fríggjadagur 1. mars 2002síða 10

18 Nr. 42 - 1. mars 2002 Nr. 42 - 1. mars 2002 19 Tað er umráðandi við sterkum vinnulívi, sum kann bera rest- ina av virkseminum í kommununi uppi, sigur borgarstjórin í Eiðis Kommunu KOMMUNUTÍÐINDI Edvard Joensen Eiði: Tað er umráðandi framhaldandi at skapa góðar karmar hjá vinnulív- inum at virka í, sigur Tord- ur Niclasen, borgarstjóri í Eiðis Kommunu. Tí tað er jú frá hesi somu vinnu, at inntøkurnar hjá kommun- uni stava, sigur hann. Vinnan hevur givið væl í kommunukassan á Eiði seinnu árini, letur borgar- stjórin at. Tríggjar bygdir eru í Eiðis Kommunu. Eiði, við Ljósá og Svínáir. Men tað er á Eiði tær stóru ut- byggingarnar verða, og tað er eisini her, komandi útstykkingin í kommununi verður gjørd, sigur borgar- stjórin. 24 grundstykki er talan um. Um tær báðar smærru bygdirnar sigur hann, at har verða eisini ávís kommunal arbeiði gjørd í summar. Við Ljósá verður farið undir at breiðka vegin oman til lendingina, tí hann er ikki nóg tryggur at ferðast eftir, sum er. Í Svínáum treingir til at verða bøtt upp á kloakk- skipanina, og tað arbeiðið verður farið undir nakað skjótt, sigur Tordur Nicla- sen. Fíggjarkarmur Eiðis Kommuna hevur lagt fíggjarkarmin fyri árið í ár. Roknað verður við sløkum 14 milliónum í vanligari skattainntøku í ár, sigur borgarstjórin. Umframt kemur so partafelagsskattur og annað, so samlaða skattainntøkan er sett til at verða 15,8 milliónir krónur. Íløgukarmurin hjá Eiðis Kommunu er trengri, enn ynskiligt kundi verið. Hann er settur til 2,5 milliónir krónur. Men nakað fæst so gjørt fyri tann peningin kortini. Eitt nú skal fyllast út Suð- uri undir Gerði, har nýggja virkið, sum skal taka í móti sjúkum alislógvi, skal liggja. Umstøðurnar á havnar- lagnum skulu eisini betrast í aðrar mátar, sigur borg- arstjórin. Umstøðurnar á nýggja havnarlagnum innan fyri syðra grótkastið hava ikki verið nóg góðar. Myrkt hevur verið framvið, og atløgupláss mangla til smærru bátarnar. Ljós verða nú sett upp, so tryggari gerst at ferðast har. Men hvussu gerast skal við bátaplássini er enn ikki avgjørt. Tankar hava verið frammi um ymsar loysnir, men eingin avgerð er tikin. Hinvegin er greitt, at verandi flótibrúgv skal styrkjast, tí mett verður ikki, at hon klárar trýstið, sum er á henni, tá allir bátarnir, sum rógva út um várið, liggja við hana. – Alt kann tó ikki gerast í ár. Tí forðar íløgukarmurin fyri, sigur borgarstjórin. Men ytri á havnarlag- num, uttan fyri flakavirkið, stendur ein tóm høll, sum bygdarráðið fegið vil hava virksemi í. Arbeitt verður við ymsum møguleikum, sigur Tordur Niclasen, sum vónar, at okkurt fer at koma í gongd har nakað skjótt. Oman fyri nýggja havnarlagið, Uppi á Grind, er høgt berg, har fólk regluliga gongur. Trygdin har hevur ikki verið nóg góð, men tað verður bøtt munandi um tað nú. Har verður hegnað av allan vegin fram við klettinum. Av øðrum trygdartiltøk- um nevnir Tordur Niclasen vegbungur, sum lagdar eru í vegirnar fyri at økja ferðslutrygdina á Eiði. Skúli og útstykking Skúlaútbyggingin, sum gjørd varð saman við ítrótt- arhøllini, er