mánadagur 14. mai 2012síða 21

21 Mánadagur 14. mai 2012 · Nr. 55 Sosialurin Hugskot og viðmerkingar – send sms til 225000 Ítróttarblaðið FM-svimjing Svimjing Hópin av nýggjum metum vórðu sett, nú FM í svimjing var í svimjihøllini í Gundadali um vikuskiftið Pætur Albinus Karmarnir vóru av teimum allar bestu í svimjihøllini í Gundadali um vikuskiftið, har tað var brynjað til eitt stórt FM-tiltak í svimjing. Sigast má, at svimjararnir sjálvir gjørdu umstøðurnar enn betri, tí áskoðararnir fingu nevniliga hópin av nýggjum føroyskum- og junior­metum at síggja, umframt at nakrar gullnálir eisini vórðu býttar út sum heiðurstekin fyri eitt serliga gott avrik. Gullnálir alt fyri eitt FM í svimjing byrjaði fríggjadagin, og longu á fyrsta kappingardegnum byrjaðu sera góðar tíðir at koma undan kavi, sum eitt nú førdu til heili 10 nýggj met – fimm føroysk- og fimm juniormet – og tríggjar gullnálir. 15 ára gamla Guðrun Mortensen úr Suðuroyar Svimjifelag setti nýtt føroyskt juniormet í 100 metra frí­svimjing, við tíðini 58.31, har junior­metið hjá Biritu Debes frá NJM 2010 var 58:52. 17 ára gamla Poula Øssursdóttir Mohr setti nýtt føroyskt met í 200 metra bland­ aðari svimjing, tá ið hon svam teinin uppá 2:20.58, har metið hjá Elspu Mørkøre frá Thisted Cup í 2007 var 2:21.22. Tíðin hjá Poulu er somuleiðis ein gullnálatíð. Hetta er ein styrkismeting hjá føroyska svimji­sambandinum, sum sigur, at tað er eitt sjáldsama gott úrslit. Tann bert 13 ára gamla Kristina Elin Thomsen úr Suðuroyar Svimji­ felag setti eitt risastórt nýtt føroyskt met í 50 metra firvaldasvimjing við tíðini 27.67, har føroyska metið hjá Astrið Foldarskarð frá í morgun var 28.44. Tíðin er samstundis nýtt føroyskt juniormet, og undir kravtíð til Evropameistarakappingina fyri juniorar í Antwerpen í summar, sum tó ikki hevur so stóran týdning við tað at Kristina Elin er ov ung til at luttaka. Astrið Foldarskarð var eisini væl og virðiliga undir metið frá í morgun við tíðini 27.98. Kristina Elin og Astrid svumu báar undir gull­nálatíð SSF's og sigur hetta nógv um støðið til FM í ár, og kanska serliga nógv um bert 13 ára gomlu Kristina Elin. Tær fýra Astrið Foldarskarð, Cecilia Wigant Eysturdal, Victoria Wigant Eysturdal og Birita Debes úr Ægir settu í kvøld nýtt føroyskt met í 4x100 metra frísvimjing vi tíð­ ini 3:58.58, har metið hjá Ægir frá FM í fjør var 3:59.98. Teir fýra Magnus Jákupsson, Markus Joensen, Bartal Hestoy og Pauli Ø. Mohr settu í kvøld nýtt før­oyskt met í 4x100 metra bland­ aðari svimjing, tá ið teir á Føroya­ meistarastevnuni í Gundadali svumu teinin uppá tilsamans 3:56.04, har føroyska metið hjá HS frá FM í fjør var 3:57.99. Tað má sigast at vera eitt satt bragd, at heili tríggir svimjarar hava svomið seg til gullnál longu fyrsta FM-dagin. Stjól met frá Páli Leygardagin setti Magnus Jákupsson úr Havnar Svimjifelag seg sjálvan í miðdepilin, tá ið hann í 100 metra blandaðari svimjing stjól metið frá sjálvasta Páli Joensen. 17 ára gamli Magnus, sum til dagligt ven­ur í Vanløse, gjørdi veruliga bart, har hann við tíðini 55.94 stjól metið frá Páli Joensen, sum hann setti á Oyggjaleikunum í Álandi 2009 við tíðini 57.66. Metini byrjaðu longu at vísa seg frá morgni av, tá ið teir fýra Alvi Hjelm, Sigmund Mørkøre, Hjørtur á Fløtti og Heðin L. Olsen úr Ægir settu nýtt føroyskt juniormet í 4x100 metra frísvimjing við tíð­ini 3:41.20, har metið hjá HS frá junior­ meistarastevnuni í fjør var 3:46.09. Tær fýra Birita Debes, Turið S. Christiansen, Astrið Foldarskarð og Cecilia W. Eysturdal úr Ægir settu nýtt føroyskt met í 4x100 metra blandaðari svimjing við tíðini 4:27.11, har metið hjá Ægir frá FM í fjør var 4:27.59. Teir fýra Magnus Jákupsson, Bartal Hestoy, Óli Mortensen og Pauli Ø. Mohr úr Havnar Svimjifelag settu somuleiðis nýtt føroyskt met í dag. Tað var í 4x100 metra frí­svimj­ ing, har teir við tíðini 3:28.93 tóki metið hjá HS frá FM í fjør, sum var 3:30.32. Aftur sunnudagin Eisini seinasta kappingardagin, sum var sunnudagin, vóru fleiri met sett. Teir fýra Heðin L. Olsen, Hjørtur á Fløtti, Alvi Hjelm og Sigmund Mørkøre settu nýtt føroyskt junior­ met í 4x50 metra frísvimjing fyri lið, tá ið teir á FM/JM 2012 vunnu juniormeistarastevnuna við tíðini 1:39.83 frammanfyri HS-juniorar á 1:40.15 og SuSvim-juniorar á 1:41.58. HS-dreingir áttu metið á 1:41.75 frá FM/JM í fjør. Tær fýra Guðrun Mortensen, Helena S. Sævarsdóttir, Shaila mill­um Garðarnar og Kristina Elin Thomsen úr Suðuroyar Svimjifelag megn­aðu at seta nýtt føroyskt met í 4x50 metra frísvimjing við tíðini 1:47.37, har metið hjá Ægir frá Ægir- stevnu í februar var 1:48.47. Hetta hendi í einum øgiligum endaspurti, sum SuSvim vann við einum hundrað­parti frammanfyri Ægir. Seinasta metið áttu teir fýra Magnus Jákupsson, Bartal Hestoy, Óli Mortensen og Pauli Ø. Mohr, sum settu nýtt føroyskt met í 4x50 metra frísvimjing við tíðini 1:35.26, har metið hjá HS frá FM í fjør var 1:35.29. albinus@sosialurin.fo Tey svumu í nýggjum metum Myndir: Álvur Haraldsen