týsdagur 26. mars 2002síða 9

Nr. 59 • týsdagur • 26. mars 2002 • 76. árgangur • www.sosialurin.fo Kyndil legði fyri sum eitt óløgi, og mundi tikið VÍF á bóli, men meistararnir ressað- ust, og seinastu løt- una var eingin ivi um, at gullið var heima HONDBÓLTUR – MENN Jákup Mørk Vestmenningar komu man- sterkir til Havnar leygar- dagin. 20. meistaraheitið í manshondbólti skuldi fáast til høldar, og neyvan kundi hetta gerast betri enn við einum sigri á arvafíggind- anum úr Kyndli. Kyndil hevur ikki havt fyrndarinnar styrki hetta kappingarárið, og tí var roknað við, at VÍF uttan stórvegis hóvasták skuldi tryggja sær sigurin. Í hvussu so er mundi hetta vera tað, sum flestu áskoð- ararnir hildu, tó at leikar- arnir ikki tóku nakað fyri givið. Útlitini hjá Kyndli fyri at spæla vestmenningum eitt puss, gjørdu tó sítt til, at teir grønu við eldhuga fóru undir seinasta dystin á árinum. Við kvikum upp- spæli fingu teir ferð eftir ferð tagað heldur stirvnu VÍF verjuna sundur, og skjótt kom munur í á mál- talvuni. Vestmenningar tóktust púrasta skelkaðir av dystar- gongdini. Eingin leikari tóktist hava hug at taka nakra ábyrgd á seg, og millum áskoðararnir tóktist óttin fyri tí óhugsandi at gera um seg. Skuldi tað veruliga gerast so, at gyltu dreingir teirra fóru at tveita alt burtur á seinasta leik- degi? Vendin Tað óhugsandi var kanska hugsandi, men so gjørdi VÍF-venjarin sær dælt av einum av nýggjaru vápn- unum í hondbólti. Time-out varð tikið við støðuni, 8-2, og nú fór at muna. Leikarar fluttu seg brádliga fyri hvørjum øðrum. Við Jón Nielsen í málinum gjørdist verjan munandi tættari, og í álopinum fór fyrst og fremst Ingi Olsen nú veru- liga at gera um seg. VÍF skeyt átta mál á rað, áðrenn nakað aftursvar hómaðist, og nú var tað Kyndil, sum átti tørn at standa sum kánus. Einki bar til, og so hvørt sum bóltarnir fóru sendandi handan Johan Danielsen, tóktust leikararnir alt meira ráðaleysir. Seinastu løtuna undan steðginum gekst aftur nakað betri, men tað tóktist tó greitt, hvønn vegin tað gekk. Og vestmenningar stað- festu hesa gongdina alt fyri eitt eftir steðgin. Úr tveim- um varð munurin øktur upp í fimm mál, og so var fyri sovítt bara at halda tørn. Undirhald Tá tað eisini stóð greitt hjá Kyndli, at alt var avgjørt, kundu bæði liðini at kalla taka sær av løttum seinastu løtuna. Ikki soleiðis, at tey einki løgdu í dystin, men hetta seinasta korterið varð denturin í nógv størri mun lagdur á undirhaldið. Áskoðararnir hjá gestunum klappaðu óført, tá John Zachariasen fyri fyrstu ferð í ár trein inn á vøllin, og fagnaðurin var ikki minni, tá tað eisini eydnaðist hon- um at skora. Somuleiðis vóru rópini óføra hørð, tá Áki Olsen var nær við at skora, eftir eitt álop, sum hann byrjaði á beinkinum, men síðani kom inn ístaðin fyri mál- verjan hjá liðnum, og so gjørdi tað ikki alt verri, at tað vórðu málverjarnir báð- ir, sum slutt at enda dystin. Fyrst skoraði Johan upp á sítt brotskast, men tá Jón løtu seinni skuldi gera hon- um hetta eftir, kiksaði hann. Bólturin fór í málið, men traðkað var yvir linj- una. Spell, men hvat so? VÍF hevði tryggjað sær meistaraheitið, og áskoð ararnir tustu inn á vøllin við blómum og øðrum til- hoyri, og so var bert eftir hjá leikarunum at fegnast. Samanumtikið kann neyvan sigast annað, enn at meistaraheitið hjá VÍF var uppiborið. Gjøgnum árið hava teir verið mest støð- uga liðið, og tó at fleiri av týðandi leikarunum hava verið burturi frá við skað- um, so hevur hópurin verið nóg breiður til eisini at taka hetta. Og so hevur liðið havt tann eginleikan, at teir vita, nær tað ræður um at gera um seg. Fleiri ferðir hava dystir verið á vágskálini, og ofta hevur tap ella í besta føri javnleikur staðið á skránni, men mest sum hvørja ferð hava teir kortini koppa øllum í seinastu løtu. Tað ber boð, um eitt lið, sum torir at taka ábyrgd, sum torir at vinna og sum fyrst og fremst vil vinna, og tað eru