mikudagur 22. juni 2011síða 12

Mikudagur 22. juni 2011 · Nr. 71 12 Sosialurin Tekstur: Snorri Brend Myndir: Álvur Haraldsen Tað var mangan við ringum tannabiti, at føroyingar hava tosað um flogvøllin í Bergen. Hetta var eitt av støðu­ num, ið Atlantsflog hevur brúkt, tá ikki varð lendandi í Vágum orsakað av vánaligum líkindum. Men seinnapartin í gjár hendi ein rættiliga stór og kollveltandi broyting á hesum økinum: Nú verður hinvegin latið upp fyri eini nýggjari og fastari rutu millum Vágar og Bergen, og sum skal gera tað spennandi og áhugavert hjá føroyingum at vitja næststørsta býin í Noregi. Mong søgulig bond hava verið og eru framvegis mill­ um londini bæði. Nú verður eitt nýtt samband skapt við hesi rutuni hjá Atlants­flogi, ið fer at verða til fyrimuns fyri vinnu­lív, handilslív, lesandi, ferða­vinnu og tey mongu ið hava familju báðumegin Atlants­havið. -- Tað hevur sín týdning at ein nú aftur fær regluligt ferðasamband millum lond­ ini bæði. Ynskiligt verður sjálvandi, at samvinn­an millum londini fer at gerast enn betrií framtíðini, sigur Torben Foss sum væntar sær nógv av hesi flogleiðini. Alt árið Atlantsflog hevur áður flogið til Stavanger, men í ár verður bert flogið til eittans staðið - Flesland flogvøllin við Bergen. Í fyrstu syftu verður flogið higar tvær ferðir um vikuna - hósdag og sunnu­dag - teir næstu tríggjar mánaðir­nar. Fyrsta fráferðin verður 23. juni og tann seinasta 28. august. Men sum skilst er ikki óhugsandi, at ein seinni fer at víðka túratalið á hesi nýggju rutuni. Á samkomu á flog­vølli­num við Bergen seinnapartin í gjár nevndi Magni Arge, stjóri í Atlantsflogi at hetta tíðar­av­ markaða sambandi bert er at meta sum ein byrjan. – Okkara vón er, at vit kunnu fáa eina fasta rutu higar alt árið um eini 3 til 5 ár. Tað veldst alt um undir­ tøkuna, vísti hann á. Fleiri rutur Fyri Torben Foss, ið nú starvast sum løgfrøðingur, men sum áður hevur starv­ ast sum fulltrúi í norsku stjórnini, hevur sambandið við Føroyar stóran týdning. Tað harmaði tí hann sum bergensara, at Smyril Line gavst at sigla higar við Norrönu. Og tað gjørdu fleiri aðrir norðmenn við honum. Eitt var tað at sambandi við Føroyar varð lagt niður. Men fyri fólkið í Bergen merkti hetta eisini, at sjó­ sam­band teirra til Het­lands varð niðurlagt, og sjósam­ bandið hjá hetlend­ing­um við Føroyar á sama hátt. – Hetta hevur eisini gjørt tað truplari hjá fólki í Bergen og vestlendingum at sleppa til Íslands. Og eg veit eisini, at ferðandi úr øðrum londum í Europa, t.d. Týsklandi eru spent uppá henda nýggja ferðamøguleikan. – Hvønn týdning henda nýggja rutan fer at fáa fyri ferðavinnuna, vinnulívið, tænastuvinnuna og onnur viðurskifti, - tað verður spenn­andi at síggja í fram­ tíðini, sigur Torben Foss. snorri@sosialurin.fo Nú verður tað gott FLOGFERÐSLA - Vit fegnast um, at Atlantsflog hevur valt at flúgva uppá Bergen. Higani stendur eitt opið portur til onnur lond, sigur bergensarin og Føroyavinurin Torben Foss, nú fyrsti almenni túrurin verður flogin hagar í morgin. - Henda farleiðin fer at hava stóran týdning fyri bæði føroyingar og okkum Úr Bergen til útheimin Flesland flogvøllurin er ein av stóru flogvøllunum í Noregi. Og her verður eisini av álvara arbeitt við at menna tænasturnar og finna nýggjar flogleiðir. Rutan, sum Atlantsflog byrjar í morgin millum Bergen og Føroyar, er bert ein av teimum nýggju rutunum sum ein er farin undir í ár. Í mars byrjaði flogfelagið Skyways eisini at flúgva til Stockholm og í apríl byrjaði British Midland International at flúgva til London. Í fjør vórðu fleiri nýggjar rutur settar á stovn, millum annað til Antalya, Barcelona, Keyp­manna­ havn, Rom, Gdansk Helsinki. Sum skilst arbeiða flogfeløg eisini við at byrja rutur til Madrid, Manchester, Milano, Moskva og St. Pætursborg. Hetta vil so aftur siga, at teir føroyingar sum ferðast teir umleið 70 minuttirnar til Bergen, fáa møguleika at flúgva beinleiðis hagani til nógvar av teimum stóru býunum í Europa. GRØNT LJÓS Áðrenn farið varð á flog vórðu røður hildnar á flogvøllinum í Vágum. Her klippir Jóhan Dahl grøna snórin, meðan Magni Arge fegnast. Nú er grønt ljós at flúgva til Bergen