fríggjadagur 8. juli 2011síða 42

Sosialurin nr. 78 · 8. juli 2011 10 skemt Uni Holm Johannesen uni@sosialurin.fo Tá vit komu inn í stóra sal í Norður­ landahúsinum í gjár, funnu vit tveir mans í undirbuksum – rættiliga ser­ merktum undirbuksum, skal sigast. Tað vísir seg, at teir eru í ferð við at gera eina sketch um ... Pipar & Salt. Og tað hevur sína frágreiðing: Pipar & Salt plaga at grína at teimum, sum eru frammi í samfelagnum – serliga um fólk hava gjørt sær eitt sindur fyri skommum, ella okkurt ikki er gingið heilt eftir vild. Men í 2009 komu teir báðir skemt­ar­ arnir sjálvir í miðlamylluna, tá Spf. Pipar & Salt – sum so mong onnur – misti all­ar sínar ognir orsakað av kollaps­ inum í Eik. »Pipar & Salt á heysin« kunn­gjørdi forsíðan á Sosialinum við stór­um stavum. Tí er ikki meira enn rímiligt, at Pipar & Salt gera eina sketch um Pipar & Salt. At teir eru í undirbuksum kemst lutvíst av, at teir stóðu spillnaknir eftir, tá ævin­týrið við partabrøvunum endaði, og lutvíst av, at teir fara at royna ein ann­an vinnuveg eftir at spekulatiónin førdi teir í óføri. Ein vinnuveg, sum hevur fingið nógva umrøðu síðstu tíðina: Strip Tease! Spurdir um teir ikki eru dekan ov gamlir og fánaðir til nú at fara undir hetta slagið av vinnu, svara teir, at tað mugu onnur døma um – men mann má royna at fylgja við tíðini, sum teir taka til. Meira nakið Burtursæð onkrari lítlari (men, tað skal sigast, ógvuliga sermerktari!) kulissu, er ikki nógv á pallinum. – Vit gera tað eitt sindur øðrvísi hesaferð. Vit hava einki orkestur, fáar kulissur, og ikki so nógvar búnar. Hetta verður eitt millumting millum eina van­liga P&S framførslu og eina stand- up framførslu. Men nógvir av teimum kendu figur­ unum hjá P&S verða kortini við. Av nøkrum búnum sum liggja og sløð­ast á pallinum kann skjótt stað­ festast, hvør ið hvussu er verður við: Tvær grovmæltar flakakvinnur úr Suðri, Kalle og Børge, tveir danskir turistar og onkur kendur gjeikari. Men so eru eisini búnar, sum ikki áður hava ver­ið at sæð í Pipar & Salt høpi. Spurdir, hvussu teir vænta, at tað fer at rigga hesaferð, siga teir, at tað er ógjør­ligt at meta um. – Men vit hava havt eina royndar­ sýning á Tvøroyri og eina í Vestmanna við einum parti av tilfarinum, og tað riggaði rímiliga væl. Grovt Er nakað gjøgnumgangandi tema í fram­førsluni? – Ja, altso tað, at vit nú vita, at Føroy­ ar vóru bygdar longu í ár 300, fyllir nokkso nógv. Tað er jú rættiliga av­ ger­andi, nýggj vitan, sum eisini reisir nógv­ar spurningar. Teimum fara vit at royna at svara. Tá Sosialurin kom at sneyta, gingu teir í undirbuksum og gjørdu eina strip- tease sketch. Og kulissan hjá teimum ber eisini brá av onkrum líknandi. Eru P&S blivnir meira morð­ reyðir á gamals­aldrinum? – Tjae. Ja, kanska. Tað er ikki tilvitað, men tá vit hyggja at skránni kunnu ikki nokta fyri at ein partur av tilfarinum hevur hug at fara eitt sindur tann vegin. Tað mann nokk vera panikkaldurin, sum ger tað. Biologiini kann eingin renna undan, siga teir grínandi. - Nei nei, hetta er nokk ikki øðrvísi enn tað plagar, tá tað kemur til stykkis. Arbeiða við eykasýningum Grovir ella ei – eingin í Føroyum dregur so nógvar áskoðarar, sum Pipar & Salt. Eitt árið fór áskoðaratalið heilt uppum 10.000. Og í fjør kláraðu teir næstan at fylla ítróttarhøllina á Hálsi trý kvøld upp í slag – og tað vóru gerandiskvøld mitt í viku. Og hóast teir ikki hava ætlað at gjørt so nógv burturúr hesaferð – t.d. er einki orkestur við – so eru sýningarnar mána- og týsdagin longu nærum útseldar. – Tað er nógv á skránni í Norður­ landa­húsinum um summarið, men vit kanna nú møguleikan fyri at fáa onkra eyka­sýning. Eydnast tað, verður tað lýst mánadagin. Og atgongumerkini kunnu keypast í Norðurlandahúsinum og á heima­síðuni www.nlh.fo. Nú fara Pipar & Salt at strippa Teir hava roynt seg saman og hvør sær. Eru vorðnir fólkaogn. Mánadagin fara Pipar & Salt enn einferð á pallin í Norðurlandahúsinum við einum spildurnýggjum showi, har teir millum annað gera gjøldur við sær sjálvum Nr. 201 • Mikudagur • 21. oktober 2009 • 83. árg. • Kr. 20,00 Russisk sensa­ sjón Brandur bakkar ikki fyri Páll Atlantic Supply Base: Halda lív í vónini um oljuna Síða 10-11 Tingformaðurin: Arbeiðir við fleiri valdømum Síða 4 Ítr 20 PiPAR og sAlt á Heysin Felagið handan Pipar & Salt, sum Sjúrður Skaale og Jákup Veyhe eiga, stendur á so djúpum sjógvi fíggjar­ liga, at tað ikki longur grynnur. Felag­ ið var væl fyri í 2005, men eitt stórt lán og eitt miseydnað ævintýr við partabrøvum gera, at felagið helst fer á húsagang nú Síða 4 Bilaleiga b i l a s ø l a Verkstaður D e k k s ø l a 449111 www.bbr.fo Vegurin Langi · Hoyvík · Tel 353040 Við Borðoyavík · Klaksvík · Tel 473040 Teldupostur: rs@reyniservice.fo Today Tomorrow Toyota www.reyniservice.fo Kom og royn tann nýggja Avensis Prísir úr 258.850,- Sertilboð AVMARKAÐ NØGD! Tekna árshald av Sosialinum og fá Frændur fløgu og konsert atgongumerkir ókeypis! - Sí lýSing inni í blaðnum Síða 2 Henda forsíðan á Sosialinum hevur ført til eina sketch í nýggju framførsluni