fríggjadagur 11. januar 2013síða 38

nr. 4 · 11. januar 2013 6 VIKUSKIFTI TIPS FRÁ barbaru barbara@sosialurin.fo Tá ið jólini eru av eru nøkur viðurskifti, sum skulu fáast í rætt lag, tá ið umræður móta og vælveru. Eitt nú føra jólini við sær, at vit í størstan mun lata okkum í myrk klæði, men nú gongur móti ljósari tíðum, og tí skulu klæðini gerast ljósari. Nógv hugsa eisini um at venja og sleppa av við jóla matin, og alt tað ósunna góðgæti, sum fylgir við jólunum, hevur allarhelst sett síni spor í húðina hjá mongum. Her eru nøkur góð ráð um hvussu tú ger teg klára til várið Kom yvir jólini Heimabundið armygrønt Armygrønt ella militergrønt, sum summi kalla tað, verður nógv at síggja komandi tíðina. Sniðgevar hava eisini í stóran mun valt at samantvinna armygrøna lookið við leður fyri at gera stílin so ráan sum gjørligt. Tú kanst sjálvandi keypa tær hetta lookið í flest øllum mótahandlum, men tú kanst eisini fylgja rákinum á tín egna hátt, við at binda tær eina armygrøna troyggju. Eg bar eyga við eina púra vanliga bundna troyggju í armygrønum, sum hevði ein leðurkraga, ið var seymaður á. Tað er eitt dømi um hvussu tú kanst gera hetta rákið til títt egna. Gev húðini nýtt lív Á jólum eta tey flestu eina rúgvu av sukri og feitti, og hetta sæst mangan aftur í andlitinum. Men nú hevur Make-Up Store í Havn eitt nýtt mineralputur, sum ikki gevur nakran lit, men ístaðin uppfrískar húðina, og gevur andlitinum nýtt lív. Hetta putrið er framleitt úr mineralum í kletsjarunum í Íslandi, og tá ið tað verður smurt á húðina, verður hon køld niður. Fyrst skalt tú smyrja krem á húðina, og síðani hetta putrið. Umframt at gera húðina penari, so hevur hetta putrið tað ávirkanina, at foundation og annað heldur longri á húðini. XLS: slankiheilivágur frá Apotekinum Flest øll hava nýggjárslyfti av onkrum slag, og nógv hugsa um at sleppa av við eyka kilo eftir jólahøgtíðina. Men tað er ikki altíð so lætt. Nú bjóðar Apotekið og Matas eitt nýtt amboð til at basa fita, og hetta nevnist XLS heilivágur. Tað eru trý sløg av hesum heilivági. Tað er »Fedtbinder«, »Kulhydratblokkar« og »Appetitmindsker«. Endamálið við hesum er at hjálpa fólki at tapa seg, men sjálvsagt er neyðugt at eisini eta sunt og venja samstundis. Hesi trý sløg kunnu keypast í Matas og á Apotekinum, og á hesari heimasíðuni sært tú hvussu heilivágurin riggar, og hvørjar broytingar tú skalt gera í tínum lívið, um tú ynskir at tapa teg. www.xlsmedical.dk Prikkurin yvir svarta i'ið Nógv hava lyndi til at lata seg í rættiliga myrk klæði í myrku tíðunum. Tað er púra natúrligt, og sum tíðirnar gerast ljósari, fylgja klæðini við. Tað kann eisini vera ógvuliga vakurt at vera í einum eitt nú svørtum kjóla, men so riggar væl, at eyguni eru festlig og bróta frá tí myrka stílinum. Nógvir smyrslhandlar fokusera í dag nógv uppá sterkar litir sum ljósareytt, lilla, grønt, turkis og so framvegis. Make-Up Store í Havn stóð fyri smyrslinum, tá ið Planet Awards var á skránni og somuleiðis tá ið Nýggjárssendingin hjá Kringvarpinum var á skránni, og í báðum førum var eitt týðuligt rák at síggja - nevniliga ljósareyð eygu. Hetta er ein fínur máti at gera myrka lookið eitt sindur festligari.