týdningarmestu eginleikarnir, um eitt meist- araheitið skal fáast til høldar. Hjartaliga tillukku VÍF! Dysturin í tølum Kyndil-VÍF 21-28 (12-14) Málskjúttar: Kyndil: Høgni Klein 8(4), Ken Zachariasen 4, Bárður Johannesen 3(2), Regin Jo- hannesen 2, Jóhan Daniel- sen 1(1), Jónleif Sólsker 1, Josef Abrahamsen 1, Hans Andrias Dahl 1 VÍF: Sámal Joensen 10(8), Ingi Olsen 8, Áki Olsen 3(1), Agnar Joensen 3, Ragnar Zachariasen 2, Rógvi Nielsen 1, John Zachariasen 1 Brotskøst: Kyndil 5, VÍF 9 Útvísingar: Kyndil 5, VÍF 3 Dómarar úr Neistanum: Kristian Johansen & Hjalmar Petersen Kyndil-VÍF 21-28 (12-14): Vunnu á skelkinum Meistarar! Ragnar, Harald og John fegnast, eftir at dómaraparið hevur bríkslað seinast bríkslið, og tað er greitt, at VÍF hevur endurvunnið gullmerkini Mynd: Álvur Haraldsen Harald við steypinum Nýggja steypið - við føstum loki! – mátti sjálvandi skoðast. Her eru tað Rógvi, Harald og Bárður, sum hygga at plátuni, har VÍF skal standa Mynd: Álvur Haraldsen 17 16 Nr. 59 - 26. mars 2002 UTTAN ÚR HEIMI Búskapur og vinna: Bøndur hart trongdir Nógvir bøndur í Noregi eru iso illa fyri, at teir noyðast at gevast og at selja garðarnar, tí tað loysir seg ikki fíggjar- liga at fáast við land- búnað longur. Seinastu fimm árini er talið á teimum bøndrunum, sum hava fingist við svínahald, minkað 30 prosent, og bøndurnir, sum hava havt mjólkina sum álitið, eru 20 pro- sent færri í tali nú enn fyri fimm árum síðani. Samanumtikið gevast umleið 2.500 bøndur í Noregi um árið. Samstundis vísir ein kanning, at bøndurnir hava als ikki havt um- støður til at endur- nýggja garðarnar, og úrslitið er, at næstan helmingurin av fjósun- um og løðunum eru meiri enn 50 ára gomul. Bara seks prosent av bygningunum eru bygdir aftan á 1990. Norska bóndafelagið sigur, at tað er tann veksandi innflutningur- in av bíligum landbún- aðarvørum, sum tekur grundarlagið undan norsku bóndagørðun- um. Handlarnir trýsta prísirnar longur og longur niður, og teir smáu bøndurnir hava ongan møguleika at klára seg fíggjarliga. Samanlegging til stórar garðar er eftir øllum at døma tann einasta loysnin. Leggja saman Nógv bendir á, at eitt risastórt norðurlendskt telefonfelag verður veruleiki um stutta tíð. Finska stjórnin kunn- gjørdi sunnudagin, at arbeitt verður við at leggja almenna finska telefelagið Sonera sam- an við almenna svenska telefelagnum Telia. Verður samanlegg- ingin veruleiki, verður tað nýggja felagið tað størsta av sínum slagi í N o r ð u r l o n d u m . Svenska Telia hevur frammanundan keypt seg inn á norska tele- marknaðin, meðan tað hinvegin hevur gingið striltið hjá felagnum at fáa fótin fyri seg í Dan- mark. Úr Norðurlondum: Skip ella? Danska sjóverjan leit- aði seinasta leygardag, eftir at Søværnets Operative Kommando hevði hoyrt eitt neyð- arkall í Norðsjónum. Sjóverjan sendi bæði hjálparskip, tyrlur og flogfør at leita, men tey funnu einki. Okkurt týskt skip leitaði eisini. Leiðslan í sjóverjuni veit framvegis ikki, um talan veruliga var um eitt skip, sum var í neyð, ella um tað var "falskur alarmur". Leiðslan heldur, at tal- an var um skemt, men so var hetta dýrt skemt, tí bjargingartiltakið kostaði donsku sjóverj- uni umleið eina hálva millión krónur. Taka fleiri Royndir hjá donsku løgregluni vísa, at hon hevur tikið munandi fleiri brotsmenn av ymsum slagi, síðani tað sonevnda Schengen- samstarvið kom í gildi. Samstarvið ber m. a.