mikudagur 4. mai 2011síða 11

11 Mikudagur 4. mai 2011 · Nr. 51 Sosialurin Vilmund Jacobsen Sp/f DEH, sum Mortan Højgaard á Toftum eigur og rekur, hevur tveir lastbilar, tríggjar gravmaskinur og nøkur smærri amboð. – Eg havi havt onkran bil aftrat, tá mest var at gera, men eg valdi at tillaga kapasitetin til broyttu um­ støðurnar. Í løtuni eru vit 3­4 mans sum taka sær av tí, ið er at gera. Mortan sigur, at tað var pápi hans ara, Dánjal Eli Højgaard, sum keypti fyrsta bilin í 1948 – ella sama ár, sum Føroyar fingu heima stýris­ lógina, leggur hann brosandi aftrat. – Tá eg var liðugur at læra í áttatiárunum, byrjaði eg at koyra, og eftir tað tók eg líka sum yvir. Fyritøkan størri Mortan Højgaard sigur, at hóast hann hevur færri bilar í dag, enn hann hevði, tá teir vóru flestir í tali, er fyritøkan tó størri í dag, enn hon var í tíðini hjá pápa hansara. – Tað vóru øðrvísi tíðir tá, og tá var tað mest ymisk vegarbeiðir, ið góvu arbeiði til bilarnar. Soleiðis var, tá eitt nú vegurin til Rituvíkar varð bygdur, og soleiðis var eisini, tá grótkastið á Toftum varð bygt. Mortan dylur ikki, at fyri slíkt virksemi hevði tað stóran týdning, hvussu langt var til løgtingsval. – Tá var tað soleiðis, at ávísar játtanir vóru til ávís vegarbeiði, og tí vísti tað seg, at árið fyri val – og árið eftir val – sum oftast vóru tey frægastu fyri arbeiðstakarar, ið høvdu bilar og maskinur. Hann heldur, at tað tók eini 2­3 ár at byggja grót­ kastið, ið liggur sum verja fyri lágættini. Koyrir fisk Sp/f DEH koyrir fisk fyri ym­isk ar fiskakeyparar, og felagið koyrir eisini agn fyri báðar agn veit ar ar nar. – Vit hava koyrt fisk síðan 1989, leggur Mortan aftrat. Hann heldur, at kanska er koyr ingin við fisk økt, síðan Fiska mark n aður Føroya kom á Toftir, men hendan tíðin hevur eisini verið eitt sindur turbulent. – Nógvir aktørar hava keypt fisk, og so eru teir fækkaðir í tali aftur, men vit hava faktiskt verið við alla tíðina, leggur Mortan aftrat. Tveir virkisbygningar Fyri eini tíð síðan keypti Mortan Højgaard ein virkis­ bygning á ídn­aðarøkinum Inni við Rætt á Toftum – og eina høll aftrat, sum stóð reist beint innanfyri hina fyrru. – Bygningurin, sum er útleigaður, er 800 fermetrar stórur, og her havi eg tveir leigarar. Hin bygningin – ella fundamentið og stál­ sperrurnar, sum eru reistar – hugsi eg um at selja. Eg kundi eisini gjørt tann bygningin lidnan, men tað kann vera eitt sindur trupult at gera ein slíkan bygning lidnan til ein annan eigara, tí tú kennir ikki tørvin hjá viðkomandi. Mortan Højgaard vísir á, at keyp arar kanska kundu ynskt sær størri ella smærri hurðar og størri ella smærri vindeygu. – Eg vænti, at bygningurin verð ur seldur, soleiðis sum hann stend ur, men nær tað verður, dugi eg ikki at siga í løtuni, leggur hann aftrat. vilmund@sosialurin.fo DEH koyrir grót og fisk Nógvir aktørar hava keypt fisk, og so eru teir fækkaðir í tali aftur, men vit hava faktiskt verið við alla tíðina MORTAN HØJGAARD Mortan Højgaard, sum eigur og rekur DEH á Toftum, eigur ein virkisbygning á ídanðarøkinum Inni við Rætt á Toftum. Bygningurin er 800 fermetrar stórur, og her hevur hann tveir leigarar. Hin bygningin – ella fundamentið og stálsperrurnar, sum eru reistar – hugsar hann um at selja – Tá eg var liðugur at læra í áttatiárunum, byrjaði eg at koyra, og eftir tað tók eg líka sum yvir. Hóast eg havi færri bilar í dag, enn tá teir vóru flestir í tali, er fyritøkan í dag tó størri enn í tíðini hjá pápa mínum, sigur Mortan Højgaard Mynd: Vilmund Jacobsen