mikudagur 31. august 2011síða 3

3 Mikudagur 31. august 2011 · Nr. 100 Sosialurin Áki Bertholdsen Nú fer tað at verða bíligari at fáa sær tak yvir høvdið. Tað er endamálið við ein­ um uppskotið, sum Aksel V. Johannesen, lands­stýris­mað­ ur í fíggjarmálum, nú leggur fyri Løgtingið. Uppskotið, hann hevur lagt fyri Løgtingið í hesum sambandi, er at broyta lógina fyri Húsalánsgrunnin so at hann nú eisini kann fíggja leigu­íbúðir, lutaíbúðir og eigara­íbúðir. Uppskotið er lagt fram í semju ímillum Sambands­ flokkin, Javnaðarflokkin og Tjóðveldi. Umframt at fíggja bú­ staðar­bygging, fer nú eisini at bera til hjá Húsa­láns­ grunn­inum at byggja íbúðir sjálvur, antin einsamallur, ella saman við kommunum ella fel­ags­skapum. Hesar bústaðir kann Húsa­lánsgrunnurin eisini sjálvur eiga og reka, antin einsa­mallur, ella saman við komm­unum ella øðrum felags­skapum. Stórt framstig Aksel V Johannesen sigur, at hetta er eitt stórt framstig, serliga tá ið hugsað verður um leiguíbúðir, sum tað er stórur tørvur á í Føroyum. – Nú fer tað at bera til at byggja bústaðir, har leigan verður so mikið bílig, at stakir uppihaldarar, lesandi, ung húski við børnum og ymsir samfelagsbólkar við serligum tørvi, eisini fáa ráð til at fáa sær líkinda tak yvir høvdið, sigur landsstýrismaðurin. – Hetta verður eisini ein møgleiki hjá pensjónistum, sum vilja sleppa sær av við eini sethús, sum eru dýr at halda fyri ístaðin at fáa sær eina bíliga íbúð. – Hetta fer at geva okkum ein munandi fjølbroyttari bú­staðarmarknað, enn vit hava nú og tað hevur stórur tørv­ur verið á, leggur hann afturat. – Annars er útboðið av íbúðum til leigu rættiliga lítið. Hartil eru íbúðirnar, sum eru til leigu, eisini mang­ an rættiliga dýrar og rætt­iliga vánaligar. – Men við hesi nýggju lógar­broytingini fer at bera til at byggja dygdaríbúðir, sum verða so mikið bíligar at leiga, at tað skulu øll fáa ráð til. aki@sosialurin.fo Nú verður bíligari at útvega sær bústað BÍLIGIR BÚSTAÐIR Nú verður lógin broytt so at tað fer at bera til at byggja íbúðir, sum verða so bíligar at leiga, at øll skulu hava ráð til at fáa sær tak yvir høvdið Stórur tørvur Í Føroyum er stórur tørvur á íbúðum, sum kunnu fáast til leigu fyri ein so bíligan penga, at stakir uppihaldarar, pensjónistar og fólk við ymsum serligum tørvi, fáa ráð at útvega sær ein virðiligan bústað. Nú verður tað veruleiki Tilvildarlig mynd: Jens Kristian Vang Tá ið lógin um Húsaláns­ grunnin verður broytt, so­leiðis sum greitt verður frá í hinum greinunum her á síðuni, fer tað at bera til at byggja íbúðir, sum fólk kunnu leiga fyri ein sámu­ ligan kostnað. Aksel V. Johannesen sigur, at ein leyðslig meting sigur, at ein íbúð kann leig­ ast fyri einar 4000 krónur um mánaðin, ella gott tað. Siga vit, at ein íbúð kostar 1,3 millión at byggja og at Húsalánsgrunnurin skal hava eitt avkast upp á 3%, umframt at 1000 krón­ ur verða kravdar inn um mánaðin til røkt, fer hetta at geva eina leigu upp á slakar 4.300 krónur um mán­aðin. aki@sosialurin.fo Nú fer at bera til at byggja dygdaríbúðir, sum verða so mikið bíligar at leiga, at tað skulu øll fáa ráð til 4.300 krónur í leigu Uppskotið, sum nú er lagt fyri Løgtingið um at broyta Húsalánsgrunnin, fevnir ikki um at lata grunnin læna til vanlig sethús eisini. – Húsalánsgrunnurin hev­ur ognir fyri 650 milli­ ón­ir, men av teimum eru 300 milliónir læntar út. Tað merkir, at Húsa­ lánsgrunnurin hevur eitt gjaldføri upp á 350 milli­ ónir og tað er ikki nógv, tá ið hugsað verður um, at tilsamans hava føroyingar 5,7 milliardir í láni til set­ hús. – Tí halda vit, at fæið hjá Húsalánsgrunnurin skal fyrst og fremst tryggja teim­um ein virðiligan bú­ stað, ið annars ikki hava ráð til tað, soleiðis sum um­ støðurnar eru nú. – Skal Húsaláns­grunn­ urin eisini læna til vanlig sethús, skal hann sjálvur læna pening at læna út aftur og so er spuringurin um hann klárar at kappast við bankarentuna, tá ið saman­um kemur. Aksel V. Johannesen sigur, at hinvegin er Fíggjar­málaráðið í ferð við at kanna um tað ber til at skipa ein føroyskan real­ kreditt, sum kann fíggja sethús. Ber tað til, kann Húsa­ lánsgrunnurin koma upp á tal tann vegin. aki@sosialurin.fo 600 milliónir