mikudagur 11. februar 2004síða 5

8 Nr. 28 - 11. februar 2004 Nr. 28 - 11. februar 2004 9 Skil skal fáast á fyrisitingina Nýggi landsstýris- maðurin við fiski- vinnumálum, Johan Dahl, ætlar, eftir nøk- ur buldraslig ár, at fáa skil á fyrisitingina í Fiskimálaráðnum aftur. Hetta skal mill- um annað gerast við eini dygdarmenning- arætlan fyri allan stovnin. Nýggi lands- stýrismaðurin er framvegis sannførdur, at FAS-skipanin kann fáa kreppuraktu rækjuvinnuna upp á føtur aftur NÝGGJUR LANDSSTÝRISMAÐUR Páll Holm Johannesen pall@sosialurin.fo Klokkan er seks fríggja- morgunin 30.januar á Gamla Apotekið. Javnaðar- flokkurin, Sambandsflokk- urin og Fólkaflokkurin royna at leggja síðstu hond á samgongusamráðingarnar. Higartil hava samráðing- arnar gingið strúkandi, men fyrsti veruligi knúturin hev- ur verið í nátt. Stríð hevur tikið seg upp um landsstýr- issessin í fiskivinnumálum. Sambandið og Fólkaflokk- urin vilja báðir hava sessin og hvørgin vil geva seg. Leskandi blandingin av sigarettum og kaffi hevur veruliga fingið bein at ganga á í nátt og reyðu og troyttu andlitini bera boð um, at umboðini fyri Sam- bandsflokkin og Fólka- flokkin hava ongar ætlanir um at geva seg. Mánadagin 11. februar eru eingin reyð og troytt andlit at síggja. Sveittalukt- urin uttanfyri fíggjarnevnd- arhølini á Gamla Apoteki er eisini burtur. Í einari stásiligari skriv- stovu yviri við Strond, situr nýggi landsstýrismaðurin við fiskivinnumálum og sær út yvir Nólsoyarfjørð. Sambandsflokkurin vann stríðið við Fólkaflokkin um landsstýrismannin við fiskivinnumálum og skal komandi fýra árini sita fyri málsøkinum. Stásiliga kontórið í Fiski- málaráðnum við frálíkari útsýninum yvir Nólsoyar- fjørð eigur 44 ára gamla vágbingurin, Johan Dahl, komandi fýra árini Fáast í rættlag Nýggja arbeiðsplássið hjá Johan Dahl, hevur seinnu árini fleiri ferðir fingið átalu fyri vánaligan fyrisit- ingarsið. Bæði fyrrverandi løgmaður, Anfinn Kalls- berg og Løgtingsins Um- boðsmaður hava alment átalað Fiskimálaráðið fyri óhepna málsviðgerð. Ein avleiðing var, at ein fulltrúi varð loystur úr starvi. Sonevndi horvni fulltrúin er kortini settur aftur í starv í Fiskimála- ráðnum. Nýggi landsstýris- maðurin við fiskimálum, Johan Dahl, er fullgreiður yvir trupulleikarnir, sum hansara nýggja arbeiðs- pláss hevur havt seinastu árini. Fyrrverandi Fiskimála- ráðharrin, Jacob Vester- gaard, setti í verk ein bólk við fólkum úr Fiskimála- ráðnum og uttanfyri fyri- sitingin at kanna og kort- leggja trupulleikarnir í fyri- sitingini og hvørjar ábøtur kunnu fremjast. – Arbeiðið hjá leiðslu- bólkinum skal sjálvsagt halda fram. Bólkurin skal tryggja, at vit ikki fáa somu trupulleikar í fyrisitingini aftur og at vit fáa rættlag í málsviðgerðina, sigur Joh- an Dahl Nýggi landsstýrismaður- in dugir í løtuni ikki at siga nær leiðslubólkurin kemur á mál við sínum arbeiði. Hann sigur, at arbeitt verð- ur miðvíst við at fáa eina vælvirkandi og dygdar- mennandi skipan fyri alt Fiskimálaráðið og málið er, at arbeiðið verður í seinasta lagi liðugt 1. januar 2006. Vinnan hoyrast Johan Dahl er ikki ein royndur politikkari. Hann stillaði fyri