leygardagur 6. apríl 2002síða 11

20 Nr. 65 - 6. apríl 2002 Nr. 65 - 6. apríl 2002 21 Argjabúðin hevur nú snarað lyklinum fyri seinastu ferð. Í øllum førum undir heitin- um Argjabúðin. Nýggir eigarar fara at taka við í næstum, og er nú hesin gamli handilin farin úr familjuhondum HANDILSLÍV Ingrid Bjarnastein Seinastu árini hava Olga og Dánjal Arge rikið handilin. Tey hava leigað hann frá Rigmor og Hans Jacob Sigvardsen. Men nú er handilin latin aftur, og um stutta tíð letur hann upp- aftur í nýggjum hami. – Abbi og pápi mín hava rikið handilin undan mær, sigur Rigmor Sigvardsen. – Men nú er tíðin komin at gevast. At handilin fer úr familjuni er ikki nakað eg beinleiðis leggi so nógv í nú ein er vorðin eldri, og tað er eisini strævið. Fyri nøkrum árum síðani lat Argjabúðin eina deild upp longri heimi, Garðs- búðina. Garðsbúðin hevur eisini latið aftur nú, og eisini hon er seld. Nú er alt tikið úr handlinum og málað verður og gjørt í stand. Argjabúðin snarað lyklinum Argjabúðin hevur nú latið aftur eftir fleiri mansaldrar í familjuni Mynd: Jens Kristian Garðsbúðin, sum er ein deild av Argjabúðini, hevur somuleiðis latið aftur. Mynd: Jens Kristian Fløgan hjá Brandi Enni, Waiting in the Moonlight, kom út í gjár. Á fløguni eru 13 løg, har talan er um reinan, melidiøsan popptónleik ÚTGÁVA Ingrid Bjarnastein Nú er hon endiliga komin. Tann nógv umtalaða fløgan hjá tólv ára gamla Brandur Enni. Tey, sum hava bíðað eftir henni, kunnu fegnast um lættan popptónleik av besta slag. Sjálvt um hann bert er tólv ára gamal, so hevur hann saman við Studio Pegasus í Klaksvík og nógvum øðrum góðum og kendum føroyskum tón- leikarum, verið við í helst størstu fløguverkætlan í Føroyum nakrantíð. Talan er um eina íløgu uppá fleiri hundraðtúsund krónur. Í sambandi við fløgu- útgávuna skuldi vera kon- sert í Norðurlandahúsinum í gjárkvøldið. Við á kon- sertini skuldi millum annað Eyðun Nolsøe luttaka, og eisini varð lovað fyri einum serligum Grand Prix dámi á, tá Pætur og Tóra við Keldu skuldu koma á pallin. Eisini var høvi at síggja eitt nýtt sjónbanda- lag, sum er gjørt til ein av sangunum. Meira verður um konsertina í blaðnum týsdagin, og hvør veit? Kanska Føroyar hava fingið eitt popp-idol. Brandur bíðar í mánalýsinum Nýggja fløgan hjá Brandur Enni kom út í gjár. Hon eitur Waiting in the Moonlight Vil ein komandi samgonga hava broytingar í reglu- gerðini fyri Fram- taksgrunnin, fara vit at arbeiða eftir tí. Men tann, sum keypir burtur av ognum hjá grunninum, má vita, hvar hann flýtur, áðrenn handlað verður, sigur nevnd- arformaðurin í Framtaksgrunninum FRAMTAKSPRÁT Edvard Joensen Nevndarformaðurin í Framtaksgrunninum, Niels Winther Poulsen, sigur, at tað er óhugsandi, at hann fer at arbeiða í móti po- litiska viljanum. – Eg havi ongantíð ar- beitt fyri nakran, sum ikki vil hava meg at arbeiða fyri seg. Kenni eg, at eg ikki eri ynsktur í starvinum, leggi eg frá mær, sigur hann. Niels Winther Poulsen sigur, at tað má vera eitt krav, at ein møguligur keypari frá Framtaksgrunn- inum skal kunna kenna seg tryggan, tá hann handlar við grunnin. Heilt greiðar linjur eiga at vera fyri, hvør kann keypa ognirnar hjá grunn- inum, sigur hann. Sum dømi nevnir hann, at eitt nú hevur verið ført fram, at tað er ikki so heppið, at útlendingar eiga føroyskt vinnulív. – Vilja vit, at tað skal vera