mikudagur 5. juni 2002síða 4

6 Nr. 104 - 5. juni 2002 Nr. 104 - 5. juni 2002 7 ELDUR Ragnhild Ellingsgaard Klaksvík: Í farnu vikuni fóru menn á ComData undir at ríva allan tann gamla bygningin niður. Byrjað var tíðliga um morgunin, og um nátturða- tíð lógu allir veggir knústir á gólvinum. Ætlanin er, at hesin gamli bygningur skal setast upp av nýggjum, soleiðis at fyritøkan aftur tað pláss, ið hon hevur fyri neyðini. Síðan eldin hava fólk á fyritøkuni húsast í heimara bygninginum, sum liggur við síðuna av tí gamla bygninginum. Hesin bygningur var eisini áðrenn eldin ein partur av ComData. Hetta hevur tarnað virk- seminum hjá fyritøkuni eitt sindur, tá minni pláss hevur verið til øll starvsfólkini. – Í løtuni sita 3 mans saman, har tann eini sat fyrr, so sjálvsagt er minni av plássi til hvønn, sigur Olivur Thomsen, stjóri á ComData. Hann leggur tó afturat, at starvsfólkið sum oftast hava fleiri uppgávur at gera uttanfyri húsini, og hava tí ikki merkt stórvegis til nakrar trupulleikar av ov lítlum plássi Ætlanin er at seta upp ein nýggjan byggning, har tann gamli stóð, og kemur hesin nýggi bygningur at minna um tann heimara partin av fyritøkuni. Byggja í heyst Olivur Thomsen, stjóri í ComData, greiðir frá, at í løtuni eru menn farnir í holt við fyrireikingarnar til tann nýggja bygningin, sum skal setast upp. – Tá alt so er gjørt byggi- búgvið, fara vit at heinta tilboð inn um at gera sjálvi húsini. Væntandi verður so farið undir at sjálva byggingina einaferð í heyst, sigur Olivur í stuttari viðtalu við Sosialin. Nýggi bygningurin kem- ur at standa á sama staðið, har tann nú niðurbrendi bygningurin stóð. Hann verður tó eina hædd lægri enn tann gamli, men harafturímóti kemur hann at verða størri til víddar. Ætlanin er, at ein sølubúð skal verða í ovastu hæddini, meðan forritarnir koma at húsast í tí niðari hæddini. Harafturat skal ein hædd leigast út til annað virksemi. Mánadagin í farnu viku lat 25 ára gamla Tina Rasmussen upp eina vakurleika- klinikk í hølinum, har Salong Afrodite held- ur til, so nú letur tað seg gera at fáa bæði hár og húðrøkt á sama staði í Klaksvík. Sosialurin hevur ver- ið til eitt lítið prát, nú góð vika er farin, síð- ani hon lat upp VAKURLEIKI Solby A. Eliasen Klaksvík: Tá Sosialurin kemur á gátt hendan kalda og gráa morgunin, verði eg víst inn í eitt ljóst og hugnaligt høli. Mitt á gólvi- num stendur ein stólur og eitt tað fyrsta, ein hugsar um, er tann fríski lukturin, sum er inni. Hølið er ikki stórt, men tað er sera hugnaligt og ein kennir seg beinanvegin væl til passar. Á eini hyll standa nógv ymisk produktir av merki- num Living Dimension. Hetta er eitt merki, sum kemur úr Eysturríki. Tina Rasmussen er í læru sum medesinskur kosmeto- logur. Hetta er ein útbúgv- ing, sum hon tekur um internetið og gjøgnum brævskeið. Tina greiðir frá, at útbúgvingin tekur um- leið trý ár, og at hon eisini fer niður onkur vikuskifti á skeið, sum liður í útbúgv- ingini. – Tá hittast vit, sum byrj- aðu í senn, sigur Tina. – Vit eru seks, sum byrj- aðu. Tað er bara eg úr Før- oyum, greiðir hon frá. Hetta at kunna taka hesa út- búgvingina um internetið er ein nýggjur møguleiki, so tey fimm og Tina eru tey fyrstu, sum eru farin í holt við hetta. Tina heldur, at hon hevði hug at undirmeta hesa út- búgvingina. – Eg veit ikki, men eg hugsaði bara kosmetolog, tú veitst, akkurát sum um tað ikki er so ræðuliga nógv, men har fór eg sanni- liga skeiv. Tað er sera strævið at arbeiða og lesa samstundis, sum