mikudagur 12. oktober 2011síða 8

Mikudagur 12. oktober 2011 · Nr. 118 8 Sosialurin Hugskot og viðmerkingar – send sms til 225000 í meldrinum vandi, og tá setti hann í seg aftur at fara at venja. – Spurningurin er ikki, hvussu hart lívið fer við tær, men hvussu hart tú upplivir slagið, og so ræð­ ur um at finna mátan at koma víðari. Gunnar Hjelm fór at venja í Yndi Fitness, og hann vandi dúgliga upp undir DM-kapp­ ingina. Tá ið hann vigaði mest, var vektin 123 kilo. Nú er hann komin niður á 84,9 kilo. Kappingin er farin afturum, men Gunnar Hjelm ætlar ikki at gevast við venjingini. Hann ætlar at venja fýra ella fimm ferðir um vikuna. Haraftrat gongur hann nógv, og tað er við fullari ferð. Hvørt einasta kvøld gongur hann ein langan túr. Samstundis hugsar hann altíð um kostin. Kanska Gunnar Hjelm dugir ikki at svara upp á spurningin, um hann aftur fer at stilla upp til DM í bodybuilding. Upp á ein máta kundi hann hugsar sær at roynt aftur, tá ið hann verður 50 ára gamal. Hann hevur trý ár at hugsa seg um í og fyrireika seg, verð­ur tað álvari. – Eg vil fegin vera ein góð fyri­ mynd hjá teimum, sum koma í somu støðu, sum eg var í. Eg hevði næstan mist meg sjálvan burtur, men kom fyri meg aftur, setti í meg at tveita 30-40 kilo av mær, og tað eydnaðist. Lívið er ikki liðugt, um vektin verður ov nógv. Tað ræður um at fóta sær, seta sær mál og stevna móti málinum. – Er vit nøgd við okkum sjálvi, verða hini nøgd við at vera saman við okkum. Útstrála vit gleði, verða hini eisini glað. – Tað størsta eitt menniskja kann gera, er at kunnu hjálpa øðrum. Eg vil fegin rætta hondina út til teirra, sum ikki við egnari hjálp megna at koma víðari, sigur Gunnar Hjelm. Gunnar Hjelm var tíðliga á fótum morgunin eftir, tí hann skuldi til Føroya. Sonurin Teit í Vági fylti 10 ár henda dagin, og hann vildi fyri alt í verðini heim í føðingardag hjá soninum. Børnini hjá Gunnar Hjelm, 13 ára gamla Siv og 10 ára gamli Teit, eru hansara eitt og alt. Hann er eisini errin av teimum. Siv dámar væl at framføra, og hon elskar at dansa. Í sein­ astu viku luttók hon í einum mótasjovi. Teit spælir fótbólt, og hann hevur fleiri ferðir spurt páp­ an, um hann kann blíva líka góð­ur fótbóltsspælari sum Ronaldo. – Eg havi svarað, at tú verður ikki líka góður spælari, um tú ikki venur, sigur Gunnar Hjelm. Røsk børn – Øll fáa onkuntíð persónligar truppulleikar og eru ólukkulig, og tá er gott at hava góðar vinir at tosa við Gunnar Hjelm, í miðjuni, gjørdist nummar tvey til DM