mánadagur 14. februar 2011síða 23

23 Mánadagur 14. februar 2011 · Nr. 19 Sosialurin Ítróttarblaðið bara best Neistin – KÍF 30-25 (16-12) Dómarar: Eyðun Samuelsen og Andreas F. Hansen Neistin: David Edvardsen 10 (1), Sjúrður Thomassen 6, Finnur Hansson 4 (2), Heini Hanusarson 4, Jugoslav Djumic 3, Áki Mørk 2, Ingi Olsen 1, Rósing Rasmussen, Jón Ludvík, Jákup Apol Hentze, Kristian Dulavík, Heini Ragnarsson, Bartal Hansen og Ári Dam. Útvísingar: 3. Heini Hanusarsson (2) og Ingi Olsen (1) Venjari: Ingi Olsen KÍF: Andrias Nielsen 5, Agnar Joensen 4 (1), Ási Dam 3, Rúni Joensen 3, Arnbjørn Hansen 3, Teitur Joensen 2, Tony Weyhe 2, Gert Hansen 2, Regin Petersen 1, Niklas Reginsson, Jákup Trygvasson, Emil Dam. Útvísingar: 4. Gert Hansen (2), Teitur Joensen (1) og Agnar Joensen (1). Venjari: Jan Ottesen Uni Holm Johannesen Tað eru stórar broytingar í um­ búna í Kollafirði. Meðan Neistin var í finaluni triðja árið upp í slag, var tað fyri fyrstu ferð í 25 ár, at KÍF spældi steypafinalu. Besta myndin av, at KÍF hevur ikki somu steypa­ royndir sum Neistin, er ættar­ talvan hjá fýra av verandi spæl­ arunum á liðnum. Ási Dam, Emil Dam, Pætur Johannesen og Rúni Joensen, sum vóru á liðnum leygardagin, eru synir Jákup Dam, Kristian Martin Dam, Hannis Johannesen og Ragnar Joensen, sum vóru í 1986, tá KÍF tapti fyri Kyndil. Úrslitið var tá 23­24. Jan Ottesen er maðurin á brúnni. Hann hevur virknan leik­ lut í, at kollfirðingar aftur stevna móti tindinum. Hann hevur verið dukandi hjartað í stóra fram­ burðinum. Kollfirðingar høvdu mest sum grógvið seg fast ar í botninum, tá Jan Ottesen fekk sum uppgávu at varðveita vón­ ina í teimum, sum í roynd og veru áttu at vera vónleys. Koll­ firð ingarnir, sum mannaðu hans ara lið, skuldu ikki stíga út í sól ina og reypa av brøgdunum hjá fyrr verandi ættarliðunum. Í fjør var KÍF nummar trý í røðini í lands kappingini. Nærlagdur og skilagóður hevur hann skilt menn iskjasliga partin av venjara­ yrkinum, og eins og mynda høgg­ ari evnar standmynd til við at snýsa marmor burtur av marmor­ stabba, hevur hann fingið tað besta burtur úr sínum spælara­ tilfeingi. Jan Ottesen dregur fram, hvat teir kunnu læra av royndunum. – At spæla eina steypafinalu er ikki sum at spæla ein vanligan lands kappingardyst. Tað ræður um at hava nógvar royndir at vinna avgerandi dystir, har gull­ heiðurs merkini og heiður standa upp á spæl. Eg eri sjálvsagt vón­ brotin av tapinum, men vit hava lært eina rúgvu. Vit endaðu omaná í tøttu dystunum móti StÍF í hálvfinaluni, og vit hava fing ið nógvar royndir av at spæla steypafinaluna. Eg eri vónbrotin í dag, men sum heild eri eg errin, og hýrurin er góður, sigur Jan Ottesen. Teir vóru kul Agnar Joensen skifti úr VÍF til KÍF í fjør. Sum tann einasti í hópinum hjá kollfirðingum hesaferð, hevur hann spælt steypafinalur áður. Tað var við VÍF. Hann heldur, at tað er merktist serliga væl undan dystinum, at ungu kollfirðingar høvdu ikki roynt slíkar dystir áðrenn. Summir tóktist nervøsir, tí tað er trupult at handfara stóra trýstið og um­ røð una, sum er ein óloysiligur part ur av steypafinalum. Á vøllinum vóru hinvegin eing­ in fyrilit tikin fyri tí, heldur Agnar Joensen. – Allir vóru púra kul og spældu sum vanligt. Tað er sera um­ ráðandi at fáa slíkar royndir, tí fleiri tættir og avgerandi dystir bíða eftir okkum. Fleiri royndu hetta fyri fyrstu ferð nakrantíð í dag, og tað verður betri fyri hvørja ferð, sigur Agnar Joensen. Helst somu lið Tað er nógv sum bendir á, at Neistin skal spæla móti KÍF í finalunum um føroya meistara­ heitið. Neistin hevur longu tryggj­ að sær sæti, og kollfirðingar hava beina kós í finaluna. Heini Hanusarson úr Neist­ anum heldur ikki, at tað er stór­ vegis fyrimunir fyri teir í final­ unum um føroyameistara heitið at hava spælt steypafinal una móti júst KÍF. – Finalurnar um FM er tveir, kanska tríggir dystir. Útgangs­ støði til teir dystirnar er ikki tað sama. Eg veit ikki reiðiliga at siga, hvussu umráðandi tað er at spæla móti kollfirðingum í steypa finaluni fyri finalurnar um føroya meistaraheitið, tí støðan er ikki tann sama, vísir Heini Hanusarson á. Finnur Hansson tekur undir við liðfelaganum. – Tað haldi eg ikki, vit kunnu brúka til nakað. Tað eru fleiri dystir eftir, og nógv kann henda. Júst nú sær tað heldur ikki gott út hjá KÍF, sigur Finnur Hansson og sipar til, at kollfirðingar hava ikki vunnið í seinatu trimum roynd unum. Andrias Nielsen, sum var millum teir mest eyðsýndu hjá KÍF, sigur, at kollfirðingar lærdu eina rúgvu um vikuskiftið. – Hetta er tann fyrsta av nógv­ um finalum, lovar hann. uni@sosialurin.fo Teir lærdu eina rúgvu Hondbóltur Greiða niðurstøðan hjá Jan Ottesen, venjara, og Agnari Joensen er, at kollfirðingarnir lærdu eina rúgvu leygardagin. – Tað verður betri næstuferð, siga báðir