mánadagur 9. mai 2011síða 28

Mánadagur 9. mai 2011 · Nr. 53 28 Sosialurin Ítróttarblaðið Uni Holm Johannesen Tað harmar føroysku dómararnar, at teir noyðast at veittra síni størstu avbjóðing í dómarahøpi farvæl. Teir taka ikki av møguleikanum at døma fyrru mansfinaluna í Challenge Cup millum portugisiska Benfica og slovenska Cimos Koper. – Tað er sera keðiligt, at vit eru noyddir at vísa tilboðnum aftur. Tað hevði verið okkara størsta avbjóðing nakrantíð, sigur Eyðun Samuelsen. Orsøkin er, at Eyðun Samuelsen fór av vøllinum við skaða, tá bestu kvinnuliðini hjá Stjørn­ uni og Neistanum spældu triðja finaludystin um føroyameistara­ heitið. Eyðun Samuelsen er fram­ vegis ikki komin fyri seg, og hann er ikki førir fyri at døma aftur í bræði. Tilboðið er greitt tekin um, at føroysku dómararnir hava stað­ ið seg væl í altjóða høpi. Teir hava slóðað fyri í føroyskum dómara høpi. Í februar dømdu teir fjórðings finaluna millum týska Lemgo og turkiska Besiktas. Í mars runnu teir við floytuni í dystinum í bólka spælinum í Champions League millum týska SG Flensburg­ Handewitt og HC Bosna Sarajevo úr Bosnia. Tað var mett sum størsta bragd í føroyskum hondbólti yvir­ høvur. Fyrri finaludysturin millum Benfica og Cimos Koper verður spæld ur sunnudagin. uni@sosialurin.fo Heri Simonsen Valur eru nú einsamalt á odda í íslendsku Pepsideildini eftir tvey umfør. Christian Restorff Mouritsen, Pól Jóhannus Justin­ ussen og Jónas Tór Næs byrjaðu allir inni í útidystinum ímóti Grindavík, sum á sinni hevði gomlu Manchester United­kempuna, Lee Sharpe, í sínum hópi. Valur vann 2­0 í Grindavík í gjár. Tað var eis­ ini hálvleiksstøðan í dystinum. Christian Restorff Mouritsen spældi Arnar Sveinn Geirsson leys­ an, sum ikki sveik álitið, men legði Valur á odda 1­0, tá 19 minuttir vóru spældi. 10 minuttir seinni økti Guðjón Pétur Lýðsson til 2­0. Valur hevði 10 skot á málið, og heimaliðið hevði bara trý skot á málið hjá Valur. Christian var eyðsýndur Christian Restorff Mouritsen hevði bæði góð skot og stútara ímóti Grindavíkar­málinum, sum tíverri ikki góvu mál. Talan er um eina rimmar byrjan hjá Vali, sum hevur fingið seks stig í tveimum dystum í íslendsku Pepsi­deildini. Í fyrsta umfarinum vann Valur 1­0 á FH, sum av íslendskum serfrøðingum verður mett at vera favorittur at gerast íslendskur meistari í ár. Føroysku spælarnir hava allir bitið seg fastar á liðið, sum eisini er gott at vita hjá føroyska lands liðs­ venjaranum, Brian Kerr, sum hevur saknað fleiri spælarar sum spæla fótbólt uttanlands sum fulltíðar yrkisspælarar. Stuttligt at koppa FH Pól Jóhannus Justinussen heldur, at tað var sera stuttligt at verða við til at vinna á meistaraliðnum, FH: – Talan var um ein oddadyst longu í tí fyrsta umfarinum, og tað var sera gott, at vit megnaðu at vinna hendan dystin, sigur hann. Christian Restorff Mouritsen tekur undir við Pól Jóhannusi Justinussen. – Eg helt, at tað var ein sera spenn andi dystur. Tað var nógv tosað og skrivað í Íslandi undan dyst inum, og tað var stuttligt at vera við til, og vit fingu júst tað úrslitið, vit fóru eftir, greiðir hann frá. Tað hevur annars eisini gingið væl hjá Vali og teimum føroysku spælarunum í venjingardystunum undan kappingarbyrjanini í Ís­ landi. Gott við føroyskum liðfeløgum Christian Restorff Mouritsen hevur áður roynt seg sum fótbóltslærling í Manchester, har hann var einsa­ mallur føroyingur. Hjá honum er eingin ivi um, at tað er gott at hava nakrar føroyskar landsmenn á liðnum. – Tað ger tilveruna nógv lættari, og tað blívur meira at takast við. Um eg keði seg, kann eg altíð senda boð eftir hinum føroyingunum, og so kunnu vit fara út at hugna okkum, og fara út at eta, og av tí sama trívist eg nógv betur, staðfestir Christian Restorff Mouritsen. Pól Jóhannus Justinussen er eisini sera fegin um tað góðu mót­ tøkuna, hann hevur fingið í Vali. Hann hevur áður royndarvant í Brøndby í eina viku, har einki menn iskja tosaði við hann. – Hetta er nógv øðrvísi. Eg hevði sáttmála beinavegin, tá eg kom yvir til Reykjavíkar. Eg eri væl móttikin, so sammett við upplivingina í Brøndby, hevur talan verið um eina ógvuliga jaliga uppliving, sigur hann. Hava byrjað inni fast Christian Restorff Mouritsen stað­ festir, at tað hevur gingið framúr gott hjá øllum trimum føroy­ ingunum í Vali. – Síðani spæliloyvini komu uppá pláss, so hava vit tríggir regluliga byrja regluliga inni. Tað hevur eisini gingið gott hjá okkum í øllum dystunum higartil, staðfestir Christian. Hann leggur tó herðslu á, at tað er stór kapping um plássini. Valur hevur breiðan hóp, og tí hava teir tríggir føroyingarnir ikki ráð at slaka til venjingar. Íslendska fótbóltsdeildin er kropsliga hørð, og tað passar Pól Jóhannusi rættiliga væl. Christian Restorff Mouritsen leggur kortini dent á, at Valur er millum liðini, sum spæla tekniskan fótbólt, og tað passar honum væl. Valur fyllir 100 ár í ár, og tí hevur felagið eitt brennandi ynski um at vinna tað íslendska meistaraheitið. Livst so spyrst. Christian og Pól Jóhannus fremja Vala-verk Fótbóltur Valur er av sonnum føroyingafelagið í bestu íslendsku fótbóltsdeildini. Christian Restorff Mouritsen og Pól Jóhannus Justinussen stórtrívast í gamla stórfelagnum í Reykjavík, sum fyllir 100 ár í ár Veittra størstu avbjóðingini farvæl Hondbóltur Evropeiska hondbólts­ sambandið heitti á Andreas F. Hansen og Eyðun Samuelsen at døma fyrru mansfinaluna í Challenge Cup. Føroysku dómararnir hava givið avboð Eyðun Samuelsen er framvegis skaddur, og hann er ikki førur fyri at døma fyrra finaludystin Mynd: Álvur Haraldsen