fyrstu ferð upp til Fólkatingsvalið í 2001 og í 2002 játtaði hann at stilla upp fyri Sambands- flokkin í Suðuroy. Johan fekk 300 persónligar at- kvøður og fekk sætið á tingi. Á valinum 20. januar í ár varð hann afturvaldur. Nú honum beyðst møgu- leikan at gerast landsstýris- maður, valdi Johan Dahl at taka av. Eitt av fremstu mál- unum hjá Johan er at taka føroyska vinnulívið í størri mun upp á ráð í teimum avgerðum, sum Fiskimála- ráðið tekur. – Vinnan og Fiskimála- ráðið mugu ganga hond í hond. Saman mugu vit finna hóskandi skipanir bæði á landi og sjógvi. Eg verið opin fyri signalum bæði inni og uttanfyri vinn- una. Eg ætli mær eisini í næstum at vitja vinnuna, har eg fái høvi at hoyra meiningarnar hjá reiðarum, fiskimonnum og virkisleið- arum sigur Johan Dahl FAS-skipanin er svarið Fyrrverandi landsstýris- maðurin, Jacob Vester- gaard, fýltist fyri nøkrum mánaðum síðan í eini við- talu við Sosialin á, at eingin politisk loysn var funnin til kreppuraktu rækjuvinnuna. Hann vísti á, at vinnan sjálv var komin við nógvum hugskotum, men trupul- leikin var, at samgongan kundi ikki finna eina semju um uppskotini. Í farna samgonguskeiði legði Sambandsflokkurin fram uppskot um eina FAS- skipan fyri rækjuvinnuna. Henda skipan er eftir sama leisti sum FAS-skipanin fyri farmaflotan, har reið- aríini fáa afturborið ein part av skattinum. Johan Dahl er framvegis sannførdur um, at ein FAS- skipan kann vera við til at fáa føroysku rækjuvinnuna upp á føtur aftur. Hann leggur afturat, at henda útsøgn er persónlig og ikki eitt útspæl frá samgonguni. – Støðan er hættislig. Vit missa skip og onnur flagga út. Hetta er eitt stórt pro- blem, tí vit missa bæði hýrur og virksemi á landi og harvið eisini inntøkur til landið, sigur hann Hann heldur ikki, at ein FAS-skipan fyri rækjuflot- an kann sammetast við ein beinleiðis stuðul til rækjuvinnuna. – FAS-skipanin skal bert galda í tvey ár. Í hesum tíð- arskeiði skulu vit skaffa vinnuni so góðar vinnu- møguleikar sum gjørligt. Røkir tú ikki tíni rættindi, er stórur vandi fyri, at vit missa tey. Vit hava nøkur søgulig rættindi í dag og tað er sera umráðandi, at vit varðveita tey. Vit fáa bara varðveitt tey við at halda á við at fiska, sigur Johan Dahl. Gransking í hásætið Í samgonguskjalinum mill- um Javnaðarflokkin, Sam- bandsflokkin og Fólka- flokkin leggja flokkarnir dent á, at skal føroyska vinnulívið stimbrast og mennast, er neyðugt at størri dentur verður lagdur á gransking. Granskingin er eisini ein týðandi partur av ætlan- inum hjá Johan Dahl sum Fiskimálaráðharra. Hann heldur, at føroyingar eiga at seta sær sum mál at gerast matvøruútflytari heldur enn ráðvøruútflytari. Hetta skal millum annað gerast við øktum samstarvi millum vinnulívið og granskingar- umhvørvið – Vinnan og granskingin mugu tosa meira saman. Vit hava í dag nakað av bio- tøkni og hetta skal mennast. Fáa vit granskingina upp í vinnuframleiðsluna gerast produktini meira virðis- mikil. Hetta er sjálvsagt eitt langsikta mál og vit vita øll, at gransking er kostnaðar- mikil fyrstu árini, men við vunnum úrslitum, kemur tað at betala seg seinni, sigur Johan