leygardagur 2. mars 2002síða 10

Nr. 43 • leygardagur • 2. mars 2002 • 76. árgangur • www.sosialurin.fo Kanska hava sigrarnir onkuntíð verið meira sannførandi og kanska hevur spælið til tíðir verið betri, men tað kann vera tað sama. Kvinnurnar hjá VÍF hava annað árið á rað ognað sær greipuna HONDBÓLTUR – KVINNUR Jákup Mørk Hetta varð staðfest, tá VÍF hóskvøldið vitjaði í Klaks- vík og vann fjórða sigurin av fýra møguligum á Stjørnuni hetta kappingar- árið. Venjarin var eftir Upptaktin til dystin kundi tó neyvan verið verri fyri oddaliðið. Nógvi kavin, sum hevur órógva bæði fólk og fæ og ikki minst hondbóltsdystir, gjørdi sítt til, at ferðin til Leirvíkar, haðani Dúgvan fór, gjørdist heldur strævnari enn van- ligt. Ein trafikkproppur við Hvalvík gjørdi, at leik- ararnir vórðu seinkaðar til Leirvíkar, og tó at skiparin á Dúgvuni bíðaði, so eydnaðist ikki at fáa venjaran, Jørleif Kúrberg, og strikuspælarar, Randi Kúrberg, við til Klaksvíkar í fyrstu syftu. Saman við fleiri øðrum vórðu tey aftur seinkaði undir Gøtueiði, so tey máttu bíða til næsta fart. Dragnaði fyri steðgin Fyrstu løtuna var eisini líkt til, at hetta órógvaði tað annars so stinna liðið úr Vestmanna. Í álopspartin- um bar millum lítið og einki til, og tó at tær stóðu væl í verjuni, so var tað Stjørnan, sum spakuliga dró frá hesa løtuna. Mun- urin var kanska ikki so stórur, men høvdu tær á heimaliðnum hildið høvdið eitt sindur kaldari hesa løtuna, og hevði málverjin hjá VÍF ikki verið Manuela Stan, so kundi leiðslan eisini verið størri, men tað varð so av ongum. Ístaðin tók VÍF seg spakuliga aftur, og tá so bæði Simona Dziugyte og Joan M. Joensen fóru út at hvíla sge, gjørdist heldur tunnligt hjá heimaliðnum. Ella var tað eisini tað, at nú var VÍF-venjarin loksins komin í høllina. Hvussu var og ikki, so gjørdi VÍF eitt veruligt hál seinastu løtuna undan steðginum, har 6-6 broyttist til 7-10 á mál- talvuni. Stórtap hótti Vendin hesa seinastu løtuni mundi uttan iva vera eitt gott sálarligt skump rætta vegin hjá VÍF, og fyrstu helvtina av seinna hálvleiki sást brádliga, hví tær hava verið so einaráðandi í før- oyskum kvinnuhondbólti hesi bæði seinnu árini. Tó at tær kanska gjørdu dekan ov nógv mistøk í álopsspælinum, so munaði hetta snøgt sagt einki hjá Stjørnuni. Verjan hjá VÍF var snøgt sagt átøk kin- verska múrinum hesa løt- una. Har var snøgt sagt eingin vón hjá heima- liðnum at spæla seg ígjøg- num, og so kundi VÍF veru- liga skrúva ferð á kontra- hondbóltin. Einfalt, effek- tivt og vakurt varð mótstøð- an hesa løtuna spæld niður og norð, og var tað ikki fyri bjargingarnar hjá Agnes í Stjørnu-málinum, so kundi talan verið um stórtap hjá Stjørnuni. Snaraði 180 stig Hetta hendi tó ikki. Ístaðin tók dysturin eina merkis- verda vend. Kanska helt VÍF, at gullið var heima. Kanska vóru tað nervar, sum brádliga gjørdu seg galdandi, ella kanska var tað reyða kortið til Randi Kúrberg, sum gjørdi, at VÍF misti takið. Sum so kann orsøkin gera tað sama, tí brádliga fekk Stjørnan ferð á. Tær megnaðu nú at spæla seg inn um VÍF verjuna fleiri ferðir á rað, og í verjuni trýstu tær ferð eftir ferð VÍF gera mistøk. Eina mest tí tær samstundis valdu at mansverja bæði Ioanu og Sóley. 