við at vera komin undir land, sigur Tordur Niclasen. Umleið 700 fermetrar eru bygdir afturat. Talan er um ymsar serstovur, sum kravdar eru eftir nýggju skúlalógini. Eisini er ein aula gjørd í nyggja bygn- inginum, sigur hann. Arbeiðið upp á ítróttar- høllina hevur ligið stilt eina tíð, men verður nú tikið uppaftur. Har manglar ikki tað heilt stóra soleiðis, greiðir borgarstjórin frá. Settar eru tvær milliónir av til høllina í ár, og Tordur Niclasen roknar við, at hon verður liðug í hesum árinum. Tað fer at hjálpa væl upp á trivnaðin í bygdini, heldur hann. Annars er ymisk at taka til í frítíðini. Eiðis Bólt- felag hevur virkið felagslív. Kristiligar samkomur hava ymiskt at fara til, eins og kvøldskúli eisini er. – Og so eru tað vit gomlu, »motionistarnir«, sum brúka fimleikarhøllina í skúlanum til eitt nú badminton og tílíkt, greiðir borgarstjórin á Eiði frá. Eisini á Eiði er eftir- spurningur eftir grund- stykkjum, og kommunan hevur eisini ætlanir tann vegin. Uppi á Kollshjøllum, oman fyri Hotel Eiði, eru fýra stykki framvegis tøk. Men nýggj útstykking við 20 grundstykkjum er á- vegis Úti á Horni frá sving- inum beint uttan fyri ítróttarhøllina og út gjøg- num Gerði. Hóast fleiri fyrispurn- ingar og eisini onkur bein- leiðis umsókn er komin, er eingin avgerð tikin um, nær spakin verður settur í, sigur Tordur Niclasen, borgar- stjóri. – Samráðinganar við eig- ararnar skulu vera fyrst, og tær hava ikki verið enn, sigur hann. Umráðandi við sterkum vinnulívi Skúlin er liðugur, og ítróttarhøllin skal gerast liðug í ár. Síðan skulu eini 20 grundstykki fáast til vega vestan fyri ítróttarhøllina, sigur borgarstjórin í Eiðis kommunu Borgarstjórin i Eiðis Kommunu heldur tað vera positivt, at Sosial- urin letur upp redaktión í Eystur- oynni. Á tann hátt fer blaðið at koma nærri lesarunum, metir hann SOSIALURIN Í EYSTUROY Edvard Joensen Eiði: Tað fer ivaleyst at skapa meira áhuga fyri blaðnum, tá fólk sær, at farið verður út um høv- uðsstaðarøkið, sigur Tordur Niclasen, borgar- stjóri í Eiðis Kommunu. Eisini í norðara enda av Eysturoy fegnast kommunalpolitikarar um, at Sosialurin letur upp eina Eysturoyar- redaktión. – Tað skal undra meg, um vit ikki fara at merkja, at blaðið er komið nærri okkum, sigur Tordur Niclasen. Tað býr nógv fólk í Eysturoynni, og tey fara at kenna tað meira við- komandi, tá tey vita, at ein partur av blaðnum heldur til í teirra egna umhvørvi, væntar hann. So løgið tað ljóðar, sigur hann, so er tað ikki fyrr enn nú, blaðið flytir í Eysturoynna, at ein veruliga leggur merki til, at tað í grundini hevur manglað. Fólk hava mestsum vant seg við, at tað bara hevur verið í høvuðsstaðar- umráðnum, at alt blað- virksemið hevur verið. Tá fólk síggja, at blaðið hevur ómakað sær at koma til teirra, fara tey at kenna tað meira viðkomandi. Tað átti so aftur at gjørt, at tey ivaleyst fara at taka tað til sín, metir borgar- stjórin á Eiði. – At eitt blað flytir part av virkseminum higar, merkir samstund- is, at sjónarringurin verður víðkaður. Og tað eigur at skapa áhuga í fólkinum fyri tí, sum blaðið