Dahl. Tomasju skattaskipan skapar inntøkur Undanfarna samgonga ar- beiddi við at seta ein sonevnda tomasjuskatta- skipan í verk. Undirtøkan var kortini ikki fyri ætlanini og tí datt skipanin niður- fyri. Johan Dahl ætlar sær at kanna uppleggið hjá undan- farnu samgongu um tosm- asjuskattaskipanina. Skip- anin snýr seg í stuttum um, at útlendsk skip skulu fáa møguleika at skráseta seg í Føroyum. Spurdur um fyrimunirnar við eini slíkari skipan, svar- ar Johan, at ein tomasju skattaskipan kann verða við til at leggja bæði útlendskar pengar og vitan eftir seg í Føroyum. – Føroyar eru upplagdar til at skráseta síni skip í. Vit hava nógva vitan innan skip, skiparakstur og umsit- ing í Føroyum. Vit hava vælvirkandi klassa og sýn, sum eru klár at taka ímóti eini slíkari avbjóðing, sum tomasju skipanin kann blíva. Fáa vit eina slíka skipan setta í verk, kann tað gerast eitt nýtt bein at standa á vinnuliga, greiðir nýggi landsstýrismaðurin at enda frá. Navn: Johan Dahl Føddur: 19.sep. 1959 í Keypmannahavn Giftur: Linda Herdalur Børn: Jógvan, Kaj Egil, Theis og Magnus Útbúgving: Bankamaður Starvsroyndir: Arbeiddi á Faroe Ship í Keyp- mannahavn, Stjóri á Vágs Skipasmiðju 1982-90, Stjóri á World Seafood í Holte 1991-92, Eigari av sølufelagnum, NASCO, 1992-95, Starvast á A.Marr International & J.Marr Seafoods Ltd í Skotlandi 1995-96, Stovnar Faromar 1997, Stovar Faroe Cold Stores 1998, Stjóri á Kollafjørð Pel- agic 2002-03, Stjóri á Frystiterminalinum Kloost- erboer Terminal Faroe Islands í Kollafirði 2003 Politisk søga: Stillaði upp til Fólkatingsval í 2001. Løgtingsmaður síðan 2002. Landsstýrismaður 2004- Fakta Góð ráð frá Jacobi ... Jacob Vestergaard, fyrrv. Fiskimálaráðharri Fyrst vil eg ynskja tær tillukku við starvinum. Nógv rok hevur verið um umsitingina og tí vóni eg at tú letur tað arbeiðið, sum er sett í gongd, halda fram. Tað er ógvuliga umráðandi, at fólk fáa greitt at vita nær teirra mál verður viðgjørt í framtíðini. Eg haldi, at vit skulu varðveita fiskidagaskipanina og ætlar tú at fremja broytingar á hesum øki, skalt tú gera tað varis- liga, tí skipanin skal øll verða inn- takt og mann skal ikki pilka ov nógv við hana. At enda vil eg ynskja tær góða eydnu við arbeiðinum. Óli Jacobsen, formaður í Føroya Fiskimannafelag Fiskimannafelagið sigur sína hugsan... Tað er ógvuliga umráðandi, at vit fáa eitt gott samstarv við fyrisitingina. Umsitingin hevur ikki fungerað, eftir at Anfinn Kallsberg gjørdist løgmaður og tí ræður um at fáa rættar- og fyrisitingarreglur at rigga aftur. Hetta er ein akuttur trupulleiki, so má loysast skjótast gjørligt. Eg havi annars gjørt nýggja landsstýrismanninum greiðan við okkara sjónarmið í ársfrágreiðingin fyri í fjør og hann setti seg í sambandi við okkum alt fyri eitt. Hetta er eitt tekin um, at samstarvið kann gerast gott. Nýggi landsstýrismaðurin, Johan Dahl, ætlar at halda á við arbeiðinum at rudda upp í Fiskimálaráðnum, sum undan- maður hansara, Jacob Vestergaard, setti í verk. Fiskimála- ráðharrin er framvegis sannførdur um, at FAS-skipanin er vælegna til rækjuflotan, so flotin kemur á føtur aftur. Mynd: Jens Kr. Vang C M Y K 9 8