7-15 var støðan, tá 16 minuttir vóru leiktir av seinna hálvleiki, men fýra minuttir fyri leiklok var munurin 14-16. Bjargingin hjá VÍF kom tó, tá Jacklin Durhuus vann sær brotskast í gjøgnum- brotsroynd. Hetta setti Ioana í netið, og so loysnaði aftur. Stjørnan misti trúnna uppá, at tað kundi bera til, og við enn tveimum málum eftir skjótálop kundi Nico- lina staðfesta. Ikki bara sigurin men eisini gull- merkini. Og tey eigur VÍF so væl og virðiliga uppi- borið. Tær hava alt árið verið besta liðið í landin- um, og talan skal verða um eina sensatión av teimum stóru, um stigaposin ikki verður so rokandi fullur, tá seinasti dysturin er leiktur. Tillukku VÍF! Dysturin í tølum Stjørnan-VÍF 14-19 (7-10) Málskjúttar: Stjørnan: Simona Dziugyte 4(2), Joan M. Joensen 3, Bára Skaale 2, Una Olsen 2, Andrijana Milodanovic 2(2), Anna Kristina Sam- son 1 VÍF: Ioana Rápa 6(3), Nicolina Eyðbjørnsdóttir 4, Jacklin Durhuus 3, Nico- leta Radu 3, Sóley Mikkel- sen 1, Fríða Marjunardóttir 1, Alis Høghamar 1 Brotskøst: Stjørnan 7, VÍF 3 Útvísingar: VÍF 2 Diskvalifikatión: VÍF 1 (Beinleiðis reytt) Dómarar úr Kyndli: Hannis Wardum & Eyðun Samuel- sen. Høvdu gott tamarhald á, hóast talan ofta gjørdist um nærdystir. Stjørnan-VÍF 14-19 (7-10): Greipan er heima VÍF eru greipuvinnarar. Hetta varð staðfest hóskvøldið, tá tær eisini vunnu fjórða landskappingardystin móti Stjørnuni Mynd: Álvur Haraldsen Tað var fyrst og fremst í krútsterku verjuni, at sigurin hjá VÍF varð grundlagdur Mynd: Álvur Haraldsen 19 18 Nr. 43 - 2. mars 2002 Tórbjørn Jacobsen viðgongur, at tað nyttar lítið at spyrja danskar ráðharrar um ríkisfelagsskapin og støðuna hjá Føroyum og Grøn- landi. — Men vit kunnu ikki gera annað enn spyrja og vísa á okkara støðu og sjónarmið, sigur føroyski fólkatings- maðurin TJÓÐSKAPARSTRÍÐ Magnus Dam Keypmannahavn Enn einaferð fór Tórbjørn Jacobsen sum av torvheið- um út úr Fólkatingssalin- um, eftir at hann hósdagin gjørdi enn eina roynd at vísa á, at ríkisfelagsskap- urin er alt annað enn ein felagsskapur við trimum javnsettum londum. Í síðstu viku var tað Anders Fogh Rasmussen, forsætisráðharri, sum var í hólmgongu við Tórbjørn Jacobsen, og hósdagin skuldi løgmálaráðharrin, Lene Espersen, svara spurningum frá føroyska fólkatingsmanninum. Tórbjørn Jacobsen royndi at vísa á, at tað er andsøgn millum veruleikan og grundlógina, sum sigur, at tað eru trý javnsett lond í danska ríkinum, Føroyar, Danmark og Grønland. Londini eru ikki javnsett, og tað er skeivt av stjórnini at tvíhalda um hetta. Hví verður hesin pástandurin endurtikin ferð aftaná ferð, spurdi Tórbjørn Jacobsen løgmálaráðharran. Tórbjørn Jacobsen vil vera við, at londini eru ikki líka, tá ið veruleikin er tann, at Føroyar og Grøn- land ikki sleppa at umsita ávís málsøki, so sum uttan- ríkis-, verju- og trygdar- politikkin hjá Føroyum og Grønlandi. Hesi málsøki verða umsitin í Danmark, og tí er skeivt at tosa um trý javnsett lond, vísti Tórbjørn Jacobsen á. Tórbjørn hevur misskilt Men Tórbjørn Jacobsen hevur misskilt eitthvørt, fekk hann at vita frá danska løgmálaráðharranum. At eitt nú verjupolitikk- urin verður umsitin í Verju- málaráðnum í Keypmanna- havn merkir ikki, at hann verður umsitin av einum myndugleika, sum er danskur burturav. Verju- málaráðið er ikki ein serligur danskur myndug- leiki, men ein ríkismyndug- leiki, sum er felags fyri all- ar tríggjar partarnar í ríkin- um. Landafrøðiliga liggur hann í Keypmannahavn, men talan er um ein ríkis- myndugleika, vísti løg- málaráðharrin á. - Fólkatingið er eisini ein ríkismyndugleiki, hóast tað liggur í Keypmannahavn, og Føroyar hava ávirkan á lóggávuna um verju-, trygdar- og uttanríkispoli- tikk við sínum umboðum í Fólkatinginum. Tí standi eg við, at Føroyar, Grønland og Danmark eru javnsettir partar í ríkinum, svaraði Lene