fríggjadagur 9. mars 2012síða 12

Fríggjadagur 9. mars 2012 · Nr. 30 12 Sosialurin Hugskot og viðmerkingar – send sms til 225000 Hvør skal gjalda? Krevja bummgjald fyri at koyra til og úr Havn SAMHALDSFESTI Fólk í Streymoy og í Eysturoy eiga ikki at sleppa undan at gjalda fyri at útbyggja okkara samferðslukervið, staðfestir borgarstjórin í Klaksvík Áki Bertholdsen – Eysturoyingar og streym­ oy­ingar eiga ikki at ganga fríir, tá ið vit tosa um at út­ vega fígging til at byggja fleiri undirsjóvartunlar. Tað staðfesti Gunvá við Keldu, borgarstjóri í Klaks­ vík. Nú kjakið aftur er kyknað um at gera undirsjóvartunnil í Sandoy og Eysturoy, hevur tann møguleikin eis­ini verið nevndur, at tunnils­gjaldið fyri at koyra ígjøgn­um Vága­ tunnilin og Norðoya­tunn­ilin, skal halda fram, eis­ini eftir at tunlarnir eru goldnir. Men tað tekur borgar­ stjórin í Klaksvík undir ong­ um umstøðum undir við. – Tað kann ikki vera mein­ ingin, at vágafólk og norðoy­ ingar einsamøll skulu rinda fyri at byggja sam­ferðslu­ kervið út, segði hon á kjak­ fundinum í Klaksvík miku­ kvøldið. – Tað ber ikki til at gera so stóran mismun á landsins borgarum, sigur hon. Nýhugsan neyðug Hon sigur, at skal talan verða um eina samhaldsfasta skip­ an, skulu tey, sum búgva í mið­staðar­økinum eisini rinda sín part. Hon sigur, at norðoyingar taka fegnir lut í uppgávuni at fíggja fleiri undirsjóvartunlar, men tað skal ikki vera við eini skipan, har bummgjald bara skal vera í Norðoyatunlinum og Vágatunlinum. – Vit hava 18 tunlar, tvær byrgingar eina brúgv og 487 kilometrar av lands­ vegi. Tí er tað burturvið, at pilka tveir undirsjóvartunlar burt­ur úr, sum bara eru 11 kilo­metrar tilsamans, og krevja, at bara tey, sum brúka teir, skulu rinda bummgjald og ikki tey, sum brúka allar hinar 476 kilometrarnar av landsvegakervinum. – Hvar er samhaldsfesti í eini slíkari skipan, spurdi hon. Gunvá við Keldu heldur, at tað er neyðugt at hugsa nýtt. – Tað er veruleikafjart at hugsa sær, at øll samferðsla á sjógvi og landi skal verða ókeypis, samstundis sum vit hava stórt hall á fíggjar­ lógini. – Sostatt eri eg samd í at vit skulu øll vera við til at gjalda. Tað kann ikki verða so, at bara ein partur í landinum skal vera við til at fíggja fram­tíðar útbyggingar. – Tí er tað øgiliga um­ráð­ andi, at vit seta nakrar bumm­ ar upp í Føroyum og eg haldi ikki, at tað skal vera forboðið at tosa um at seta ein bumm upp í Norðskálatunlinum og í Kollafjarðartunlinum, segði borgarstjórin í Klaksvík. Hinvegin ivast hon í, hvussu gott tað er at blíva við at hækka avgjøldini á brenni­evni og á vegskatti. – Vit síggja uttanlands, at tey, sum koyra, gjalda fyri tað og tað er ein tryggari vegur at fara, heldur enn at hækka avgjøldini alla tíðina. aki@sosialurin.fo – Tey, sum eiga bil, rinda ein­ar 230 milliónir um árið í Lands­kassan í skrá­setingar­ gjaldi, vegskatti og avgjaldi á brennievni. Tað staðfesti Anfinn Kallsberg, fyrrverandi løg­ maður á kjakfundinum í Klaksvík í mikukvøldið um undir­sjóvartunlar. Síðani Anfinn Kallsberg fór úr politikki, hevur hann avgjørdur sýtt fyri at gera við­merkingar til sam­felags­ mál við teirri