fríggjadagur 26. august 2011síða 40

Sosialurin nr. 98 · 26. august 2011 8 Bygningsverk Leo Poulsen leo@sosialurin.fo Tað byrjaði longu so smátt í 2004. Tá skrivaði íslendska stjórin út eina arki­ tektakapping, sum skuldi umfata eitt stórt øki, har fleiri ymiskir bygn­ingar skuldu byggjast. Talan var at byrja við um Harpuna, men eisini Hotell, íbúðarbygningar, banka­miðstøð, handlar og einlistaskúla um­framt 2000 parkeringspláss undir jørð. Ósbjørn Jacobsen, sum í dag er parta­eigari í fyritøkuni, hevur síðan 2000 starvast hjá kenda danska arki­ tektafelagnum, Henning Larsen, ið varð stovnað í 1950’unum, og sum hevði tekn­að fleiri kend bygningsverk. – Eg varð so spurdur, um eg hevði hug at standa á odda fyri hesari kapp­ ingini, og tá eg hevði royndir innan arki­tektakappingar, og hetta ljóðaði sum ein ógvuliga spennandi verkætlan, fór eg til Íslands í augusgt 2004 til al­ menna kunning um verkætlanina, sigur Ósbjørn Jacobsen. Arkitektafyritøkan Henning Larsen varð stovnað av mannium, ið gevur fyri­tøkuni navn, og helt fyrr til í kendu gøt­uni Vimmelskaftet, ein bústaður, sum er vælkndur frá spælinum, sum á donskum eitur Matador. Í dag heldur fyritøkan til á Vester­ brogade í Keypmannahavn, og telur eini 170 starvsfólk. Í trimum stigum Arkitektakappingin fór fram í trimum stigum, public, private, partnering. – Tað var soleiðis, at vit í hvørjum stigi arbeiddu út frá tí feed-back, sum vit fingu. Í hesum førinum var tað gjørt á henda hátt í trimum stigum, so tú hevur møguleika at tillaga verkætlanina eftir teimum ynskjum, ið komu fram gjøgnum tilgongdina. Í øðrum førum verður alt gjørt undir einum, og tú leggur fram eina endaliga verkætlan, og so má tað røkka ella støkka, sigur Ósbjørn Jacobsen. Í hesari verkætlanini var ein stórur brúkarabólkur tikin við, saman við tí almenna. – Tað gekk eitt snøgt ár frá tí, at eg var í Íslandi til kunnandi fund, til enda­ liga verkætlanin varð latin inn. Hetta var í august 2005, og vit fingu rættiliga skjótt at vita, at vit høvdu vunnið kapp­ ingina, sigur Ósbjørn Jacobsen. Sum nevnt skuldi verkætlanin verða munandi meiri umfatandi, enn hon stendur í dag. Tí umframt konsert- og operahúsið skuldi eisini byggjast hotel, íbúðir, handilshølir í stovuhæddini, ein listaskúli, og so skuldu byggjast 2000 parkeringspláss undir jørð. Men íslendska búskaparkreppan steðgaði hesum, so tað í fyrsta umfari bert er talan um konsert- og ráð­stevnu­ húsið, ið verður bygt. Tvey ára fyrireiking Í august 2005, tá tað stóð greitt, at Henning Larsen Architects, sum fyri­ tøkan eitur nú, fekk arbeiðið at tekna bygningskompleksið, var av álvara farið undir at tekna. – Tað vórðu settir yvir 30 arkitektar á arbeiðið, og samstundis fóru vit í eitt samstarv við eina íslendska arkitekta­ fyritøku, ið nevnist Battaríið. Teir sendu seks fólk til Danmarkar, sum eis­ini vóru við í arbeiðinum at tekna bygn­ings­ kompleksið, sigur Ósbjørn Jacobsen. Ikki óvætnað bleiv gøtumaðurin, ið hevði verið við í arbeiðinum frá byrjan, settur sum byggilistarligur leiðari fyri verkætlanini. Tá arbeiðið soleiðis so spakuliga var byrjað, fóru íslendsku byggiharrarnir at fyrireika byggingina, og tíðliga í 2006 varð farið undir jørðarbeiðið. – Arbeiðið við at gera byggi­tekn­ Íslendski stoltleikin er partvís føroyskur Leygardagin var longu nú víðagitna bygningsverkið, Harpan, alment tikin í nýtslu. Harpan er eitt risa konsert- og ráðstevnuhús, ið upprunaliga var ein partur av einari størri bygningsætlan, sum orsakað av búskaparliga kollapsinum í Íslandi varð skorin niður til bert at umfata Harpuna í fyrsta umfari. Og tað er gøtumaðurin, Ósbjørn Jacobsen, ið hevur verið leiðandi arkitektur í verkætlanini frá byrjan til enda mynd: jens k