mikudagur 9. februar 2011síða 34

Mikudagur 9. februar 2011 · Nr. 17 34 Sosialurin Ítróttur Hilmar Jan Hansen Steypafinalan hjá kvinnunum hesa ferð verður millum Stjørnuna og Tjaldur, og hana eru Karstin og Kristian Joensen settir at døma. Hetta er ein endurtøka av finaluni fyri tveimum árum síðani, tá Stjørnan vann á Tjaldri við tveim­ um málum, 25­23. Annars er talan um tvey ymisk mótstøðulið, um hugt verður at steypahagtølunum síðani 1987, tí meðan Tjaldur bara fyri aðru ferð er í finaluni, er hetta tann tólvta hjá Stjørnuni – og tann áttanda á rað. Stjørnan hevur somuleiðis vunnið steypafinaluna síðstu fýra árini, so klaksvíkskvinnur mugu helst liva við, at tær hava leiklutin sum favorittar leygardagin. Gjøgnum árini er Neistin annars mest vinnandi steypaliðið hjá kvinn um, tí Neistin hevur vunnið steypa finaluna 11 ferðir. Stjørnan kemur so við sínum seks sigrum framman fyri VÍF við trimum, VB við tveim um og Skála og Kyndil, ið hava vunnið hvør sína ferð. Ólíkar royndir Hjá monnunum er steypafinalan hesa ferð millum Neistan og KÍF, og her verður tað altjóða dómaraparið, Andreas F. Hansen og Eyðun Samuelsen, ið skal døma. KÍF hevur bara eina ferð verið í finaluni afturi í 1986, tá tað gjørdist ein tepur 23­24 ósigur fyri Kyndli, meðan Neistin hevur munandi størri royndir. Síðani fyrstu steypafinaluna hjá monn um í 1985, hevur Neistin verið við í teimum níggju, so hetta er tíggjunda finalan hjá teimum bláu, ið millum annað hava verið í tveimum teimum síðstu, ið báðar eru endaðar við sigri á grannunum úr Kyndli. So eisini í mansfinaluni er talan um tvey lið, ið hava rættiliga ólíkar royndir í steypakappingini. Stóri gullslúkurin í steypafinal­ unum hjá monnum, hevur verið Kyndil, ið hevur vunnið níggju ferðir. So koma VÍF og StÍF við seks sigrum, og Neistin hevur vunnið fýra ferðir og H71 eina ferð. hilmarjan@sosialurin.fo Roynd og óroynd steypalið Hondbóltur Stjørnan og Neistin hava ofta verið í steypafinalunum hjá ávikavist kvinnum og monnum, meðan hetta bara er aðru ferð, at kvinnurnar hjá Tjaldri og menninir hjá KÍF eru í finaluni ólÍKAr roYndIr Í steypafinalunum hjá kvinnum og monnum er talan um lið við ólíkum royndum, ið møtast. Stjørnan (myndin) og Neistin hava nógv oftari verið í steypafinaluni enn ávikavist Tjaldur og KÍF Mynd: Álvur Haraldsen Hilmar Jan Hansen Eru steypafinalurnar hjá teimum vaksnu leygardagin nakað, ið savnar fólk, so standa tær hjá teimum yngru sunnudagin einki aftanfyri. Í fjør vísti tað seg enntá, at tann fyrsta steypafinalan sunnudagin, sum var hjá gentum 10 ár, hevði fleiri áskoðarar enn kvinnufinalan dagin fyri! Børnini eru sera spent til sunnudagin, tá tey ikki bara sleppa at spæla ein avgerandi dyst framman fyri nógvum áskoðarum, men eisini sleppa at spæla á altjóða hondbóltsgólvinum, sum verður liggjandi frá finalunum dagin fyri, so karmarnir eru teir bestu um barnafinalurnar eisini. Finalurnar hjá teimum yngru eru 10 í tali, og tey feløgini, ið ganga oftast aftur, eru tey bæði stóru høvuðsstaðarfeløgini, Kyndil og Neistin, sum eiga seks lið hvørt, umframt at H71 hevur tvey lið í finalunum. VÍF og Tjaldur hava