ein skal taka sær av familjulívinum, heldur hon. Og leggur dent á at í øllum førum hetta slagið av kosmetologi, sum hon nú er farin at útbúgva seg til, er strævið. – Tað er nógv evnafrøði at lesa, og ikki tær at siga, so er tað ræðuliga turrur lesnaður til tíðir, sigur Tina og flennir so hjartaliga. Tina kann bjóða kundum sínum fleiri ymiskar við- gerðir. Andlitsviðgerð, voksviðgerð, aknuviðgerð, rygg- og bringuviðgerð og eisini er ein viðgerð til menn. Tina bjóðar eisini eina tannáringaviðgerð, sum er tillaga ungu húðini. Hetta tryggjar, at húðin verður verandi elastisk. Hár og húðrøkt Tað var Joan Baldvinsson, eigari av Salong Afrodite, sum av fyrstan tíð fekk hugskotið. – Eg hugsaði um at fáa okkurt annað aftur at inn í salongina, tí eg helt, at tað kundi vera gott at kunna bjóða aðrar tænastur til kundan eisini, greiðir Joan frá. – Eg hugsaði fyrst um at fáa mær solarium, men tað hevði bundið meg til at havt salongina opna aftan á tær vanligu opningstíðirnar, so tað droppaði eg, sigur Joan, sum leggur afturat, at hon har afturat ikki heldur, at lukturin frá einum solarium hóskar seg væl inni í eini frisørsalong. So var tað, at hon kom at hugsa um húðrøkt. Hon kennir Tinu væl, og visti, at hon er í læru til medesinsk- an kosmetolog. – So eg setti meg í sam- band við Tinu og hon var við upp á hetta her. Og so fór alt í gongd, og nú sita vit her, sigur Joan. – Tað er púra vanligt, at ein arbeiðir, meðan ein er undir útbúgvingini. Øll hini, sum eg byrjaði saman við arbeiða eisini, so eg eri glað fyri at hava fingið henda møguleikan, skoytir Tina uppí. Klinikkin hjá Tinu verður opin um dagarnar, meðan Salong Afrodite er opin. Hon hevur egið telefon nummar, men eisini letur tað seg gera at bíleggja sær tíð hjá Afrodite. Leygardagin tann 1. juni skifti kioskin umborð á Dúgvuni leigara. Tað er smá- partafelagið á Høvdanum, sum nú skal standa fyri at fylla kioskina við alskyns vørum til tey ferðandi DÚGVAN Ragnhild Ellingsgaard Smápartafelagið á Høvdanum hevur í eina tíð rikið kioskina við fótbóltsvøllin, og ætla tey reka kioskina umborð á Dúgvuni á sama hátt, sum tann fyrra kioskin verður rikin. Broytingar á veg Símun á Høvdanum, nevndarlimur í smáparta- felagnum á Høvdanum, greiðir frá, at enn er so stutt tíð fráliðin, síðan felagið yvirtók kioskina, og tí eru ongar stórvegis broytingar komnar longu nú. – Men innan stutta tíð skuldi ein helst sæð, at tað nú eru vit, sum reka kioskina, sigur hann. Her sipar hann til, at onkrar smávegis broytingar longu eru í umbúna, og kunnu tey ferðandi gleða seg til eitt størri úrvæl umborð. Í eina tíð hava eingi bløð verið at fingið umborð á Dúgvuni, og úrvælið í kioskini hevur verið so sum so. Men sum Sosialurin skilur á Símuni, so verður alt hetta broytt. – Fyrimunurin við at reka eina kiosk umborð á Dúgvuni er, at har ferðast millum 50 og 100 fólk við hvørjum túri. Um tú hevur okkurt at bjóða øllum hesum fólkum, so fært tú tey eisini at keypa frá tær, heldur hann. Harafturat hevur felagið ætlanir um at breiðka úr- vælið umborð, soleiðis at kioskin eisini kemur at selja breyð og annað gott. Eins og Smyril ger. – Tað mest umráðani er at hava okkurt til øll, og at veita eina góða tænastu, sigur Símun í stuttari viðtalu við Sosialin. Kioskin umborð á Dúgvuni skift leigara Innan stutta tíð skuldi ein helst sæð, at tað eru vit, sum reka kioskina, sigur Símun á Høvdanum Hárviðgerð og húðrøkt á sama staði Heilt fitt av kundum hava verið inni í teim hugnaligu