vørr og vann 25-20. Men so setti Mjølnir alt upp á pláss í fjórða setti við at vinna 25-8. Annað árið á rað vinnur Mjølnir silvur, meðan Dráttur, sum vann gull í fjør, nú roynir eftir bronsuni. Hesar royndirnar fingu tó eitt skot fyri bógvin sunnu- dagin, tá drátturkvinnurnar á heimavølli snávaðu móti Fleyr. Fleyr vann nevniliga tann dystin 3-2, og nú er tað knappliga ÍF, sum hevur bestu møguleikarnar fyri at enda á triðja plássinum. Dráttur — Marina Popovic sat uttanfyri við skaða — vann annars fyrsta sett móti Fleyr við heili 25-12, men so skiftust liðini um at vinna settini upp til 2-2. Í síðsta og avgerandi setti- num vann Fleyr 15-8, og var hetta fyrsti sigur hjá fleyrkvinnunum síðani 22. desember, tá tær í fyrsta dystinum í endaspælinum vunnu 3-1 móti ÍF. Altso ein kærkomin og heldur sjáldsamur sigur til Fleyr, sum enn kann koma upp um Drátt á stigatalvuni. Men til tað krevst, at Fleyr vinnur móti Mjølni, sam- stundis sum Dráttur tapir móti ÍF. Spádómurin hjá okkum um, at júst dysturin millum Drátt og ÍF verður avgerandi fyri bronsuna, sær enn út til at halda. ÍF kann tryggja sær bronsu- merkini, um tær vinna móti TB komandi vikuskifti, men tað er lítið sannlíkt. Tí eftir hvat skilst, so ætlar TB sær at vinna teir báðar írest- andi dystirnar, sjálvt um tað ikki er neyðugt hjá teimum. Úrslitini um vikuskiftið: Fleyr-TB 0-3 (13-25, 22-25, 12-25) Mjølnir-Dráttur 3-1 (25-12, 25-17, 20-25, 25-8) Dráttur-Fleyr 2-3 (25-12, 23-25, 25-19, 20- 25, 8-15) Dystir eftir: 3. Mjølnir-TB 6. TB-ÍF 9. Fleyr-Mjølnir 09.03. Dráttur-ÍF Nú er TB eisini føroyameistari Fyri fyrstu ferð nakrantíð er TB nú føroyameistari í bestu flogbóltsdeildini. Hetta gjørdist veruleiki, tá tær vunnu útidystin ímóti Fleyr Mynd: Álvur Haraldsen Fagnaðurin var sjálvandi øgiligur, tá dysturin var liðugur, og skríggj, klemm og annað, sum hartil hoyrir, vórðu sett á skránna Mynd: Álvur Haraldsen Mjølnir greiddu sína skyldu við at vinna á Drátti, men hetta munaði tó lítið Mynd: SáH 27 26 Nr. 39 - 26. februar 2002 Nýggi fótbóltsboss- urin í Føroyum, Dánjal Andreasen, hevur stórar ætlanir. Innanhýsir vil hann hava sambandið at rigga betri, og so hevur hann eisini ein dreym um, at føroy- ingar í framtíðini eisini kunnu spæla fótbólt um veturin FÓTBÓLTSTOS Jákup Mørk - Og soleiðis skiftu teir Torleif Sigurðsson út eftir einum minutti – ella einum hálvum. Soleiðis tók orðstýrarin á aðalfundinum hjá FSF, Jógvan Arge, heldur skemt- andi til, tá Dánjal Andrea- sen uttan atkvøðugreiðslu varð kosin at vera nýggjur formaður í Fótbóltssam- bandi Føroya leygardagin. Hóast hetta gekk bæði skjótt, væl og lætt fyri seg, so er tað neyvan nøkur løtt uppgáva, sum nýggi for- maðurin hevur fingið, nú hann skal stjórna fótbólt- inum í Føroyum komandi tvey árini, og kanska nakað væl afturat. Skal ikki misskiljast Tað tykist heldur ikki, sum um nýggi formaðurin hevur roknað við eini serliga lættari uppgávu, og hesar seinastu mánaðirnar hevur hann eisini gjørt sær nakrar tankar um, hvussu hann kundi hugsað sær, at FSF varð rikið. Eitt, sum hevur verið nógv frammi hesa seinastu vikuna, er, at Dánjal Andreasen í samrøðu við Útvarpið bar fram, at eftir hansara tykki átti sam- skiftið ímillum FSF og føroysku feløgini at betrast. Hetta er follið nógvum fyri bróstið, og spurnartekin hava verið sett við, hvat nýggi formaðurin hevur meint við hesum. Leggur hann eftir fráfarandi for- manninum fyri væntandi samskifti, ella leggur hann eftir nevndini, har hann sjálvur hevur verið virkin í 15 ár? Vit hava sett nýggja formanninum spurningin. - Nei. Ætlanin hjá mær við hasum úttalilsinum hevur ongan tíð verið at lagt eftir Torleif. Vit hava ígjøgnum nógv ár havt eitt gott samstarv, og eg havi onga sum helst orsøk til at leggja eftir fráfarandi for- manninum, er fyrsta stað- festingin hjá Dánjali Andreasen um hetta. - Tað er bara soleiðis, at seinastu tíðina hevur onkun tíð verið graml at hoyrt um, at samskiftið ikki hevur verið nóg gott. Er tað veru- liga soleiðis, so mugu vit hyggja eftir, hvat vit kunnu betra í hesum sambandi, og sum so skal hetta ikki skiljast øðrvísi enn tað sama. - Tað var í hesum sam- bandi, at eg nevndi, at ein møguleiki kundi verið ein árligur fundur við for- menninar í feløgunum, har vit viðgjørdu teir lutir, sum nú vóru uppi í tíðini. Hetta er framvegis ein