eisini tvey lið í part, og so hava Stjørnan og KÍF hvør sítt. Dystirnir, ið gjørdu av, hvørji lið skuldu koma í steypafinalurnar, vóru leygardagin, tá liðini kundu spæla seg heilt fram í hálvfinalurnar. Vinnararnir har komu so í steypafinalurnar, sum verða nú sunnudagin, meðan tapandi liðini í hálvfinalunum spældu bronsudyst beinanvegin, so tey triðbestu liðini í hvørjum bólki longu tá fingu síni bronsuheiðursmerki. Nú er so bara eftir at fáa upp á pláss, hvørji lið skulu hava gull­ og silvurheiðursmerki, og óivað fer høllin á Hálsi at kóka hesar tímarnar seinnapartin sunnudagin, tá foreldur, systkin, ommur, abbar og onnur fara at seta sín dám á tær 10 finalurnar. Hondbóltur Havnin eigur ikki færri enn 14 av 20 liðum í steypafinalunum hjá teimum yngru, sum verða spældar á Hálsi sunnudagin Stóri steypadagurin Hilmar Jan Hansen Kappingarnevndin hevði fund seinnapartin í gjár, har kær­ an hjá Tjaldri um dystin ímóti VB leygardagin varð viðgjørd. Niðurstøðan var, at kappingar­ nevndin vísir kæruni frá sær. Millum annað vísir kapp­ ingar nevndin á, at video upp­ tøkur ikki kunnu takast við í mótmælis við gerð um, umframt at tað heldur ikki ber til at kæra metingar hjá dómarunum undir dysti. Eisini vísir kappingar­ nevndin á, at dysturin mill um mansliðini hjá VÍF og Neist­ anum, sum Tjaldur vísti til í kæruni, ikki kann brúkast, tí í tí før inum var talan um brot á regl urnar, men at so er ikki í hesum førinum. – Vit kæra málið víðari og senda longu í dag kappingar­ nevndini eitt svarskriv, har vit vísa á, at vit avgjørt halda, at tað, vit frammanundan hava kært, er brot á reglurnar, sigur næstformaðurin í Tjaldri, Niels Peter Bech. – Vit meta, at dómararnir gjørdu brot á spælireglurnir í tveimum førum. Í fyrsta lagi, tá teir ikki syrgdu fyri, at VB tók fríkastið á tí staðnum, har dómurin fall, og í øðrum lagi, at teir ikki vístu VB­spælarunum út um tríggjar metrar, tá frí­ kastið skuldi takast. Tjaldur vísir í sínum svar­ skrivi á, at av tí at kæran so­ leiðis fevnir um brot á spæli­ regl urnar, eigur hon ikki at verða viðgjørd afturvíst, men viðgjørd. – Vit hava fullan rætt at kæra hetta, sigur Niels Peter Bech. Kæran hjá Tjaldri avvíst Hondbóltur Á fundi í gjár gjørdi kappingarnevndin hjá Hondbóltssambandinum av at vísa kæruni frá Tjaldri um VB- dystin frá sær. – Vit fara víðari við málinum, sigur Niels Peter Bech, næstformaður í Tjaldri Steypafinalurnar Leygardagin kl.13.30 Stjørnan-Tjaldur . . . . . . . . . . . . . . . . kvinnur kl.16.00 Neistin-KÍF . . . . . . . . . . . . . . . . . . . . menn Sunnudagin kl.12.50 H71-VÍF . . . . . . . . . . . . . . . . . . . . gentur 10 kl.13.35 Neistin-Tjaldur . . . . . . . . . . . . . . . dreingir 10 kl.14.20 Neistin-Kyndil. . . . . . . . . . . . . . . . . gentur 12 kl.15.15 VÍF-Kyndil. . . . . . . . . . . . . . . . . . dreingir 12 kl.16.10 Neistin-Kyndil. . . . . . . . . . . . . . . . . gentur 14 kl.17.20 H71-Kyndil . . . . . . . . . . . . . . . . . dreingir 14 kl.18.30 Neistin-Kyndil. . . . . . . . . . . . . . . . . gentur 17 kl.19.45 Neistin-Kyndil. . . . . . . . . . . . . . . . dreingir 17 Mynd: Álvur Haraldsen