mánadagur 6. august 2012síða 25

25 Mánadagur 6. august 2012 · Nr. 90 Sosialurin Hugskot og viðmerkingar – send sms til 225000 summarfestivalurin 2012 fríggjadag summarfestivalurin 2012 Niels Uni Dam Tónleikurin hjá Swangah Dangah er í stóran mun heldur monotonur. Her er ikki tann stóri dynamikkurin og løgini verða borin av søgunum, ið teir fortelja við sínum tekstum. Tí Swangah Dangah hava eina styrki framum allar aðrar, og tað er teirra livandi málbrúk. Eg meti fløguna Belials Synir, sum eitt tað mest áhugaverda íkastið til føroyskan skaldskap seinastu nógvu árini. Teirra rím sita væl og ger­andis­liga málið blandað við út­ lendsk­um lániorðum, fúlheitum og ófantaligum, hevur skapt ein skalds­sligan alheim, ið er heilt egin í føroyskum høpi. Men hoyrdi ikki orðini Tí var tað ófatiliga keðiligt, at man í flestu løgunum, ikki hoyrdi hvat teir rappaðu, eitt bland av ringari artikuler­ing og ófyrigevandi telt­ dúk­urin í FLAGS-Tjaldinum køvdi orð­ini, og í summum løgum vóru bert hendinga orð skillig. Her var ser­liga tann eini rapparin Steen, tann stóri syndarin. Fyri teir fjepp­ ar­ar, ið kenna allar tekstirnar var iva­leyst lættari at hoyra, og tað kók­aði tí eisini framman fyri pallin alla konsertina. Men tað kravdi ikki meira enn at hyggja meg um, og síggja tey eitt sindur líkasælu andlits­bráini rundan um meg, og hvussu fólk sussaðu sína millum, fyri at skilja, at tað ikki bert var eg sjálv­ur, ið ikki heilt fekk fylgt við. Tað gjørdist skjótt eitt sindur for monotont uttan tekstin. Eg byrjaði so smátt at keða meg. Hetta broytt­ ist tó, tá tey meira kendu løgini vóru spæld, til dømis Gentan er farlig og Frá bygd til bý. Tá fangaðu teir alla fjøldina, og eisini eg fekk verið við. Ordiligan trummara Á konsertini stillaðu Swangah Dangah upp sum ein kvartett um­ framt rappararnar Ragnar David­ sen og Steen Rói Lorenzen var mixmaster Urbanus Olsen og live trummuleikarin Eyðun Müll­er Thomsen við. At hava trummu­ leikara við var frískligt, og gjørdi kon­sert­upplivingina betur bæði visuelt, og við at ljóðmyndin gjørdist meira livandi. Áhugavert samstarv Urbanus er evnaríkur tónleikari og sam­starvið við Swangah Dangah tyk­ist sera spennandi. Tað var ser­ liga týðiligt í allar seinasta lagnum á konsertini, Apocalypse, ið Urbanus hevur gjørt. Tónlistarliga er hetta lagið nógv tað mest áhugaverda hjá bólkinum, og tað er ikki óhugsandi, at hetta er ein leið, ið bólkurin skul­ di hildi fram á. Vit kenna tílíkar rappbólkar í londunum kring okkum, men hetta er fyrsti bólkur av sínum slag í føroyskum høpi. Við teimum gáv­ um, ið teir hava bæði sum tekst­ høvundar og við sterkari hjáveru á pallinum er Swangah Dangah ein sera spennandi bólkur at fylgja fram­yvir. Eitt hjartasuff Alla konsertina vóru tveir mynda­ menn á pallinum við Swangah Dangah, um teir vóru bidnir av bólki­num til endamálið, ella um teir starvaðust fyri onkran annan veit eg ikki. Men teir gingu so nógv fyri á pallinum, at teir beinleiðis órógv­aðu framførsluna fyri okkum á­skoð­arar. Ein teirra hevði enntá fing­ið tað idiotiska hugskotið at lata seg í eina reyða topphúgvu, ið skrál­aði hygg at mær, fullkomiliga ó­pro­fessio­nelt, og órógvandi fyri fra­m­førsluna. Myndamenn eiga ongan­tíð at órógva upplivingina hjá gjaldandi gestum. Tað kundi verið betur Ummæli Swangah Dangah spældu eina konsert, ið kundi havt verið ordiliga góð, og sum fyri teir mest dedikeraðu Swangah Dangah fjeppararnar ivaleyst var tað. Men fyri okkum, ið bert kenna einkult løg, kendist tað sum at hyggja eftir einum filmi á einum máli, ið mann næstan ikki skilur Við teimum gáv­um, ið teir hava bæði sum tekst­ høvundar og við sterkari hjáveru á pallinum er Swangah Dangah ein sera spennandi bólkur at fylgja fram­yvir