loysn, sum eg gangi inn fyri, og tað er so eisini ætlanin hjá mær, at slíkri fundir skulu vera fastir tættir framyvir, sigur Dánjal Andreasen. - Tað eigur jú ongan tíð at vera soleiðis, at feløgini ikki kunnu til FSF við kri- tikki. Nakað sum feløgini annars hava tókst at verið bangin um, tí hetta møgu- liga kundi skaða tey í aðrar mátar. Tað er jú soleiðis, at tað eru feløgini, sum eiga FSF. Vit eru her fyri at umboða feløgini og ikki sum ein mótpartur. - Tað, sum eg segði um samskiftið millum feløgini og FSF, skal endiliga ikki misskiljast, og lat meg enn eina ferð sláa fast, at tað er fullkomuliga burturvið, at eg skal leggja eftir nøkrum í hesum sambandi, sigur Dánjal Andreasen. Spurdur, hvørt tað eisini eru aðrir lutir, sum hann hevur ætlanir um at broyta innanhýsis í FSF, heldur Dánjal, at kanska er tørvur á onkrum broytingum í nevndararbeiðinum. - Eitt nú hava vit hoyrt uttanífrá, at feløg hava verið misnøgd við arbeiðið hjá kappingarnevndini í fjør, og er tað so, so skal hetta betrast, men hetta hongur so eisini saman við tí, sum eg havi nevnt um samskiftið. Tórsvøllur Eitt av teimum málum, sum í løtuni tykjast sera aktuel, er liðugtgerðin av bygning- inum við Tórsvøll. Ein bygning, sum FSF higartil hevur nýtt sjey milliónir til, og sum eftir ætlan fer at kosta sambandinum aðrar tvær milliónir. Hvørja áskoðan hevur nýggir for- maðurin hesum viðvíkj- andi. - Her er mín fatan stórt sæð hin sama, sum hjá fráfarandi formanninum. Vit hava sum er nýtt sjey milliónir, og skal nytta fáast úr hesum, má bygningurin gerast liðugur. - Eg kann leggja afturat, at tær báðar milliónirnar, sum aðalfundurin nú hevur givið heimild at nýta, eru maksimum fyri, hvat hetta kann kosta FSF. Mær hevði sjálvandi dámt best, um vit á komandi aðalfundi kundu víst á, at vit einki høvdu nýtt av hesum, men tað fáa vit at síggja. - Sum sagt, so meti eg tó, at vit eiga at fáa gjørt bygningin lidnan. Málið skal loysast, so Tórsvøllur kann fáa endaliga góð- kenning, og skilnaður eigur at gerast millum húsið, sum FSF skal eiga, og vøllin. Skulu hava fótbóltshøll Aloftast er tað so, at nýggir leiðarar koma við nýggjum ætlanum, og soleiðis er eisini við Dánjal Andrea- sen. Tí tá vit at enda spyrja hann, hvørt hann hevur nakrar ítøkjuligar ætlanir fyri, hvat næsta stigið hjá føroyskum fótbólti er, er hann skjótur at svara. - Tað er neyðugt hjá føroyskum fótbólti at vit fáa eina fótbóltshøll. Skal ein framhaldandi menning vera, er neyðugt, at vit eisini fáa spælt um veturin. Hetta er ikki nakað, sum hevur verið umrøtt á fundum hjá FSF áður, men kortini tykist nýggir for- maðurin ikki at halda, at hetta er nakað, sum liggur alt ov langt frammi í tíðini. - Nú dugi eg ikki at siga, akkurát, hvar ellla hvussu ein slík høll skuldi verið gjørd, men tað er av stórum týdningi at hon kemur, og at hon liggur soleiðis fyri, at so stórur partur sum gjørligt av landinum fær gleði av henni. Ein møgu- leiki kundi kanska verið at innilokað vøllin á Toftum. Um fíggingina av slíkum vølli, sigur formaðurin, at UEFA letur stuðul til slíkar ætlanir, so talan verður als ikki um eina íløgu upp á tíggjutals milliónir, sum Fótbóltssambandið skal gera, sigur hann. Um stutta tíð skulu før- oyingar annars til Íslands, har ein slík høll skal takast í nýtslu. Sjálvur hevur Dánjal í drúgt áramál verið limur í landsliðsnevndini hjá FSF, og hann útilokar ikki, at hann verður við á hesi ferðin. - Tað kann væl vera, men vit hava eisini áður spælt í slíkari høll. Bæði í Finn- landi og í Svøríki varð dyst- ur leiktur innandura. Talan var um graslíkisvøllir við sandi í, sum væntandi verða góðkendir av UEFA, og tað riggaði heilt væl. - Mín vón er so tann, at slíkir dystir eisini verað gjørligir um ikki so langa tíð her hjá okkum, sigur nýggi føroyski fótbólts- bossurin at enda. Nýggi bossurin Dánjal Andreasen 48 ára gamal leirvíkingur Útbúgvin maskinmeistari Giftur Hannu, og saman hava eiga tey trý børn. Jørgin, Berint og Edith Nevndarlimur í FSF í 15 ár. Øll árini sum limur í fíggjarnevndini og 12 ár sum formaður í kapingarnevndini. Dreymurin er ein fótbóltshøll - Tað, sum eg segði um samskiftið millum feløgini og FSF, skal endiliga ikki misskiljast, og tað er fullkomuliga burturvið, at eg skal leggja eftir nøkrum í hesum sambandi, sigur Dánjal Andreasen Mynd: Álvur Haraldsen C M Y K 26