so, eiga vit at siga tað greitt, soleiðis, at møguligir útlendingar, sum eru áhugaðir í at keypa eitt nú Føroya Fiskavirking frá Framtaksgrunninum, vita, hvussu støðan er, so teir tora at taka eina avgerð uttan at skula óttast fyri, at hon verður broytt aftur nær sum helst. Tekur tíð Tað tekur tíð at seta seg inn í viðurskiftini hjá Fram- taksgrunninum, sigur Niels Winther Poulsen. Sjálvur metir hann, at hann skal hava minst ein mánaða ella so at kunna seg í. Tað vil so aftur siga, at tað verða ongar stórar avgerðir tiknar soleiðis í óðum verkum, vísir hann á. Og at hann skal hava áhuga í at selja nakað burtur úr grunninum her og nú, er als ikki upp á tal, sigur hann. Tað kemur heldur ikki upp á tal at selja nakað sum helst uttan bara fyri hægst- bjóðandi. Reglugerðin fyri Fram- taksgrunnnin sigur, at seljast skal burtur av ogn- unum, tá tíðin er komin til tess. Men tað er ilt at siga, heldur nevndarformaðurin í grunninum, um tíðin er komin enn. – Tað tekur tíð at finna út av tí, og ta tíðina havi eg enn ikki havt sum for- maður, vísir hann á. At hann skal brúka hesa stuttu tíð, sum eftir er av verandi valskeiði til at handla fyri ávísar kundar, er fullkomuliga burturvið, vísir hann á. – Tað er óhugsandi, at nøkur søla verður framd nú. Tað eru vit heilt einfalt ikki klár til, sigur nevnd- arformaðurin. Hann vísir á, at Føroya Fiskavirking virkar væl, og tað skal arbeiðast sera varisliga, um seljast skal burtur av Fiskavirking. Tað má til dømis alla tíðina hugsast um, at starvsfólkið ikki verður órógvað óneyð- ugt, og at tey vita, hvat hendir, sigur hann. Tað er eisini umráðandi at vita, sigur hann, um politikararnir ynskja at selja Føroya Fiskavirking í smáum ella sum eina heild. Gegnið Niels Winther Poulsen ásannar, at tað kann gerast ein gegnistrupulleiki at sita sum nevndarformaður í Framtaksgrunnninum og samstundis hava kundar, sum kunnu gerast áhugaðir partar í møguligum keypi frá grunninum. – Men tann trupulleikin má so loysast, tá hann er har, sigur hann. Tað vil so siga, at hann má taka seg burtur úr øðrum partinum í teimum førum, tað kann gerast aktuelt. Men hann metir tað sum eina sera spennandi upp- gávu at vera vorðin for- maður í Framtaksgrunnin- um, tí har eru nógv mál at loysa, sigur hann. Niels Winther Poulsen sigur, at hann hevur ikki hugsað so nógv um, hvørt tíðarskeiðið nevndin situr, er ov stutt ella ikki. Men hann ásannar tó, at eitt ár er stutt tíð. – Hinvegin, tekur hann aftur í aftur, verði eg ikki sitandi leingi, um eg kenni, at eg ikki eri ynsktur har. Teir fýra nevndarlimirnir, sum landsstýrismaðurin við vinnumálum valdi, hava havt fund og skipað nevnd- ina. Tó er fimti nevndar- limurin ikki valdur. Hann fara hinir fýra nevndar- limirnir at velja í næstu viku, sigur Niels Winther Poulsen, nevndarformaður i Framtaksgrunnninum. Óhugsandi at arbeiða móti politiska viljanum Norðuratlantsbólkurin á Fólkatingi boðaði í tíðindaskrivi herfyri frá, at kendi norski politikarin, Thorvald Stoltenberg, skal ar- beiða fyri bólkin við málum, sum snúgva seg um viðurskiftini millum Danmark, Før- oyar og Grønland. Sjálvur kennir Thor- vald Stoltenberg als einki til nakra slíka avtalu POLITIKKUR Edvard Joensen Norðuratlantsbólkurin á Fólkatingi sigur seg hava avtalað við Thorvald Stolt- enberg, at hann skal gera ávísar politiskar uppgávur fyri