fríggjadagur 19. oktober 2012síða 8

Fríggjadagur 19. oktober 2012 · Nr. 222 8 Sosialurin Hugskot og viðmerkingar – send sms til 225000 Fyrr í vikuni gav bólkurin Fróði and The Pink Slips út eitt nýtt videolag til lagið »Diamonds in the rough«. Lagið er at finna á nýggju fløguni The Mouse, sum hevur fingið góð ummæli í donskum miðlum. Oddamaðurin í bólkinum, Fróði Hansen, vitjaði í Ghetto Før­oy­ar í gjár, og har greiddi hann frá, at hann hitti ein films­ framleiðara, sum dámdi sera væl teirra tónleik, og valdi sær eitt lag á fløguni at gera eitt videolag til. Videolagið er upptikið í einum niðurløgdum sjúkrahúsið, og her royndu menninir í bólkinum seg eisini sum sjónleikarar, tá ið teir skuldu upptaka videolagið. Fróði og hinir í bólkinum eru sera væl nøgdir við tey ummæli, sum teir hava fingið í donskum miðlum. Teir spæla javnan í Keyp­mannahavn, og her eru tað bæði føroyingar og danir, sum vitja teirra konsertir. Videolagið kann síggjast á YouTube Fer ein fótbóltsspælari av land­ inum at venja í eina viku, so røkkur ein søga sum henda út til allar landsins fjølmiðlar. Fær Eivør ella Teitur góð ummæli í útlendskum fjølmiðlum, so sleppa vit sanniliga eisini at hoyra um tað í teimum føroysku miðl­unum. Men nakað, sum ikki fær heilt so stóra rúmd, eru føroyskar bók­ mentir. Tískil valdi tey í Ghetto Føroyum at varpa ljós á evnið, tá tey í gjár høvdu bjóðað trimum fólkum við servitan innanfyri økið til orðaskifti. Sissal Kampmann, sum er út­ búgvin cand.mag og vann herfyri debutantprís Klaus Rifbjergs fyri yrkingasavnið »Ravnar á ljóð­ leysum flogi – Yrkingar úr upp­ gongdini«. Jenny Johannesen er útbúgvin cand.mag og bók­ menta­ligur samskipari hjá FarLit, sum ein stytting fyri Faroese Litterature, og sum skal varpa ljós á og selja føroyskar bók­ mentir uttanfyri Føroyar. Og Kim Simonsen hevur júst skrivað phd um tjóðskap, men er eisini rithøvundur, ummælari og útgevari við forlagnum Eksil. Hesi skiftu orð í næstan ein hálvan tíma, og kann tað hoyrast á Facebook-síðuni hjá Ghetto Føroyum. Men ein av niður­ støðunum var, at tað vanta ungir føroyskir rithøvundar. – Tað er ikki sunt, at eingin ung fólk umboða Føroyar á bóka­messum uttanlands. Men tað kemst av, at tað er sum heild trupult at fáa eyga á ungar rit­ høv­undar í Føroyum. Vit hava ov mikið av ungum tónleikarum, men rithøvundarnir eru flestir oman­fyri 60, førdi Kim Simonsen millum annað fram. – Tey ungu koma bara fram í Vencil og á sosialu miðlunum. Men tað er ein trupulleiki, tá unga ættarliðið ikki er sjónligt. Hvør annar enn tey kann greiða frá, hvussu samfelagið sær út við teirra eygum, og – ikki minst – hvat er ynskiligt at broyta. Listin eigur at vera ein ávísing um tey viður­skifti, sum røra seg í einum sam­felagið og sum politikararnir ikki hava atgongd til, tí teir flyta seg á einum øðrum plani, enn tey ungu gera, vísti Sissal Kampmann á. Vanta ungar rithøvundar BÓKMENTIR Okkum vantar ungar føroyskar rithøvundar, og status á føroyska bókmentapallinum kundi verið betri. Tað eru Kim Simonsen, Sissal Kampmann og Jenny Johannesen samd um, sum vóru komin í Ghetto Føroyar at skifta um føroyskar bókmentir Nýtt videolag skal marknaðarføra Fróði and The Pink Slips