grundgeving, at hann var farin úr politikki, so hann blandaði seg ikki upp í longur. Men spurningurin um tunnilsgjaldið hevur kortini havt so stóran týdning, at hóast hann var næstan mál­ leysur av krími, hevði hann sett seg við pallborðið á kjak­ fund­inum í Klaksvík miku­ kvøldið, at geva sína hugsan til kennar. Nýskipan á samferðsluøkinum Og hann mælti til at gera eina samferðslunýskipan, sum kundi knýtt bæði Sandoy og Suður­oy upp í meginøkið. Anfinn Kallsberg stað­ festi, at av teimum 240 millión­unum, landið fær inn í avgjøldum av teimum, sum eiga bil, fær Landsverk ikki meiri enn 49 milliónir aftur til at gera nýggjar vegir fyri. – Tað sigur seg sjálvt, at tað fíggjar ongan undir­ sjóvar­tunnil, sigur hann. Somuleiðis verða bara 50 milliónir brúktar til ábøtir á vegakervið um árið. Sostatt er niðurstøðan, at av teimum 230 milliónunum, bileigarar rinda í landskassan, fáa teir bara slakar 100 aftur. – Av tí sama rinda før­ oyskir bileigarar einar 130 milliónir krónur um árið, beint í landskassan, sum síðani verður brúkt til al­ menn­an rakstur. – Ella sagt við øðrum orð­ um, hevur landskassin 130 milliónir í vinningi hvørt ár av teimum, sum keypa og koyra bil. Nóg mikið Anfinn Kallsberg sigur, at taka vit ístaðin hesa upp­ hæddina úr almenna rakstr­ inum og marka hana til at útbyggja vekakervið fyri, er tað nóg mikið av pengum at arbeitt við, eisini til at gera undirsjóvartunlar fyri. Hann staðfestir eisini, at verða fleiri undirsjóvartunlar gjørdir, sparir landið rætt­ iliga fitt av útreiðslum til ferju­samband við øllum, sum hongur uppi í tí. Fyri Suðuroyar- og Sand­ oyar­leiðina, er talan um yvir 100 milliónir til samans. – Tá ið tunlarnir eru goldn­ ir, eigur landskassin eis­ini at binda seg til at rinda upp­ hæddina, sum verður spard við tað, at ferjurnar ikki sigla, í hesa somu pulju í eini 15 ár. – Tað hevði verið ein rætt­ ilig samferðslunýskipan og ikki bara ein lappaloysn, helt Anfinn Kallsberg. – Hugsa vit um, hvussu nógv hetta kostar lands­ kass­anum hesi næstu 20-30 árini, eru upphæddirnar so stórar, at vit hava als ikki ráð at drála við at byggja undir­ sjóvartunlar, heldur Anfinn Kallsberg. Hinvegin er hann eisini sannførdur um, at soleiðis sum støðan er í dag, ber rætt og slætt ikki til at fíggjar nýggjar undirsjóvartunlar um­vegis fíggjarlógina, tí har er ikki rásarúm fyri tí. Sostatt staðfesti hann, at vórðu Norðoyatunnilin og Vágatunnilin ikki lagdir í al­ menn partafeløg, vóru teir ongan­tíð komnir. aki@sosialurin.fo Vit hava pengarnar Við nýhugsan hava vit nóg mikið av pengum at gera undirsjóvartunlar fyri, sigur Anfinn Kallsberg, fyrrverandi løgmaður, sum annars avgjørdur hevur noktað fyri at siga sína meining um samfelagsmál. Men her situr hann við pallborðið á kjakfundi í Klaksvík, ímillum Páll á Reynatúgvu, vm og Kára P. Højgaard. Mynd: Olivur Joensen Mugu tora Vit mugu tora at viðgera spurningin um at seta ein bumm upp í Norðskálatunlinum og í Kollafjarðartunlinum, segði borgarstjórin í Klaksvík á tunnilsfundi í Klaksvík. Her situr hon við pallborðið ímillum Kára P. Højgaard, ytst vinstrumegin, Anskar Hansen og Ewald Kjølbro. Mynd: Olivur Joensen