bólkin. Thorvald Stolt- enberg sigur sjálvur, at tað passar ikki. Hann hevur onga sum helst avtalu gjørt við bólkin. Í tíðindaskrivi tann 11. mars sigur Norðuratlants- bólkurin á Fólkatingi undir yvirskriftini »Thorvald Stoltenberg skal arbeiða fyri Norðuratlantsbólkin«, at Stoltenberg hevur váttað, at hann vil vera við í kanningum, sum skulu lýsa..... » hernaðarliga virksemið í Grønlandi og Føroyum saman við búskaparligu fylgjunum av herstøðunum, eins og at lýsa fólkarættarligu støðu og rættindi Føroya og Grønlands, at lýsa sosialu viðurskiftini hjá grønlend- ingum í Danmark og at kanna møguleikarnar fyri bøttum ferðsluviðurskiftum í Norðuratlantshavi«. Seinni í tíðindaskrivinum verður sagt, at Norður- atlantsbólkurin fegnast um, at ... »Thorvald Stoltenberg vil nýta sínar drúgvu royndir og stóru vitan í ar- beiðinum at lýsa hernað- armál í Føroyum og Grøn- landi.« Sakin er bara tann, at tað vil Thorvald Stoltenberg yvirhøvur ikki. Ongantíð upp á tal Thorvald Stoltenberg sigur í samrøðu við Sosialin, at tað hevur als ongantíð verið upp á tal, at hann skal lýsa nakra hernaðarliga støðu hjá Føroyum ella Grøn- landi. Hann fer undir ong- um umstøðum at blanda seg upp í nakað, sum hevur við støðuna millum Dan- mark, Føroyar og Grønland at gera, sigur hann. – Tað er rætt, at eg havi tosað við grønlendska fólkatingsmannin Lars Emil Johansen. Hann ringdi til mín og spurdi, um eg kundi ráðgeva honum í ávísum uttanríkispolitisk- um máli, og tað játtaði eg, greiðir Thorvald Stoltenber frá. Stutt eftir gjørdist hann greiður yvir, at Norður- atlantsbólkurin hevði út- nevnt hann at arbeiða við hernaðarmálum í útnorði. Tá gjørdi hann skjótt av og boðaði Lars Emil Johansen frá, at hann als ikki vildi vera við í nøkrum slíkum. – Eg fari ikki at leggja meg út í politisk mál, sum viðvíkja danska kongarík- inum, sigur hann. Og Føroyar vóru als ikki upp á tal yvirhøvur, tá hann tos- aði við Lars Emil Johansen. Diplomatur Thorvald Stoltenberg er diplomatur og orðar seg varliga. Hann metir, at hann er misskiltur, tá hann hevur tosað við Lars Emil Johan- sen, og tað er hann harmur um. – Jeg beklager att ha bi- dratt til en slik misfor- ståelse, og trakk meg totalt med det samme, sigur Thorvald Stoltenberg við Sosialin. Hann sigur seg hava góð viðurskifti við Danmark, eins og hann kennir nógv fólk í Útnorði eisini, sigur hann, og letur heilsa øllum vinum sínum í Føroyum, at hann hevur tað gott. Vit royndu fyrrapartin í gjár at fáa viðmerking frá Norðuratlantsbólkinum til tað, sum Thorvald Stolten- berg nú førir fram. Sjúrður Skaale, skrivari hjá bólkinum, var kvikur at vísa til Lars Emil Johansen, tá nevnt varð, at vit vildu vita, hvussu tað gekk við arbeiðinum hjá Stolten- berg. Av skrivstovuni hjá Lars Emil Johansen varð sagt, at hann var upptikin á ting- fundi, men lovað varð, at hann skuldi seta seg í samband við Sosialin, bein- anveg, hann var leysur aftur. Einki var frætt frá hon um, áðrenn blaðið fór til prentingar. Fullveldismenn misnýta Stoltenberg Thorvald Stoltenberg hevur ongantíð játtað at vera við í nøkrum arbeiði fyri Norðuratlantsbólkin á Fólkatingi, sum bólkurin annar boðiai frá í tíðindaskrivi í mars mánaða Politiska skipanin er mín arbeiðsgevari, og henni fari eg at arbeiða eftir, sigur Niels Winther Poulsen, nevndarformaður í Framtaksgrunnninum C M Y K 21 20