mánadagur 21. mars 2011síða 22

Mánadagur 21. mars 2011 · Nr. 34 22 Sosialurin Ítróttarblaðið Hilmar Jan Hansen Sørvingar vistu longu fyri viku síðani, at hetta kappingarárið fór at geva bronsu, so tí høvdu teir ikki annað enn æruni at spæla fyri, tá teir í gjár vóru í Badmintonhøllini í Klaksvík og spældu ímóti monnunum hjá Mjølni, sum skulu spæla FM-finalur ímóti ÍF. Æran vísti seg tó at vera ríkiliga góð motivatión hjá SÍ, tí dysturin endaði við einum 3-1 sigri til gestirnar, eftir at Mjølnir annars hevði lagt fyri sum eitt óløgi og vunnið stórt í fyrsta setti. Tað bleiv bara til tað hjá klaksvíkingum hesa ferð, tí trý tey næstu settini vunnu sørvingarnir. Í fyrsta setti bar alt til hjá Mjølni, meðan SÍ hevði stórar trupulleikar hinu megin netið og eitt nú næstan ikki hevði eina líkinda móttøku. Men so skjótt sum tað var komið upp á pláss hjá SÍ, vendist ikki aftur, og restina av dystinum gekk alt við hjá sørvingum, meðan Mjølnir fekk lítið at rigga. Mjølnir hevði enntá allar møguleikar at vinna fjórða sett, tí heimaliðið var á odda bæði 10-1 og 19-13, men megnaði allíkavæl ikki at fara allan vegin, men tapti settið og har- við eisini dystin. Lítið man vera at ivast í, at menninir hjá Mjølni, sum fyrireika seg til FM-finalurnar ímóti ÍF, høvdu ætlað sær at vunnið dystin, men tá tað nú ikki læt seg gera, mundu teir onkra staðni vera takksamir fyri, at teir fingu harða mót- støðu, tí tað skulu teir nokk rokna við at fáa í finalunum eisini. hilmarjan@sosialurin.fo Hilmar Jan Hansen Dystirnir í Eik-liguni hjá kvinnum í gjár høvdu í veruleikanum bara ávirkan á, hvussu endaliga støð an skuldi gerast í toppinum á stiga- talvuni. Spurningurin var, um Fleyr ella Mjølnir skuldi enda ovast, tí vinn arin av landskappingini vann rættin til heimadyst í einum møgu- ligum triðja dysti, tá FM-finalurnar verða spældar. Fleyr var á vitjan í Trongisvági, og har eydnaðist havnarkvinnum at vinna. Og tá Fleyr undan dystinum var oddalið, gjørdist sigurin nóg mikið til at tryggja oddasessin og møguleikan fyri heimavølli, skuldi verið neyðugt við meira enn tveim- um finaludystum. Í dystinum ímóti TB, sum hevði Katrin Petersen við aftur eftir longri skaðasteðg, kom Fleyr klárt betur frá byrjan og tók tey bæði fyrstu settini rímiliga sannførandi. Men í triðja setti raknaði TB við og megnaði at vinna, hóast farast mátti upp um 25, áðrenn settið var komið til høldar. Hetta skakaði tó ikki Fleyr meira enn so, at í fjórða setti var yvirvágin aftur rímiliga klár, so tá TB eina ferð sá út til at koma í gongd, var tað longu ov seint. Fleyr, sum var uttan Guðrið Syderbø hesa ferð, dugdi væl at brúka høgu spælararnar í blokk- inum, so tað gjørdist meira enn trupult hjá TB at koma ordiliga ígjøgn um. Og í løtum var spælið hjá Fleyr so gott, at tað skuldi boða frá góðum undan finalunum ímóti Mjølni. SÍ skákaði Mjølnir Aftaná vísti tað seg, at sjálvt um Fleyr ikki skuldi havt vunnið, hevði tað allíkavæl rokkið til fyrsta- plássið, tí Mjølnir kláraði ikki sína upp gávu, tá SÍ var á vitjan í Bad- minton høllini í Klaksvík. Sostatt kundu SÍ-kvinnurnar enda árið við uppreistari pannu, hóast tær óivað eru vónbrotnar um, at tær ikki komu í finaluna. SÍ fekk eina góða byrjan og vann tvey tey fyrstu settini. Og hóast spælið hjá SÍ ikki alla tíðina var á toppinum, var tað nóg mikið til at taka hesi bæði settini, tí Mjølnir slapp slett ikki í gongd. Men í triðja og fjórða setti komu klaks- víkskvinnur langt um leingi fyri seg, og serliga í triðja setti spældu tær væl og fingu álopini at rigga. Sostatt mátti eitt fimta sett gera av, hvør skuldi vinna dystin, og nú var tað aftur SÍ, ið var omaná. Frá byrjan var SÍ eitt sindur frammanfyri og megnaði at halda munin, og sjálvt um Mjølnir hevði hug at nærkast ímóti endanum, vann SÍ síðsta og avgerandi bóltin í einum spennandi fimta setti, ið endaði 15-12. Sum onkur tók til, var tað kanska Mjølnir, ið vísti meira av álops spæli, men tað munaði bara ikki nóg mikið, tí SÍ vísti seg í verju- spælinum frá sínari allarbestu síðu og fekk øgiliga nógv uppaftur av gólvinum. Tann allarsíðsti dysturin í lands- kappingini hjá kvinnunum verður spældur á Toftum í kvøld klokkan 20, tá Ternan tekur ímóti Drátti. hilmarjan@sosialurin.fo Eik-ligan kvinnur nr. Lið Dystir Vunnið tapt Vunnin sett tapt sett munur stig 1 Fleyr 21 18 3 57 21 36 25 2 Mjølnir 21 17 4 57 17 40 22 3 SÍ 21 16 5 52 28 24 21 4 ÍF 21 12 9 42 35 7 16 5 TB 21 9 12 35 45 -10 11 6 Ternan 20 5 15 22 49 -27 7 7 KÍF 21 4 17 18 57 -39 5 8 Dráttur 20 2 18 25 56 -31 3 mjølnir - sÍ 2-3 (23-25, 21-25, 25-22, 25-15, 12-15) tB - Fleyr 1-3 (21-25, 22-25, 26-24, 17-25) ternan - Dráttur (í kvøld klokkan 20) Eik-ligan menn nr. Lið Dystir Vunnið tapt Vunnin sett tapt sett munur stig 1 ÍF 20 18 2 56 15 41 26 2 Mjølnir 20 12 8 42 31 11 17 3 SÍ 20 12 8 46 28 18 16 4 Fleyr 20 8 12 28 42 -14 11 5 TB 20 0 20 4 60 -56 0 mjølnir - sÍ 1-3 (25-10, 22-25, 19-25, 21-25) SÍ tók síðsta stikkið Mansflogbóltur Hóast menninir hjá Mjølni óivað vildu havt vunnið dystin ímóti SÍ, mundu teir onkrastaðni vera takksamir fyri, at teir fingu harða mótstøðu frá sørvingum, nú FM-final- ur nar ímóti ÍF standa fyri framman Fleyr fekk fyrstaplássið Kvinnuflogbóltur Av tí at SÍ-kvinnurnar bastu Mjølni í Klaksvík, kundi Fleyr við sigri á TB í Trongisvági varðveita oddasessin, nú stigatalvan skjótt endaliga kann gerast upp EinKi óKEYPis Kvinnurnar hjá Mjølni, sum longu eru finaluklárar, fingu einki ókeypis í síðsta dystinum frá SÍ, ið stríddi seg til sigurs í Klaksvík í gjár Savnsmynd: Álvur Haraldsen