fer at fáast við, heldur hann. Positivt at fáa blaðið í oynna Tordur Niclasen, borgarstjóri í Eiðis Kommunu, metir tað at vera positivt, at Sosialurin letur upp í Eysturoy Mynd: Jens Kristian Vang Sjóvar Kommuna er við at stinga fram- tíðar býarætlan fyri Strendur út í kortið. Pláss skal vera fyri bæði barnagarði, ítróttarøki og eldra- býli, sigur borgar- stjórin KOMMUNUMÁL Edvard Joensen Strondum: Nýggj byggi- ætlan verður í hesum døgm gjørd á Strondum. Hon verður væntandi liðug fyri summarfrítíðina, sigur Eivind Jacobsen, borgar- stjóri í Sjóvar Kommunu. Alt skal takast við, sigur borgarstjórin. Frá barna- garðinum til hin endan, har eldrabýlið er. Og so alt tað, sum liggur í millum eisini. Bæði bústaður, frítíðarøki og vinnuøki. Hóast endalig støða ikki er tikin til, hvar útstykking skal vera, er greitt, at tað økið við Bygdarhúsið, sum í síni tíð varð slættað til ítróttarøki, eisini í komandi býarætlan skal brúkast til ítróttar- og frítíðarendamál. Endaliga er heldur ikki avgjørt, hvar barnagarðurin skal vera, men so mikið er hann komin áleiðis, at avtala er gjørd um at tekna hann, sigur borgarstjórin. Útstykking er neyðug, tí bert nøkur fá grundstykki eru eftir, og áhugin fyri at byggja á Strondum er vaksandi. So tað verður eitt tað fyrsta, sum gjørt verður. Eisini eldraøkið skal nakað gerast við, sigur Eivind Jacobsen. Ídnaðarøki vil Sjóvan Kommuna eisini hava. Tað er ætlanin at fáa innasta økið á Raktanga, tað, sum liggur næst vegum, til ídnaðarøki, sigur hann. – Trupulleikin har úti er bara tann, at økið er friðað, so har gerst einki, sum er. Men vit ætla at fáa frið- ingina broytta, sigur Eivind Jacobsen. Hvør nágreiniliga grundin til friðingina er, veit borgarstjórin ikki at siga. Har er eitt fiskastykki, sigur hann. Og so stendur eisini, at umráðið: ».....er af rekreativ værdi.« Hvat tað heilt nágreiniiga skal merkja, duga tey ikki at siga í dag, sigur Eivind Jacobsen, sum ongan iva letur vera um, at hann fegin vil hava friðingina broytta. Friðingin er eisini í vegin fyri útskifting, vísir hann á. Hóast økið har úti er um- leið 20 prosent av samlaða bønum á Strondum, vil eingin hava tað í eini útstykking. Júst tí tað er friðað. Borgarstjórin í Sjóvar Kommunu hevur eisini ætlanir longri fram í tíðina. Nógv longri fram. Hann droymir um ein undir- sjóvartunnil millum Strendur og Saltnes. — Tað ber væl til, sigur hann. Tað eru bara 800 metrar millum Langanes og Saltnes, so tað hindrar ikki. Men tað hevði gjørt tað nógv liviligari her við fjørðin, vísir hann á. Samstarv av ymsum slagi hevði verið meira, og fólk hevði havt nógv lættari at ferðast til arbeiðis alla- staðni kring fjørðin. Tað er ein langsiktað ætl- an, vísir Eivind Jacobsen á. Tí fyrst skal undirsjóvar- tunnil gerast til Norðoyar. Síðan skal tunnil gerast í Suðuroy millum Hov og Øravík. Ein skal gerast úr Gøtudali, sum skal koma út aftur Millum Fjarða, áðr- enn vit eiga tørn, ásannar Eivind Jacobsen. – Men tað er realistiskt at hugsa so, heldur hann. Bara arbeitt verður langsiktað, og málið regluliga verður tikið upp, fara fólk at venja