fríggjadagur 9. november 2012síða 12

Fríggjadagur 9. november 2012 · Nr. 131 12 Sosialurin Hugskot og viðmerkingar – send sms til 225000 Sakaris Joensen gav í summar út eina fløgu, sum ber heitið I Have Beautiful Eyes. Hendan fløgan kom út í Føroyum, og í næstum kemur hon eisini út í Danmark og í Týsklandi. Sakaris spældi á G! festivalinum í ár, og hendan konsertin gav honum møguleikan at fara út um Føroyar at framføra. - Eg fekk fleiri góð sambond eftir konsertina í Føroyum, og ein teirra var ein persónur, sum arbeiðir fyri eitt týskt bookingfelag. Hann gjørdist áhugaður í mínum tónleiki, og soleiðis havi eg fingið fótin innum týska marknaðin, sigur Sakaris Joensen. Hann fegnast um, at tað ber til at knýta slík sambond einans við at spæla á einum lokalum festivali. - Tað er rættiliga kul, at G! festivalurin er so væl vitjaður av útlendskum gestum, tí so kunnu vit føroyingar fáa nógv burturúr, um onkur teirra dámar okkara tónleik, sigur Sakaris. Tað er í januar, at hann byrjar sína rundferð í Týsklandi. Súni Thomassen og Sveinur Dam vitjaðu í Ghetto Føroyar í gjár, og teir báðir greiddu frá, hví teir hava valt Føroyar frá. Sveinur er tónleikari, og hann heldur, at før­ oyskir politikarar hava ein keðil­ igan hugburð til mentan og list. – Tónleikur og list liggur mær nær at hjartanum, og tá ið eg merki, at politikarar ikki virða mentan­ina í Føroyum, so verið eg frá­stoyttur av tí, greiður Sveinur Dam frá. Hann heldur, at politiska rák­ ið í Føroyum nærmast eggjar úti­ setum at velja Føroyar frá, tí eing­ in politiskur vilji tykist vera fyri at fáa føroyingar heim aftur. Súni Thomassen er vágbingur, og arbeiðir í dag hjá einari multi­ nationalari fyritøku í Danmark. – Eg meti ikki at arbeiðs­møgu­ leikar eru til mín í Føroyum. Í Vági tosa tey til dømis bara um hvørt man skal lata upp aftur flaka­virkið ella ikki. Tað er ikki nóg stór mál at seta sær, um man ynskir, at fólk skulu koma aftur, sigur Súni Thomassen. Hann heldur, at eitt nú trygg­ leiki, at koma hvørjum øðrum við og so framvegis eru virðir, sum føroyingar leggja stóran dent á, men hetta ber eisini til at fáa aðra­staðni. – Um man metir hetta verða týdningarmikið, so kann man akkurát tað sama flyta til eina lítla bygd í Danmark, sigur Súni. Tryggleikin dregur Marita Gunnarstein Joensen er eisini vágbingur, og hon ætlar sær heim aftur til Vágs at búleikast. Tað er tryggleikin, og dreymurin um at geva børnunum ein upp­ vøkstur í Vági, sum dregur. – Barna og ungdómsárini eru ómetaliga týdningarmikil, og eg havi havt ein fantastiskan barn­ dóm í Vági, og tað vil eg geva víð­ ari til míni børn, sigur Marita, sum eisini heldur tað vera ein fyri­munur, at tað ber til at keypa sær stór hús fyri lutfalsliga lítla prís á bygd. Marita vísur á, at í Keypmanna­ havn búgva fólk mangan í lítlum íbúðum í íbúðarblokkum, har ein hvønn dag skal ganga uppá 6. hædd fyri at sleppa til hús. Har­umframt er ein noyddur til at bíða eftir bussinum, metroini ella tokunum fyri at sleppa til ar­beiðis, og hetta tekur mangan langa tíð. Tað er eisini hetta, sum Marita vil sleppa undan. – Í Føroyum er vit góð við hvønn annan. Vit rópa ikki eftir hvørj­um øðrum í bussinum, ella lata okkara gomlu fara einsamøll til handils. Vit ansa eftir hvørjum øðr­um, og tað er ein eginleiki, sum eg ikki kann vera fyriuttan, sigur Marita Joensen. Útbúgvingarmøguleikar eru ein fortreyt Vit tosa nógv um hvat skal gerast fyri at steðga fólkminkingini í Før­oyum, og Høgni Reistrup vís­ ur á, at tað er týdningarmikið at geva fólki møguleikan at lesa í Før­oy­um, soleiðis at tey ikki eru noydd til at leita sær uttan­ lands. 60% av teimum sum flyta úr Føroyum, fara fyri at nema sær eina útbúgving. Tað talið er ógvu­ liga høgt í mun til onn­ur lond, og tí eru fleiri útbúgvingarmøguleikar ein fortreyt fyri, at vit steðga gongd­ini í Føroyum, sigur Høgni Reistrup. Bókin EXIT Føroyar kom á marknaðin í vikuni, og kann keyp­ast í bókahandlum kring landið. Tað snýr seg um at broyta hugburð – Vit kunnu fokusera uppá, at veðrið í Føroyum er keðiligt, at tað kostar nógv at ferðast úr Føroyum og at arbeiðs­møgu­leikarnir eru ov fáir, men vit kunnu eisini velja at hugsa um tryggleikan, um lága húsaprísin uttanfyri Havnina, um stuttu frástøðuna millum bygd og bý, tí í síðsta enda snýr tað seg jú um at hava rætta hugburðin til Føroyar, sigur Høgni Reistrup, sum saman við Hera á Rógvi hevur ritstjórnað bókina Exit Føroyar Sakaris á rundferð í Týsklandi