mikudagur 3. oktober 2012síða 7

7 Mikudagur 3. oktober 2012 · Nr. 115 Sosialurin Hugskot og viðmerkingar – send sms til 225000 Vestnorden Travel Mart 2012 Rannvá G. Fossaberg Ein trupulleiki innan føroyska ferðavinnu er at før­oysku veitararnir duga ov illa at síggja møguleikar heldur enn forðingar. – Tá tað oysir niður, hava vit lyndi til at fella í fátt og halda tað vera keðiligt fyri út­lendsku ferðafólkini, sum skulu uppliva okk­ara landi. Veru­ leikin er tó, at send­ur tú eitt ferðafólk út at hyggja eftir fossum og áum, tá tað regnar av grimd, koma tey altíð væl nøgd heimaftur, tí tey hava fingið eina upp­ living, tey ikki fáa aðra­staðni, sigur Eirik Suni Danielsen, sum fyri átta ár­um síðani fór undir at reka Gjáargarð við Gjógv. Væl vitjaða bygdin Tað er eingin loyna, at nógv ferða­fólk vitja við Gjógv. Ógvuliga nógv. Sambært Eirik Suna Danielsen er orsøk­in rættiliga einføld. Gjógv liggur væl fyri. – Fyrst og fremst er plaser­ingin av bygdin góð. Tað tekur bara ein tíma at koyra úr Havn og norður til Gjáar. Harafturat ber til at síggja rættiliga nógv á túr­ in­um norður, greiðir Eirik Suni Danielsen frá og heldur fram: – Ein onnur orsøk til at bygdin er so væl vitjað er eisini tí, at vit hava eina rætt­ iliga stórsligna náttúru, sum ferðafólk verða ógvuliga hug­tikin av. Umframt hetta so hevur tað eisini týdning fyri ferðafólk, at til ber at fáa okk­urt til matna á staðnum, og at vesiviðurskiftini eru í lagi. Og tað er tað við Gjógv, sigur Eirik Suni Danielsen. Eiga at luttaka á VTM Gjáargarður er eisini um­ boð­aður ímillum teir tíggju føroysku básarnir, sum eru at síggja í Hørpu, teir tveir dag­arnir Vestnorden Travel Mart er. – So leingi Vestnorden Travel Mart er, so eiga vit sum føroyskir aktørar innan ferðavinnuna at luttaka. Mann kann siga sum so, at vit fáa als einki burturúr við ikki at vera við, sigur Eirik Suni Danielsen, sum dám­ar væl at møta teimum fólk­ unum, hann javnan sam­ skiftir við umvegis telefon og teldupost. – Eg haldi, tað er týdn­ ingar­mikið, at vit her kunnu møta teimum, sum eru kundar frammanundan, og at vit samstundis koma í sam­band við møguligar fram­tíðar kundar. Á eini slíkari messu hittir tú fólkum inn­an ferðavinnuna, sum tú kanska annars ikki vildi hitt, og á tann hátt er hetta eisini við til at viðlíkahalda og uppbyggja eitt netverk, sigur Eirik Suni Danielsen. rannva@sosialurin.fo Føroyar hava alt tað, sum Grønland og Ísland ikki hava, og júst tað ger, at Føroyar eru kapp­ ingar­førar við hesi bæði londini, tá tað snýr seg um ferða­vinnu. Tað sigur Theresa T. Kreutzmann, stjóri á Kunningarstovuni í Tórs­havn. – Í Føroyum hava vit tann fyrimunin, at út­ lendsk ferðafólk noyð­ast ikki at velja frá, tá tey eru her. Tey kunnu bara velja til, tí landið er lítið, og harvið er skjótt at vitja oyggjarnar. Soleiðis er ikki í Grønlandi og Ís­ landi, greiðir Theresa T. Kreutzmann frá. Hóast Føroyar hava tað, sum skal til fyri at fáa ferðafólk at velja Føroyar fram um onn­ur møgulig