mikudagur 13. apríl 2011síða 27

27 Mikudagur 13. apríl 2011 · Nr. 44 Sosialurin Les meira á www.banknordik.fo/starv Tekst- og samskiftisfólk til Marknaðardeildina Marknaðardeildin hevur ábyrgd av branding, marknaðarføring og samskifti í samtakinum, bæði innanlands og uttanlands. Vit sóknast nú eftir einum tekst- og samskiftisfólki til Marknaðardeildina, og kanska er tað júst tær, vit leita eftir. Starvið Sum tekst- og samskiftisfólk fært tú ábyrgd av at skriva og tillaga tekst til heimasíðu, intranet, tíðindi, faldarar, starvslýsingar, produktbløð og annað. Tú verður ein virkin viðspælari, tá umræður at orða og viðlíkahalda bankans strategi á samskiftisøkinum, herundir samskiftispolitikk og samskiftisstíl bæði innanhýsis og uttanhýsis. Eisini fært tú ábygd av at dagføra og áhaldandi menna heimasíðu og intranet bankans. Tú fert at taka lut í verkætlanum til at stuðla undir branding av samtakinum, at samskipa og íverkseta samskifti bankans og eisini at vera við í menning av maknaðarføringskonseptum av vørum og tænastum hjá bankanum. Aðrar fyrifallandi uppgávur eru eisini møguligar. Førleikakrøv Tú hevur viðkomandi hægri útbúgving og hevur royndir og evni innan samskifti og marknaðarføring. Tú dugir væl at skriva lættan og greiðan tekst og ert stinn/ur í bæði føroyskum og donskum. Tað er ein fyrimunur, um tú eisini ert køn/ur í enskum. Persónligu eginleikar tínir eru m.a. opinleiki, framsøkni, málsøkni, góð samskiftisevni og sjálvstøðugt arbeiðslag, eins og tú megnar at hava greiðu á fleiri uppgávum í senn. Menningarmøguleikar Góðir møguleikar eru fyri víðari førleikamenning, bæði fakliga og persónliga. Meira at vita Vilt tú vita meira um starvið, ert tú vælkomin at venda tær til Tór Verland Johansen, marknaðarleiðara, á tel 330 330 ella á tvj@banknordik.fo. Skrivlig umsókn saman við avritum av CV og prógvum skal sendast til starvsfolk@banknordik.fo ella til BankNordik, Att: Starvsfólkadeildin, Húsagøta 3, FO-100 Tórshavn og skal vera okkum í hendi í seinasta lagi 26. apríl 2011. Sosialurin 341800