mikudagur 13. mars 2002síða 8

1 FISKIVINNA Jústinus Leivsson Eidesgaard Tað átti at verið ein gleðilig hending at komið heim undan Eysturgrønlandi, einum tí mest harðbalna farvatni í øllum heiminum, og tað er eisini gleðiligt, men tað var 40 prosent meira gleðiligt í fjør enn tað er í ár. Myndin sýnir Sólborg, sum kom heim av rækju- miðunum í Eysturgrønlandi í gjár. Teir hava fingið fisk, hava ikki verið leingi burtur, og hava fiskað kvot- una sum er 230 tons. Sólborg eigur tvær rækju- kvotur í Eysturgrønlandi. - Um hesa tíðina í fjør var rækjuprísurin 40 prosent hægri enn í ár. Og ikki um at tala japanrækjurnar. Vit fingu 160 krónur fyri kiloið fyri nøkrum árum síðan, í dag fáa vit ikki 50 krónur. Orsøkin er, at russar fáa so nógvar góðar og stórar rækjur við Kamsjatka hálvoynna, og hesar hava útkonurrerað eysturgrøn- landsrækjurn, sigur Ejler Jacobsen, sum er reiðari og eigari av Sólborg. Hví er rækjuprísurin so lágur, at rækjuflotin er um at fara á húsagang? - Orsøkin er, at alt ov nógvar rækjur eru á markn- aðinum. Rækjuveiðan er tvífaldað seinastu tvey árini, og tað má síggjast aftur. Kanadiumenn hava seinastu árini ment rækju- veiðuna munandi og tað sæst aftur á heims-markn- aðinum, Annars skulu vit ikki láta so illa at. Sólborg fiskaði fyri 42 milliónir í fjør og aftaná avskrivingar vantaðu 200.000 krónur í, men eg má viðganga, at tað sær ikki bjart út nú, sigur Eiler Jabobsen. Skipari á Sólborg hendan túrin var Pól Johan Poulsen av Strondum, hann skiftist við Jónfríð Poulsen av Skála at føra bátin. Tá veiðan er løgd upp fer Sólborg á sleipistøð at pussast upp, og síðan verður lagt aftur vestur í hav á Flemmish Cap at royna eftir rækjum. Har hevur viðrað sera illa í seinastuni. Høgifossur er til fiskiskap á Flemmish Cap í løtuni og aðrir rækju- bátar royna undir Grøn- landi. Sólborg avmyndað beint eftir at hon hevði lagt at við molan í Havn júst heimkomin úr Eysturgrønlandi Mynd: Jens Kristian Vang Rækjuprísurin skramblar niður: Rækjumenn í døpurhuga