seg við tankan og skilja, at tað ber til og at tað er skil í tí, er borgarstjórin í Sjóvar Kommunu ivaleysur í. Býarplanur er á veg á Strondum Tað er skilagott av Sosialinum at lata upp redaktión í Eysturoynni. Tað fer at gagna bæði blaðnum og vinnu- og handilslívinum í oynni, heldur borgarstjórin í Sjóvar Kommunu SOSIALURIN Í EYSTUROY Edvard Joensen Strondum: Tað verður vinningur fyri bæði Eysturoynna og Sosial- in, at redaktión verður latin upp í Eysturoy, heldur borgarstjórin í Sjóvar Kommunu. Tætt- ari samband millum blað og lesara kann bara gagna báðum pørtum, sigur hann. – Tað er greitt, at nærri tíðindamaðurin er okkum, betri verða vit lýst. Skjótari tað er at koma til tíðindini, skjót- ari verða tey skrivað, sigur Eivind Jacobsen, borgarstjóri í Sjóvar Kommunu, sum býður Sosialinum vælkom- num, nú hann flytur inn í Eysturoynna. Vit hava mangan hug at halda, at øll tíðindi koma úr Havn. Tað er partvís eisini rætt, sigur Eivind Jacobsen, sum ikki ivast í, at einfalda grundin er, at har eru tíðindastovurnar, og haðani verður arbeitt. Tá eitt blað skal skriv- ast, skal tað gerast skjótt, vísir hann á. Helst upp á ein fyrra- part. Og tá er skjótast at fara eftir tí, sum næst er. Tað vil í fleiri førum siga í og rundan um Havnina. Nú tíðindasktovan letur uppí Eysturoynni, fer at vera líka skjótt at koma til tey tíðindi, sum eru at fáa her, vísir hann á, og so verða tey eisini skrivað upp á hendan sama fyrrapartin og prentað seinnapartin. Soleiðis koma eisini tey lokalu tíðindini í press- una. Vit síggja heilt greitt, at har sum blaðfólkini dagliga eru, tykjast flestu tíðindini vera at frætta, sigur borgar- stjórin í Sjóvar Komm- unu. Tað kemur so aftur umráðnum til góðar. Tí hvørja ferð eitt stað verður nevnt í tíðinda- flutningi, minnast fólk til, at tað er har. Sam- stundis koma tey eisini í tankar um, at einhvør fyritøka, sum selur tað ella tað, eisini er har, og kanska skuldu vit roynt at fingið tað, vit mangl- aðu í seinastu viku, hað- ani. Upplýsingin um økið verður betri, og fólk fáa eina breiðari heildar- mynd. Uppfatanin av, at alt hendir á einum stað, fer at broytast, meira tíðindini verða spjadd úr landinum, heldur borg- arstjórin í Sjóvar Kommunu. Blaðnum kemur tað til góðar á tann hátt, at verður onkur lokalur nevndur, er heilt víst, at fleiri fólk fara at keypa blaðið fyri at síggja, hvat nú verður skrivað. – Tað eru í grundini tær smáu søgurnar, sum bera tíðindaflutningin, sigur Eivind Jacobsen. Tí stórtíðindini eru bara ein partur av samlaða tíðindaflutninginum, og tey eru í grundini rætti- liga sjáldsom, tá alt kemur til alt. Umráðandi við tøttum sambandi Eivind Jacobsen, borgarstjóri í Sjóvar Kommunu, hevur vón um, at einaferð verður undirsjóvarrtunnil undir Skálfirði millum Strendur og Saltnes –Tá blaðið kemur út í ymsu økini, veksur áhugin hjá vanliga lesaranum eisini, tí tíðindaflutningurin verður breiðari. Fleiri lesarar geva fleiri lýsarar, og á tann hátt vinnur blaðið íløgurnar aftur, sigur borgarstjórin í Sjóvar Kommunu, Eivind Jacobsen á Strondum Mynd: Edvard Joensen C M Y K 19 18