fríggjadagur 11. februar 2011síða 17

nr. 18 · 11. februar 2011 17 VIKUSKIFTI Innan eitt ár skulu føroyIngar aftur á val. Nýtt løgtIng skal veljast, og hørð kappIng verður um teir 33 tIngsessIrnar. vit hava spurt Nakrar polItIkarar, sum IkkI eru í løgtIngInum í løtunI, um teir ætla at stilla uppaftur og royna at gera comeback sum løgtIngslImIr come back? eg eri liðugur við politikk Signar á Brúnni tjóðveldi fyrrverandi løgtings- og landsstýrismaður Eg kundi ikki funnið upp á at stilla upp aftur til løgtingsval. Eg stórtrívist í arbeiðnum, sum eg havi nú, og tað kemur ikki upp á tal at fara upp í politikk aftur. Eg var politikari í næstan 35 ár, og tað var ein góð og spennandi tíð, men tað er farið aftur um nú. Eg eri liðugur við politikk. Nú eri eg skúlastjóri í Klaksvík, og tað dámar mær sera. Eg eri eldhugaður í arbeiðnum at menna skúlaskap í Klaksvík. Støðan í føroyskum politikki er verri, enn hon nakrantíð hevur verið. Sjálvsøkni er størri enn nakrantíð. Tað snýr seg bara um at koma fram, gera vart við seg, verða hoyrdur og sæddur. Og kanst tú markera teg ímóti tínum egna flokki, so er tað best. Tí er eingin struktueraður politikkur, og tað ringasta er, at tapararnir eru teir politikararnir, sum arbeiða seriøst í tí stilla og fáa úrslit burtur úr sínum arbeiði. løg mans- sessurin er undan- takið Kristian Magnussen javNaðarflokkuriN fyrrverandi løgtings- og landsstýrismaður Eg stilli ikki uppaftur. Lívið sum politikkari er ein farin tíð. Eg havi sæð skriftina á vegginum, tí eg misti um 80 prosent av atkvøðunum til seinasta val. Eg eri sosialráðgevi í Tórshavnar kommunu, og tað fer við mínari tíð. Einasta undantakið er, um tað stendur mær í boði at vera løgmaður. Eg siti framvegis í starvsnevndini í Javnaðarflokkinum, so eg eri framvegis aktivur í flokkinum, men eg verði ikki valevni hjá flokkinum aftur. eg eri politiskt óheftur Georg L. Petersen sambaNdsflokkuriN fyrrverandi valevni Nei, eg ætli mær so bestemt ikki at stilla uppaftur. Eg royndi meg á valinum í 2008, og eg fekk mín dóm. Undirtøkan var lítil, og tað staðfesti væl og virðiliga, at eg skal ikki vera politikkari. Eg starvist sum fjølmiðlamaður, og eg eri politiskt óheftur. Eg eri ikki limur í nøkrum politiskum flokki. Mín leiklutur í føroyskum politikki verður tískil sum fjølmiðlamaður í framtíðini. havi ikki tol at vera politikari Malan Johansen sjálvstýrisflokkuriN fyrrverandi valevni Eg eri ofta spurd, um eg havi hug at bjóða meg fram, men áhugin at royna meg sum politikari er ikki tann sami sum fyrr. Eg trívist væl í Virðisbrævamarknaði Føroya. Onkursvegna var tað meira lokkandi, tá eg stillaði upp í 2004. Eg havi umhugsað støðuna ofta, men eg havi fingið eina dóttur, og gerandisdagurin er broyttur. Eg veit ikki at siga, um støðan hevði verið ein onnur, um eg varð vald seinast. Eg eri av tí sannføring í dag, at eg havi ikki tol at vera politikari, so eg vil heldur gera mína ávirkan galdandi á annan hátt. So nei, eg fari ikki bjóða meg fram hesaferð. eg havi ikki tikið støðu Páll á Reyna­ túgvu tjóðveldi fyrrv. løgtingsmaður Satt at siga, so veit eg ikki, um eg ætli at bjóða meg fram. Eg havi ikki hugsað stórvegis um tað, og tískil ikki tikið støðu. Persónliga hevði eg eitt buldrasligt heyst, tá eg noyddist frá sum borgarstjóri á Sandi, og tað ávirkar sjálvsagt eisini familjuna. Tað eru fyrimunir og vansar við at vera politikari. Tað er serliga stuttligt og spennandi at hava ávirkan, tá tingini fara tann vegin, tú sjálvur heldur vera rætt. Men nú fáa vit at síggja. Eingin veit, nær løgtingsvalið verður, men eg taki støðu, tá tað nærkast.