mikudagur 14. mars 2012síða 9

9 Mikudagur 14. mars 2012 · Nr. 32 Sosialurin Hugskot og viðmerkingar – send sms til 225000 Áki Bertholdsen Hesa næstu tíðina fer Livar Nysted, havrógvari í Hvanna­ sundi, at brúka nógvar tímar í rógvimaskinuni heima við hús. Tað ger hann, tí um nakrar mánaðir skal hann royna at seta enn eitt nýtt heimsmet. Tað hendir, tá ið hann beint eftir ársskiftið fer at rógva tvørtur um Suður Atlants­hav, úr Kanarisku oyggj­um til Barbados. Men Livar Nýsted og sjey bátsfelagir hansara eru ikki teir einastu, sum ganga við slíkum tonkum. – Eg veit, at tvær aðrar bátsmanningar, sum eisini ætla at rógva sama teinin sum vit, og tær ætla eisini at leggja til brots í januar. – Hendir tað, verður tað ein rættilig kapprógving um Suðuratlantshav, sigur Livar Nysted. Men hann sigur, at tað er bara at fegnast um, tí tað kann bara fáa teir at spíla seg enn meiri út fyri at verða fyrstir á mál. Kend leið Teinurin, teir skulu rógva hesuferð, er einar 5000 kilo­ metrar, ella eitt sindur styttri enn teinurin, hann róði í 2010 tvørtur um Norður­atlants­ hav, úr Ný York til Onglands, tá ið teir tóku eitt 114 ára gamal met. Hesin teinurin úr Kanarisku oyggjunum til Barbados, er ikki ókendur fyri Livar Nysted. – Fyrstu ferð eg var í holt við Atlantshav, var ætlanin nettupp at rógva hendan teinin. – Tað var í 2009 og tað var fyrstu ferð, eg royndi at rógva um eitt hav. Tað gekk serstakliga væl teir fyrstu 1000 fjórð­ing­ar­ nar. - Men so mistu vit róðri og við ongum róðri var vónleyst at halda fram, so vit máttu fara av bátinum. Dyggur smeitur Livar Nysted sigur, at líka síðani hevur tað bylgst í hon­um, at hann vildi fegin sloppið at roynt ferðina um Suðuratlantshav. Men tað lá nú ikki í kort­ unum, at hetta skuldi vera næsta ferð hansara. Upp­ runa­liga var ætlanin, at Livar og aðrir skuldu rógva tann teinin upp á ófatiligar 9200 kilometrar um Indiahav, úr Avstralia líka til Afrika. Men báturin, teir skuldu rógva við, fórst, tó at mann­ ingin tíbetur varð bjargað og tí fór tann ferðin fyri skeytið. Livar Nysted viðgongur, at tað var ein dyggur smeitur at síggja ferðina, hann hevði fyrireikað seg upp á, detta niðurfyri. – Men ístaðin fyri at fella í fátt og seta seg at kúra, gjørdi eg upp við meg sjálvan, at eg skuldi heldur royna at finna mær eina aðra ferð. – Eg setti meg tískil í sam­bandi við Levin Brown, gamla skipara mín á ferðini um Norðuratlantshav og tað end­aði við, at eg fekk kansin umborð á bátinum, sum skal rógva um Suðuratlantshav. – Hetta er ein ferð, sum er rættiliga væl umtókt hjá havrógvarum, tí hetta er tann klassiska rutan um Atlants­hav. Tveir og tveir Livar Nysted sigur, at nú brúkar hann nógva tíð at fyri­reika seg til ferðina og av tí sama situr nann nógv við árar­nar í rógvimaskinuni. – Tá ið vit fara, skulu vit rógva 12 tímar um sam­ døgurið. – Vit rógva í tveir tímar og so hvíla vit í tveir tímar, allan rólarringin. – Hesa rútmuna má eg venja meg við, annars gong­ ur ikki leingi, so eri eg fyri­ lagstur – Vit vera fýra mans rógva ísenn og báturin, vit hava, er spildur nýggjur, bygdir eftir nýggjasta sniði fyri at hann skal ganga so væl, sum gjørligt. Livar Nysted sigur, at endamálið er fyrst og fremst at taka metið á hesum tein­ inum, sum er 32 dagar. Men í øðrum lagi er enda­ málið at vera teir fyrstu at bróta 30 daga markið á hes­ um teininum – Tað hevði verið søgu­ ligt! aki@sosialurin.fo Livar rógva kapp um Atlantshavið HAVRÓGVING í Nú fer kendi havrógvarin úr Hvannasundi at rógva tvørtur um suður Atlantshav og tað verður rættilig kapprógving, tí hann veit um tveir aðrar bátar, sum leggja á havið um somu tíð – Ferðin í ár verður serstakliga spennandi, tí sum tað sær út nú, verða vit tríggir bátar, sum leggja frá landi ísenn, so tað verður rættilig kapprógving, sigur Livar Nysted Klassisk ruta Hetta er teinurin, Livar Nysted skal rógva eftir nýggjár, 5000 kilometrar úr Gran Kanaria til Barbados. Hetta er klassiska rutan hjá havrógvarum og endamálið hjá Livar og teimum er at bróta 30 dagfa markið Livar Nysted sigur, at hóast ferðin um Indiahav ikki bleiv til nakað hesu­ ferð, hevur hann ikki slept ætlanini um tað ferð­ina, sum er heilar 7000 kilo­ metrar úr Avstralia til Afrika. Gongst sum ætlað, fer hann at royna at sleppa við einum báti einaferð, seinni. Tað eru eisini aðrar ferð­ir, sum spøkja í hug­ anum. Ein ferð, sum Livar hev­ur í tonkunum, er at rógva útnyrðingsleiðina úr Alaska til Labrador. Tað er ein ferð upp á slakar 6.500 kilometrar, sum ongin hevur roynt at rógva áður. Livar Nysted sigur, at tað veldst eisini um, hvussu tað gongur at fáa stuðlar til ferðirnar. – Men fyribils er alt hetta bara dreymar, tí nú er tað Suðuratlantshav, eg brúki allar mínar kreftir upp á, sigur Livar Nysted. Droymir enn um Indiahav Vit rógva í tveir tímar og so hvíla vit í tveir tímar, allan rólarringin