ferðamál, er tað av alstórum týdn­ ingi, at føroyska ferða­ vinn­an og tey tilboðini, vit hava at bjóða, verða endurnýggjað. – Mann kann ikki hvíla leingi á eini success, og tað verður kravt nógv av ferðavinnuni. Tískil er umráðandi, at vit endur­ nýggja okkum javnan, tí kapp­ingin frá øðrum lond­um er altíð hørð, sigur Theresa T. Kreutzmann. Kappingarneytar eiga at samstarva Sambært stjóranum á Kunn­ingarstovuni í Tórs­ havn hevur føroyska ferða­vinn­an av ymiskum orsøk­um ligið í einum aldu­dali hesi seinastu ár­ ini. – Vit hava verið í einum aldudali, sum hevur gjørt, at vit eru follin í fátt. Hóast tað gongur rætta veg­in aftur, so er tað júst nú at aktørarnir innan før­oysku ferðavinnuna skulu arbeiða saman, tí tað er tað, sum gevur orku og vilja til at menna okk­um, sigur Theresa T. Kreutzmann og leggur afturat: – Innan fyri ferðavinnu er týdningarmikið, at hugsa ótraditionelt, og tað er nakað, vit skulu gera meira av, heldur Theresa T. Kreutzmann. Hon hevur fleiri ára royndir innan ferða­vinnu í Grønlandi og sam­bært henni kunnu føroyingar læra nógv av grøn­lendingum. – Ofta verður funnist at trongu fíggjarkørmunum, sum føroyska ferðavinnan virkar undir, men Grøn­ land hevur havt 27 milliónir krónur at brúka til ferðavinnuna, men allíka­væl hava tey ikki megn­að at fáa fleiri ferða­ fólk handanvegin, greiðir Theresa T. Kreutzmann og heldur fram. – Eitt sum grønlend­ ing­ar duga væl er at sam­starva, hóast mann er kapp­ingar­neytar. Tað er nakað, vit skulu gera meira í Føroyum, at sam­ starva og hugsa krea­ tivt, sigur Theresa T. Kreutzmann. rannva@sosialurin.fo Føroyar eru kappingar­ førar – Ferðafólk, sum koma til Føroya, kunnu fara allastaðni í landinum upp á stutta tíð, og tað er ein styrki, vit ikki eiga at gloyma, sigur Theresa T. Kreutzmann, stjóri á Kunningarstovuni í Tórshavn, ið luttekur á ferða­ vinnu­messuni í Reykjavík Stóra messan fyri ferða­ vinn­una í Føroyum, Íslandi og Grønlandi, Vestnorden Travel Mart, fór av bakka­ stokkið í gjár. Í ár er tað Ísland, sum er vertur fyri mess­uni, ið fer fram í Hørpu í Reykjavík. Teir tveir dagarnar, mess­an er, hava útvið 150 ymiskir veitarar innan ferðavinnuna hvør sín bás inni í Hørpu, har umleið 120 keyparar úr øllum heiminum vitja. Um­framt veitarar og keyparar eru eisini onnur umboð fyri ferðavinnuna og politikarar og fjølmiðlafólk til staðar á messuni. Tað er North Atlantic Tourism Association, sum síð­ani 2006 hevur skipað fyri mess­uni. Føroyar, Grønland og Ísland skiftast um at skipa fyri. Ísland 2. hvørt ár og Føroyar og Grønland 4. hvørt ár. Komandi ár er Grøn­land vertur fyri ferða­vinnu­ messuni, tá Vest­norden Travel Mart verður hildið í Nuuk. Vestnorden Travel Mart 2012 Duga ov illa at síggja møguleikar Føroyingar eru ov skjótir at síggja forðingar ístaðin fyri møguleikar. – Vit eru sjálvi størsta forðingin, sigur Eirik Suni Danielsen, sum eigur og rekur Gjáargarð, sum eisini hevur bás á Vestnorden Travel Mart Theresa T. Kreutzmann Eirik Suni Danielsen