Espersen. Fyri Tórbjørn Jacobsen er svarið ikki nøktandi, tí hann hevur eina aðra fatan av tingunum. Men hann hevði kortini ikki væntað sær annað svar frá ráðharr- anum. Sum gummi - Tú kemur ikki nærri, tá ið tú setur tílíkar spurningar. Tað er sum gummi — líkamikið hvønn spurning tú setur, ella hvussu tú setur hann, so kann svarið toyggjast, so ráðharrin ikki kemur at siga ov nógv. Tórbjørn Jacobsen royndi hósdagin at seta fleiri uppfylgjandi spurn- ingar, og tað sama gjørdi fólkatingsmaðurin Kjeld Albrecthsen úr Eindarlist- anum, sum vildi hava løg- málaráðharran at viðganga, at Føroyar og Grønland ikki hava somu rættindi í ríkin- um sum Danmark. Eitt nú fáa londini ikki innlit í tær verjuavtalur, sum Danmark hevur gjørt við USA, og sum viðvíkja bæði Føroy- um og Grønlandi. Men løgmálaráðharrin var hvørki til at høgga ella stinga í. Meira var ikki at siga, og Tórbjørn Jacobsen kundi ikki annað enn taka hetta til eftirtektar. Halda lív í - Hjá okkum, sum hava eina øðrvísi hugsan um støðuna enn stjórnin, er ikki annað at gera enn at spyrja meira og vísa á okk- ara støðu. Tað eru tey am- boðini vit hava sum fólka- tingslimir, og tey mugu vit brúka, sigur Tórbjørn Ja- cobsen. Hann er fullgreiður yvir, at hann neyvan nakrantíð fer at fáa ein danskan ráð- harra at taka undir við nógvum av sjónarmiðun- um, sum Tjóðveldisflokk- urin hevur, men heldur tað kortini vera týdningarmikið at halda lív í kjakinum. - Tá ið alt kemur til alt, so stendur og fellur endaliga avgerðin um framtíðar- støðu Føroya við viljanum hjá fólkinum. Tú fært ong- antíð stjórnina at viðganga nakað, sum inniber, at Danmark má lata nakað frá sær, staðfestir Tórbjørn Ja- cobsen. Sum at sláa í eina dýnu - Tá ið alt kemur til alt, so stendur og fellur endaliga avgerðin um framtíðarstøðu Føroya við viljanum hjá fólkinum. Tú fært ongantíð stjórnina at viðganga nakað, sum inniber, at Danmark má lata nakað frá sær, staðfestir Tórbjørn Jacobsen C M Y K 18 BERG MOTORS Staravegur 1-3 • Tel. 31 35 35 • Fax 31 77 35 BERG MOTORS Mazda 323 S 2,0 Diesel LX Gráur, 4 hurðar, 5 gear, Km.84.000, árg. 06/98 Mazda 323 F 1,5i GLX Grønur, 5 hurðar, 5 gear, Km.44.000, árg. 05/99 Renault Megane 1,4e Grønur, 5 hurðar, 5 gear, Km.34.000, árg. 08/98 94.000,- Renault Megane 1,4e Grønur, 5 hurðar, 5 gear, Km.58.000, árg. 04/97 120.000,- Renault Megane 1,6e Reyður, 5 hurðar, 5 gear, Km.60.000, árg. 12/96 80.000,- Mazda E2200 PanelVan Høgt tak Reyður, 5 hurðar, 5 gear, Km.110.000, árg. 05/97 75.000,- Mazda B2500 PlusCab SDX 4x4 Bláur, 2 hurðar, 5 gear, Km.35.000, árg. 02/00 140.000,- Peugeot Partner 1,9 TD Gráur, 4 hurðar, 5 gear, Km.71.000, árg. 03/00 110.000,- 90.000,- Mazda 323 S 1,5i LX Reyður, 4 hurðar, 5 gear, Km.68.000, árg. 05/97 Fiat Multipla 1,6 Gráur, 5 hurðar, 5 gear, km 39.000, árg. 01/00 138.000,- Ford Escort 1,8TD St.Car reyður, 5 hurðar, 5 gear, Km.50.000, árg. 08/97 110.000,- Mazda 929 S 2,2i GLX Bláur, 4 hurðar, 5 gear, Km.145.000, árg. 03/89 28.000,- Sýnaður 05/01 Sýnaður 02/00 Renault Megane 1,6e Sedan Beige, 5 hurðar, 5 gear, Km.60.000, árg. 12/96 80.000,- Honda Civic S 1,4 IS Hvítur, 4 hurðar, 5 gear, Km.76.000, árg. 12/98 98.000,- Sýnaður 04/02 Sýnaður 09/00 Sýnaður 09/00 105.000,- Mazda 323 S 1,3 LX Reyður, 4 hurðar, 5 gear, árg. 1987 10.000,- 120.000,- Mazda 323 S 2,0 Diesel LX Grønur, 4 hurðar, 5 gear, Km.84.000, árg. 01/98 90.000,- Volvo 440 GLT Reyður, 5 hurðar, 5 gear, Km.84.000, árg. 04/92 2 sett av dekkum á orginal felgum SERTILBOÐ 48.000,- Sýnaður 12/00 Sýnaður 02/01