hølunum hjá Tinu og fingið onkra av teim mongu viðgerðunum, sum hon bjóðar ComData í Klaksvík: Seta húsini upp av nýggjum Flestu klaksvíkingar munnu minnast kvøldið fyri góðum tveimum árum síðani, tá teldufyritøkan ComData nærum brendi í grund. Síðan eldin hevur fyritøkan húsast í tí partinum av húsinum, sum ikki brendi, men nú verður farið undir at byggja alt upp av nýggjum Nýggi bygnurin kemur at standa á sama staðið, har tann nú niðurbrendi bygningurin stóð. Í farnu vikuni fóru menn undir at ríva allan tann gamla bygningin niður – Mong fáa ágóðan av tí virksemi, sum vinnan fremur, sigur formaðurin í Føroya Reiðarafelag, Jákup Sólstein. FISKIVINNA Vilmund Jacobsen Á aðalfundi Føroya Reið- arafelagsins herfyri vísti Jákup Sólstein í síni for- mansfrágreiðing á, at limir felagsins høvdu eitt gott ár í fjør. Hetta merktist eisini aftur í samfelagnum ann- ars. – Gongur væl hjá høvuðs- vinnuni, gongur eisini væl hjá landinum. Hann segði, at avreiðing- arvirði fór yvir tær tvær miljardirnar, og at bara lim- irnir í Reiðarafelagnum høvdu hýruútreiðslur uppá 740 milj. krónur. – Taka vit umsitingarløn- ir og avlop við, man okkara beinleiðis ískoyti bara í skatti liggja væl yvir 300 milj. krónur. Hetta svarar til 66 oyru fyri kg., sum reið- arar og fiskimenn lata al- mennu kassunum, segði Jákup. Fellir á mong Hann vísti á, at torørt er at siga, hvat beinleiðis av- reidda virði av hesum virk- semi er, men helt, at talan man vera um hundraðtals miljónir, ið árliga verða vunnar av bankum, trygg- ingarfeløgum, oljufeløgum, skipasmiðjum, reiðskaps- framleiðarum, heilsølum, flutningsfeløgum og aðrari tænastuvinnu. – Tað eru heldur ikki so fá almenn arbeiðspláss, ið eru ein beinleiðis avleiðing av tí virksemi, sum vinnan fremur. Jákup helt, at hetta eigur at geva teimum okkurt at hugsa um, sum í tíð og ótíð eru úti um seg við ymiskum pástandum um fiskivinn- una. – Tí, tað eru tey, sum halda, at fiskivinnan einans er eitt fyribrigdi, sum á meira ella minni ólógligan hátt hevur tiltuskað sær rættin til »ogn Føroya fólks« uttan at gjalda nakað fyri tað, segði formaðurin í reiðarafelagnum. Gongur væl hjá høvuðsvinnuni, gongur eisini væl hjá landinum – Fiskivinnan er ikki eitt fyribrigdi, sum á meira ella minni ólógligan hátt tiltuskar sær rættin til »ogn Føroya fólks« uttan at gjalda nakað fyri hetta, sigur Jákup Sólstein – Í ringasta føri kann samfelagið missa einar 300 milj. krón- ur, um rækjuflotin verður mistur, sigur formaðurin í reiðara- felagnum. FISKIVINNA Vilmund Jacobsen Á aðalfundi reiðarafelag- sins vísti Jákup Sólstein á, at botnfiskaveiðan undir Føroyum hevur verið rætti- liga støðug seinastu 20 ár- ini burtursæð frá tíðar- skeiðinum, 1991-1994. – Miðalveiðan liggur um 100.000 tons, og tað er tað, sum fiskað verður undir núverandi dagaskipan, segði hann. Jákup segði, at ofta verða samanburðir gjørdir við gomul hagtøl – alt eftir, hvat hesir samanburðir skulu nýtast til, men ansast má eftir, at allar fyritreytir verða tiknar við. – Tað er ein sannroynd, at tey øki, sum í dag eru opin fyri veiði, eru sera nógv skerd í mun til áður. Veru- leikin er eisini, at í dag eru tað færri skip, sum fiska ár- ligu nøgdirnar. Hann helt, at vit saman- umtikið kunnu siga, at trýstið á fiskastovnarnar í dag er nógv minni, enn tað var í teimum tíðarskeiðum , vit plaga at samanbera við. Um heimaflotan, segði Jákup Sólstein, at hann hevði eitt gott ár í fjør. Nótaskipini og verk- smiðjutrolarar gott ár Bæði í nøgd og virði