í sær, at londini hava atgongd til ein hóp av upplýsingum um fólk, sum eru skrásett, tí tey hava fingist við eitt ella annað ólógligt. Higartil hevur danska løgreglan tikið 640 fólk, sum løgreglan í øðrum lond- um fegin vildi hava fatur á. Royndirnar vísa eis- ini, at brotsmenn, sum danska løgreglan hevur sóknast eftir, eru vorðn- ir tiknir í øðrum Schengen-londum. Higartil er 95 danir tiknir aðrastaðni takkað verði felags atgongdini til upplýsingarnar. Dýrir dropar Ein svii, sum hevði verið í Danmark ella Týsk- landi og keypt sær rús- drekka til páskahátíðina og eitt sindur afturat, fekk ikki nógv burturúr - heldur tvørturímóti. Maðurin hevði farmin í einum viðfestivogni og skuldi við ferjuni úr Helsingør til Helsing- borg, men løgreglan í Norðursælandi fekk illgruna til bilin og vogn- in. Tað vísti seg, at mað- urin hevði 171 fløskur av rúsdrekka í bilinum og viðfestivogninum, og tað kom at kosta manninum 18.000 krónur í avgjøld- um umframt 35.000 krónur í bót. So hetta vóru dýrir dropar. Bumbur, sum NATO- flogfør tveittu niður yvir Kosovo í kríg- num har, men sum ikki brustu, kosta framvegis mannalív nú trý ár eftir kríggið BALKAN Árni Joensen Óbrostnar bumbur, sum hava ligið í Kosovo síðani NATO-álopini, krevja framvegis mannalív. Næstan 60 fólk, teirra millum fleiri børn, eru deyð av bumbum, sum eru brostnar trý ár eftir, at flogførini sleptu teimum. Umleið 100 fólk hava fing- ið skaða av tílíkum spreing- ingum. Tveir triðingar teirra eru børn. Hetta stendur at lesa í einari frágreiðing, sum ein samgonga av 50 hjálpar- felagsskapum almanna- kunngjørdi í gjár. Um vikuskiftið vóru trý ár liðin, síðani loftálopini hjá NATO byrjaðu. Í Beo- grad gingu umleið 10.000 viðhaldsfólk hjá fyrrver- andi forsetanum Slobodan Milosevic mótmælisgongu, har tey mótmæltu NATO- álopunum. Nývaldi forsetin í Kosovo, Ibrahim Roguva, segði í einari røðu, at ein nýggj tíð er byrjað í Kosovo. Hann segði, at álopini hjá NATO høvdu til endamáls at bjarga fólk- inum undan serbiskum yvirgangi, og eygleiðarar siga, at nógvir kosovo- albanar hildu dagin sum frælsisdag. Eiga at rudda NATO-loftálopini á Jugo- slavia vardu í 78 samdøgur. Flogførini nýttu fleiri ymisk sløg av bumbum, og í rættinum í Haag hevur Milosevic lagt NATO undir at hava nýtt bumbur, sum hava kostað óneyðuga nógvum sivilfólkum lívið. Hjálparfelagssamgongan sigur í sínari nýggju frá- greiðing, at lond, sum nýta serliga vandamiklar bumb- ur, eiga at hava skyldu at beina fyri teimum, sum ikki brustu, tá tær vórðu sleptar. Samgongan skrivar, at altjóða samfelagið eigur at lógarfesta eitt tílíkt krav. Gamla Jugoslavia er ikki tað einasta landið, sum líður undir óbrostnum bumbum. Samgongan sig- ur, at viðurskiftini eru tey somu í Kambodja. Enn bresta NATO-bumbur í Kosovo Ísraelska herleiðslan fyrireikar seg til eina atsókn ímóti palestinskum býum og flóttafólkalegum, samstundis sum USA roynir semju millum partarnar, skrivar Washington Post MIÐEYSTUR Árni Joensen Amerikanska blaðið sigur seg hava fingið at vita frá ísraelskum embætismonn- um, at stjórnin í Jerusalem er sinnað at geva ameri- kanska semingsmanninum, Anthony Zinni, ein møgu- leika at royna semju. Men embætismenninir leggja afturat, at hvørki teir ella stjórnin hava nakra vón um, at amerikansku royndirnar fara at eydnast. Washington Post skrivar frá ísraelsku embætis- monnunum, at miseydnast amerikanska semings- royndin, og palestinski ágangurin fer at halda fram, eru bæði Ariel Sharon, for- sætisráðharri og teir flestu ráðharrarnir fyri einum umfatandi hernaðarligum átaki ímóti palestinum. Talan verður um eitt upp- aftur meiri umfatandi átak enn tað, sum ísraelski her- urin gjørdi fyrr í mánað- inum. - Teir næstu dagarnir verða avgerandi. Miseydn- ast royndirnar hjá Zinni, verður niðurstøðan hjá ís- raelsku stjórnini, at tað ber ikki til at fáa semju um frið, og at stjórnin tí ikki hevur annað í at velja enn at taka tað ætlaða hernaðarliga stigið, sigur ein av teimum ísraelsku embætismonn- unum við Washington Post. Blaðið heldur, at tann greiða ísraelska ávaringin er ætlað at fyrireika ís- raelska fólkið um tað, sum koma kann, men at hon eisini er ætlað umheimin- um og at noyða palestinsku leiðararnar til at góðtaka ísraelsku krøvini í sam- bandi við eina møguliga vápnahvíld. Ísrael fyrireikar stóratsókn Palestinskar kvinnur bera eina Kalashnikov-maskinbyrsu ímillum sín undir einari jarðarferð Mynd: Reuters C M Y K 16