var seinasta ár hjá nótaskip- unum sera gott, og hetta kemst serliga av, at prísurin á sildini var so góður. – At bæði nøgd og prísur á makreli vóru so optimal, sum ongantíð áður, gjørdi støðuna uppaftur betri. Aftrat hesum kundu skipini fiska óavmarkaðar nøgdir av svartkjafti í 2001, og fiskiskapurin var sera góð- ur. Jákup segði seg ikki vænta, at svartkjaftanøgdir- nar í ár verða í nánd av tí, tær hava verið. Formaðurin í reiðara- felagnum segði, at verk- smiðjutrolararnir høvdu eisini eitt gott ár í fjør. – Nøgdirnar vuksu, og kemst hetta av fiskiskapi- num í Irmingarhavinum. Veiðivirði í 2001 var tó tað sama sum í 2000. Hann segði, at úrslitið hjá verksmiðjutrolarunum er tengt at teimum sáttmálum, vit fáa við Russland og Noreg eins og útlitunum fyri fiskastovnunum í Barentshavinum. – Noregssáttmálin er somuleiðis nær tengdur at teimum møguleikum, sum norsk línuskip fáa á djúpum vatni undir Føroyum, og russarasáttmálin er tengdur at svartkjafti og makreli í føroyskum sjógvi. Jákup segði, at hetta kann koma at geva okkum trupulleikar í framtíðini. Rækjuskipini sera illa fyri Meðan formaðurin í reið- arafelagnum kundi fegnast um gongdina hjá heimaflota- num, nótaskipunum og verk- smiðjutrolarunum, harmað- ist hann um støðuna hjá rækjuflotanum. – Rækjuflotin er sera illa fyri. Hetta kemst av teim- um sera lágu rækjuprís- unum og teimum til tíðir høgu oljuprísunum, sam- stundis sum rækjufiski- skapur er ein sera orku- krevjandi vinna. Hann segði, at fleiri upp- skot hava verið frammi um, hvussu trupulleikarnir hjá rækjuskipunum kunnu loysast. – Bæði felagið Rækju- skip og Føroya Reiðara- felag hava vent sær til myndugleikarnar, men tað er einki, sum bendir á, at nøkur stig verða umhugsað og enn minni tikin fyri at finna leiðir burtur úr krepp- uni. Jákup vísti á, at hóast veiðimøguleikarnir hjá rækjuflotanum eru rímiliga góðir, er tað ikki møguligt hjá flotanum í verandi støðu at framleiða seg burt- ur úr kreppuni, sjálvt um nøgdirnar í 2001 munnu vera tær størstu nakrantíð, nevniliga góð 19.000 tons. – Eg beri tí ótta fyri, at fleiri rækjuskip verða noydd at gevast, um ikki vend kemur í. Jákup Sólstein segði, at í ringasta føri kann sam- felagið missa einar 300 milj. krónur, um rækjuflot- in verður mistur. Vandi er fyri, at fleiri rækjuskip noyðast at gevast Heimaflotin, nótaflotin og verk- smiðjuflotin høvdu eitt gott ár í fjør, men hjá rækjuflotanum stendur illa til, hóast rækju- nøgdirnar vóru størri enn nakrantíð C M Y K 7 6 Brúktir bilar til sølu Sosialurin - 311820 www.ivan.fo www.ivan.fo Mazda 323 1,5 4h km. 130.000, árg. apr. 1997 75.000,- Mazda Demio 1,3 5h km. 50.000, árg. feb. 1999 99.000,- Citroen Xsara 2,0 HDi Stc. 5H km. 83.000, árg. juni 1999 140.000,- Citroen Xsara 2,0 HDi 5H km. 90.000, árg. nov. 1999 152.000,- Citroen Jumper CH. v/last km. 120.000, árg. aug. 1998 130.000,- Citroen Xantia 1,9TD 5h km. 60.000, árg. feb. 1998 118.000,- Citroen Xantia 1,8i 16V 5h km. 63.000, árg. okt. 1996 112.000,- Citroen Jumpy 1,9TD 8 ferðandi km. 28.200, árg. mars 2000 190.000,- Citroen Xsara 1,6i 5h km. 30.000, árg. feb. 1998 107.000,- Mitsubishi L300 2,5D km. 161.000, árg. juni 1994 70.000,- Ford Sierra 2,0i CLX 4h km. 110.000, árg. nov. 1991 45.000,- Peugeot 306 1,9D 4H km. 161.000, árg. mai 1995 84.000,- Seat Cordoba 1,9SDi STC. 5h km. 35.500, árg. aug. 1999 115.000,- Ford Escort 1,6i STC. VAN km. 95.500, árg. mars 1997 53.000,- Toyota Camry 2,0 GLi 4h km. 138.000, árg. aug. 1987 24.000,-